Tokyo Olympics 2020 : सलग तिसऱ्यांदा भारतीय महिला हॉकी संघाचा पराभव, ग्रेट ब्रिटनकडून 4-1 नं मात

Tokyo Olympics 2020 LIVE :  टोकियो ऑलिम्पिकमध्ये भारतीय महिला हॉकी संघाचं प्रदर्शन अत्यंत निराशाजनक राहिलं आहे. आज सलग तिसऱ्यांदा भारतीय महिला हॉकी संघाचा पराभव झाला आहे.

Photo_source_-_@TheHockeyIndia

Tokyo Olympics 2020 LIVE :  टोकियो ऑलिम्पिकमध्ये भारतीय महिला हॉकी संघाचं ( Indian women's hockey team )प्रदर्शन अत्यंत निराशाजनक राहिलं आहे. आज सलग तिसऱ्यांदा भारतीय महिला हॉकी संघाचा पराभव झाला आहे. आजच्या सामन्यात ग्रेट ब्रिटननं भारतीय महिला संघाला 4-1 अशी मात दिली. याआधीच्या सामन्यात जर्मनीनं भारतीय महिला संघाचा 2-0 असा पराभव केला होता.

भारतीय महिला हॉकी टीम आपले सलग तीन सामने गमावल्यामुळं ऑलिम्पिकमध्ये आता काही अपेक्षा उरलेल्या नाहीत. पहिला सामना नेदरलॅंडविरुद्ध 5-1 नं गमावला होता. तर दुसऱ्या सामन्यात जर्मनी विरुद्ध 2-0 नं  भारतीय महिला हॉकी टीमचा पराभव झाला होता. भारतीय महिला संघाला तीन सामन्यात आतापर्यंत केवळ दोनच गोल करता आले आहेत.  

भारतीय पुरुष हॉकी संघाचा स्पेनवर मात करत दणदणीत विजय

काल भारतीय पुरुष हॉकी संघानं ऑस्ट्रेलियाकडून मिळालेल्या पराभवाचा वचपा काढत स्पेनचा पराभव करत दणदणीत विजय मिळवला होता. भारतानं स्पेनला 3-0 अशा फरकानं नमवलं. भारतानं पहिले दोन गोल पहिल्या क्वॉर्टरमध्ये डागले, तर तिसरा गोल शेवटच्या क्वॉर्टरमध्ये डागला. स्पेनचा संघ आठ पेनल्टी कॉर्नर मिळाल्यानंतरही गोल करण्यात अयशस्वी ठरला. 

पीव्ही सिंधूचा आणखी एक दमदार विजय, प्री-क्वॉर्टर फायनल्समध्ये धडक

टोकियो ऑलिम्पिकमध्ये भारताची स्टार बॅडमिन्टन खेळाडू पीव्ही सिंधूचं उत्तम प्रदर्शन पाहायला मिळत आहे. पीव्ही सिंधूनं आणखी एक विजय मिलवला आहे. सिंधूनं प्री-क्वॉर्टर फायनल्समध्ये धडक दिली आहे. सिंधुनं हाँगकाँगच्या खेळाडूला सरळ सेटमध्ये 21-9, 21-16 नं पराभूत केलं. सिंधूनं पदकाच्या दिशेनं आणखी एक पाऊल पुढं टाकलं आहे. 

धनुर्विद्येत तरुणदीप रॉयचा विजय

धनुर्विद्येत भारतासाठी आनंदाची बातमी आहे. राउंड ऑफ 32 मध्ये तरुणदीप रॉयने विजय मिळवला आहे. तरुणदीप रॉय आता पुढच्या राउंडमध्ये पोहोचला आहे. तरुणदीप रॉयकडून भारताला पदकाची अपेक्षा आहे. तरुणदीप रॉयने यापूर्वीच्या टीम इव्हेंटमध्येही उत्तम कामगिरी केली होती.