Rafael Nadal: स्टार टेनिसपटू राफेल नदालच्या घरात पाळणा हलला; पत्नी मारिया झाली आई
Rafael Nadal Becomes Father: मारिया ही आई होणार असल्याची माहिती नदालनं जुलै महिन्यात दिली होती.
Rafael Nadal Becomes Father: स्पेनचा स्टार टेनिसपटू आणि 22 ग्रँडस्लॅम विजेता राफेल नदालच्या घरात नव्या पाहुण्याचं आगमन झालं आहे. नदालची पत्नी मारिया फ्रान्सिस्का पेरेलोनं (Maria Francisca Perello) शनिवारी (8 ऑक्टोबर) आपल्या पहिल्या मुलाला जन्म दिलाय. मारिया ही आई होणार असल्याची माहिती नदालनं जुलै महिन्यात दिली होती. नदाल वडील झाल्याची माहिती स्पॅनिश फुटबॉल क्लब रिअल माद्रिदनं दिली आहे. जगभरातील चाहते आणि खेळाडू नदालवर अभिनंदनाचा वर्षाव करत आहे.
स्पॅनिश फुटबॉल क्लब रिअल माद्रिदनं ट्विट करून नदाल आणि त्याच्या पत्नीचे अभिनंदन केले आहे. रिअल माद्रिदनंच्या ट्विटमध्ये असं लिहलंय की, "आमचे प्रिय सदस्य राफेल नदाल आणि मारिया पेरेलो यांना त्यांच्या पहिल्या मुलाच्या जन्माबद्दल अभिनंदन. या आनंदाच्या क्षणात आम्ही तुमच्यासोबत आहोत. हार्दिक शुभेच्छा."
Congratulations to our dear honorary member @RafaelNadal and to María Perelló for the birth of their first child. We join you in sharing the happiness of this moment. All the best!
— Real Madrid C.F. 🇬🇧🇺🇸 (@realmadriden) October 8, 2022
ट्वीट-
14 वर्षांच्या नात्याचं लग्नात रूपांतर
अनुभवी टेनिसपटू राफेल नदालनं 2019 मध्ये त्याची गर्लफ्रेंड मारियाशी लग्न केलं. मीडिया रिपोर्ट्सनुसार, दोघंही 2005 पासून एकमेकांना डेट करत होते. नदालनं 14 वर्षांच्या नात्याचं लग्नात रूपांतर केलं. दोघांचे लग्न स्पेनमधील एका प्रसिद्ध रिसॉर्टमध्ये झालं. नदालचं लग्न खूप गाजलं होतं.
सर्वाधिक ग्रँडस्लॅम जिंकणारा टेनिसपटू
जागतिक क्रमवारीत पाचव्या क्रमांकाचा खेळाडू राफेल नदालनं फ्रेंच ओपन 2022 जिंकून कारकिर्दीतील 22वं ग्रँडस्लॅम जिंकलं आहे. सर्वाधिक ग्रँडस्लॅम जिंकण्याच्या बाबतीत तो नोव्हाक जोकोविच आणि रॉजर फेडरर यांच्यापेक्षा दोन ग्रँडस्लॅम पुढं आहे. 2022 च्या फ्रेंच ओपनपूर्वी नदालनं 21 ग्रँडस्लॅम जिंकलं होतं. स्वित्झर्लंडचा रॉजर फेडरर आणि सर्बियाचा नोव्हाक जोकोविच संयुक्त दुसऱ्या स्थानावर आहे. दोघांच्या नावावर 20-20 ग्रँडस्लॅम जेतेपदे आहेत.
हे देखील वाचा-
महत्त्वाच्या बातम्या
