Gaming Legend Vince Zampella: आधी धडकली, नंतर स्फोट... गेमिंग दुनियेतील दिग्गज हरपला! Ferrari गाडीचा भीषण अपघात; अंगावर काटा आणणारा VIDEO

Vince Zampella Died in Angeles Crest Highway Crash: कॉल ऑफ ड्यूटीचे सहनिर्माता विन्स झॅम्पेला यांचे ५५ व्या वर्षी अपघाती निधन झाले आहे. चारचाकी थेट काँक्रीट बॅरिअरला धडकली. चारचाकीला भीषण आग लागली.

Vince Zampella Died in Angeles Crest Highway Crash

Source : google

Vince Zampella Died in Angeles Crest Highway Crash: व्हिडिओ गेम्सच्या जगातून एक दुख:द बातमी समोर येत आहे. कॉल ऑफ ड्यूटी या गेमचे सहनिर्माता विन्स झॅम्पेला यांचे वयाच्या 55 व्या वर्षी निधन झाले. मीडिया रिपोर्ट्सनुसार, विन्स झॅम्पेला यांचा अपघाती मृत्यू झाला आहे. विन्स झॅम्पेला आलिशान चारचाकीतून दक्षिण कॅलिफोर्नियाच्या दिशेनं जात होते. त्यांच्यासोबत आणखी एक व्यक्ती होता. मात्र, चारचाकीचा भीषण अपघात घडला. क्षणात चारचाकीने पेट घेतला. हा अपघात एंजेलिस क्रेस्ट हायवेवर झाला असून, विन्स झॅम्पेला यांचा जागीच मृत्यू झाला. तर, त्यांच्यासोबत असलेल्या प्रवाशाचा रूग्णालयात मृत्यू झाला.

चारचाकीत 2 जण होते

कॅलिफोर्निया हायवे पेट्रोलने एका निवेदनात म्हटले की, अपघातावेळी चारचाकीमध्ये दोन जण होते. अपघात इतका भीषण होता की, विन्स झॅम्पेलाचा जागीच मृत्यू झाला. तर, चारचाकीतील दुसरा प्रवासी गंभीररित्या जखमी झाला होता. अपघात घडताच स्थानिकांनी त्याला रूग्णालयात नेले. मात्र, उपचार सुरू होण्यापूर्वीच त्याचा मृत्यू झाला. दरम्यान, अपघात नेमका कसा घडला? हे पोलिसांनी अद्याप स्पष्ट केलेले नाही. अपघाताचे मुख्य कारण जसे की, वेग, तांत्रिक बिघाड किंवा इतर कारण, याचा तपास केला जात आहे, असं पोलिसांनी स्पष्ट केलं.

आलिशान चारचाकीचा भीषण अपघात नेमका कसा घडला?

या भीषण अपघाताचा व्हिडिओ समाजमाध्यमांमध्ये व्हायरल होत आहे. हा अपघात दक्षिण कॅलिफोर्नियामधील एंजेलिस क्रेस्ट हायवेवर घडला असल्याची माहिती आहे. आलिशान चारचाकी डोंगराळ भागातील बोगद्यातून बाहेर पडते. तसेच वेगाने जाते. यानंतर अचानक चारचाकीचा ताबा सुटतो. चारचाकी थेट काँक्रिट बॅरियरला धडकते. अपघात घडताच क्षणात चारचाकी पेट घेते. चारचाकीमधील दोघांचा अपघाती मृत्यू झाला.

HOLY SHIT friends

This just hit me like a frag grenade...

Vince Zampella, the absolute LEGEND who co-created Call of Duty and built empires with Titanfall and Apex, gone at 55 in a brutal Ferrari crash up on Angeles Crest hwy

Dude was living the...pic.twitter.com/Vl8ZO58GHG

— Victoria Gonzalez (@VictoriaGo55816) December 23, 2025

या दुख:द घटनेनंतर इलेक्ट्रॉनिक आर्ट्सने विन्स झॅम्पेला यांच्या निधनाची पुष्टी करणारे अधिकृत निवेदन जारी केले आहे. EAनं म्हटलं की, विन्स यांनी विविध प्रकारचे व्हिडिओ गेम्स तयार केले आहे. त्यांचे गेम्स जगप्रसिद्ध आहेत. त्यांनी तयार केलेल्या गेम्समुळे, गेमिंगकडे पाहण्याचा दृष्टीकोन बदलला आहे. त्यांचे गेम्स येणार्‍या पिढ्यांना प्रेरणा देत राहिल. दरम्यान, हा अपघात नेमका कसा घडला? याचा तपास पोलिसांकडून सुरू आहे.

महत्त्वाच्या इतर बातम्या: