ईशान किशन आणि रिषभ पंतला काय खायला आवडतं? सूर्यकुमार यादवने शेअर केलं ‘फूड सिक्रेट’!

Suryakumar Yadav : ‘ब्रेकफास्ट विथ चॅम्पियन्स' या शोमध्ये सूर्यकुमारने दिलेल्या मुलाखतीत अनेक भन्नाट खुलासे केले.

Suryakumar yadav

Suryakumar Yadav : भारतीय टीमचा आघाडीचा खेळाडू सुर्यकुमार यादव (Suryakumar Yadav ) याने नुकतीच गौरव कपूरला खास मुलाखत दिली. ‘ब्रेकफास्ट विथ चॅम्पियन्स' या शोमध्ये सुर्यकुमारने दिलेल्या मुलाखतीत अनेक भन्नाट खुलासे केले. यात त्याने त्याच्या दोन सहकारी क्रिकेटपटूंच्या फूड सिक्रेट्सचाही खुलासा केला. क्रिकेट सामन्यात विराट आणि सूर्यकुमार जेव्हा एकमेकांसमोर आले, तेव्हाच्या त्या क्षणाचीही यावेळी चर्चा झाली. यावर बोलताना तो म्हणाला, सगळ्यांना वाटत होतं की, मी खूप मजबूत आहे, पण मी आतून घाबरलो होतो.’

यावेळी त्याने अनेक खुलासे केले. त्याने आपल्या खाण्या-पिण्याच्या सवयी देखील सांगितल्या. तो म्हणाला की, मी माझ्या दिवसाची सुरुवात 2-3 वडापाव खाऊन करतो. दुपारच्या जेवणात त्याला भरपूर बटर असलेली पावभाजी खायला आवडते, तर रात्री चायनीज पदार्थ खायला आवडतात. बरं हे चायनीज म्हणजे हॉटेलमधील नव्हे तर, स्ट्रीटफूडमधले आहे, जे मुंबईत चाखायला मिळते.

ईशान आणि रिषभ एकत्र आले की...

सूर्यकुमार म्हणाला, ईशान किशन माझा चांगला मित्र आहे. आम्ही जेव्हा एकत्र असतो, तेव्हा क्रिकेटविषयी कधीच बोलत नाही. त्याऐवजी आम्ही जेवायला कुठे जायचं यावर चर्चा करतो. अर्थात सामना जिंकलो तर, चॉकलेट ब्राउनी आणि आईसक्रीम हा बेत ठरलेला आहे. यातही जर रिषभ आणि ईशान दोघे एकत्र असतील, तर धमालच असते. ते काहीही बोलू शकतात आणि खाऊ शकतात. रिषभ आणि ईशान आईसस्क्रीममध्ये बुडवून पाव देखील खाऊ शकतात. त्यांच्या अशाच अजब गजब खाण्याचा एक मजेदार किस्सा सांगताना तो म्हणाला, ‘एकदा या दोघांनी बर्गर बनवर आईसक्रिम टाकलं, त्यावर नँडोस सॉस लावला आणि त्यावर फक्त चिकन ठेवणेच बाकी होते. हा त्याचा खास चिकन बर्गर होता.’ त्यांनी हा बर्गर सूर्यकुमारला देखील ऑफर केला आणि म्हणाले, ‘खाशील तर उद्या चांगल्या धावा काढशील.’

हे देखील वाचा- 

• IPL 2022: आयपीएलदरम्यान आणखी एका क्रिकेटपटूचं निधन,  क्रिकेट चाहत्यांना एकाच आठवड्यात दुसरा धक्का!