Tokyo Olympics : भारतीय पुरुष हॉकी संघाचा दणदणीत विजय, ऑस्ट्रेलियासोबतच्या पराभवानंतर सलग दुसरा विजय

Tokyo Olympics : भारतीय पुरुष हॉकी संघानं अर्जेंटीनावर मात करत दणदणीत विजय मिळवला आहे. ऑस्ट्रेलियासोबतच्या पराभवानंतर हा सलग दुसरा विजय आहे.

Tokyo Olympics 2020

Tokyo Olympics : भारतीय पुरुष हॉकी संघानं अर्जेंटीनावर मात करत 3-1 अशा फरकानं विजय मिळवला आहे. भारतानं अर्जेंटीनासारख्या मजबूत संघाला पराभूत करत पुढच्या फेरीत प्रवेश मिळवला आहे. भारतीय पुरुष हॉकी संघाकडून विजयाच्या अपेक्षा वाढल्या आहेत. भारतानं ऑस्ट्रेलियासोबतच्या सामन्यात पराभव झाल्यानंतर सलग दोन सामन्यांमध्ये विजय मिळवला आहे. भारतीय पुरुष हॉकी संघ सध्या फॉर्मात आहे.

टोकियो ऑलिम्पिक (Tokyo Olympic) मध्ये भारतीय पुरुष हॉकी संघानं धमाकेदार विजय मिळवला आहे. भारतीय संघानं आपल्या आक्रमक खेळीच्या जोरावर रियो ऑलिम्पिकमधील गोल्ड मेडलिस्ट असलेल्या अर्जेंटीनाला 3-1 अशा फरकानं पराभूत केलं. अर्जेंटीनाचा पराभव केल्यानंतर भारतीय पुरुष हॉकी संघ आपल्या ग्रुपमधील टॉप 2 संघांमध्ये सहभागी झाला आहे. ग्रुप स्टेजवर शेवटचा सामना जपानसोबत 30 जुलै रोजी खेळवण्यात येणार आहे. 

भारत विरुद्ध अर्जेंटीनाच्या सामन्याचा थरार शेवटच्या क्वार्टरमध्ये पाहायला मिळाला. चौथ्या क्वार्टरमध्ये अनेक चढ-उतार पाहायला मिळाले. पण सर्वात शेवटी भारतीय खेळाडूंनी आपल्या आक्रमक खेळीच्या जोरावर सामना खिशात घातला. सामन्यात भारताकडून वरुण कुमार, विवेक आणि हरमनने गोल डागले. टोकियो ऑलिम्पिकमध्ये हरमनने आतापर्यंत 3 गोड डागले आहेत. भारत आणि अर्जेंटीना यांच्यातील सामन्यात पहिले दोन क्वार्टर गोलरहित राहिले. भारतानं सुरुवातीपासूनच आक्रमक हॉकीच्या जोरावर अर्जेंटीनावर दबाव आणला होता. 

बॅडमिंटन स्टार पीव्ही सिंधूकडून भारतीयांना पदकाच्या अपेक्षा आहेत. सिंधूनं आज टोकियो ऑलिम्पिकमधील आपला सलग तिसरा सामना जिंकला आहे. डेन्मार्कच्या मियाचा पराभव करत सिंधूनं क्वार्टर फायनल्समध्ये स्थान मिळवलं आहे. सिंधूनं राउंड ऑफ 16 च्या सामन्यात सिंधूनं डेन्मार्कच्या मियाचा एकतर्फी परभाव करत विजय मिळवला. पीव्ही सिंधूनं 21-15 आणि 21-13 अशा फरकानं राउंड ऑफ 16चा सामना आपल्या खिशात घातला आहे. पीव्ही सिंधूनं क्वॉर्टर फायन्सच्या दिशेनं आणखी एक पाऊल पुढं टाकलं आहे. 

पीव्ही सिंधू ऑलिम्पिकमध्ये आपली उत्तम कामगिरी करताना दिसून येत आहे. राउंड ऑफ 16च्या स्पर्धेत पीव्ही सिंधूनं डेन्मार्कच्या मिया विरोधातील पहिला गेम जिंकला. पीव्ही सिंधूनं पहिला गेम 21-15 नं आपल्या नावे केला. अशातच दुसरा सामनाही सिंधूनं 21-13 अशा फरकानं जिंकत सामना आपल्या खिशात घातला. या सामन्यात सिंधूनं मिया ब्लिचफेल्टचा सहज पराभव केला. सिंधूनं दोन सेटमध्येच मियाचं आव्हान संपुष्टात आणलं. सिंधूचा हा टोकियो ऑलिम्पिकमधील सलग तिसरा विजय आहे. या विजयासह सिंधूनं पदकाच्या दिशेनं एक पाऊल पुढं टाकलं आहे. 

महत्त्वाच्या इतर बातम्या :