एक्स्प्लोर

प्रीती पालने रचला इतिहास; पॅरालिम्पिकमध्ये पटकावले दोन कांस्य पदक, निषादचीही रौप्य कामगिरी

Paris Paralympics 2024 India: भारताने पॅरालिम्पिक स्पर्धेत आतापर्यंत सात पदके जिंकली आहेत.

Written By : मुकेश चव्हाण | Updated at : 02 Sep 2024 07:50 AM (IST)

Preeti Pal has won two bronze medals in Paralympics 2024 While Nishad Kumar has won the silver medal प्रीती पालने रचला इतिहास; पॅरालिम्पिकमध्ये पटकावले दोन कांस्य पदक, निषादचीही रौप्य कामगिरी

Paris Paralympics 2024

Source : Paris Paralympics 2024

Paris Paralympics 2024 India: सध्या पॅरिसमध्ये पॅरालिम्पिक 2024 ची (Paris Paralympics 2024) स्पर्धा सुरु आहे. रविवारी भारताला दोन पदके मिळाली. धावपटू प्रीती पाल (Preethi Pal) हिने पॅरिस ऑलिम्पिकमधील दुसरे पदक पटकावले. या पदकासह भारताने आतापर्यंत सात पदके जिंकली आहेत.

पॅरालिम्पिकमध्ये (Paris Paralympics 2024) महिला गटातील 200 मीटर टी 35 अंतिम फेरीत 31.01 सेकंद अशी वेळ नोंदवत प्रीती पालने तिसऱ्या क्रमांकासह कांस्य पदकाला गवसणी घातली आहे. याआधी प्रीतीने महिलांच्या 100 मीटर टी 35 प्रकारातही कांस्य पदक जिंकले होते. अॅथलेटिक्समधील ट्रॅक प्रकारात पॅरालिम्पिकमध्ये पदक जिंकणारी प्रीती पहिलीच भारतीय महिला खेळाडू ठरली आहे. तर आता एका पॅरालिम्पिकमध्ये दोन पदकं जिंकण्याचा महापराक्रम देखील प्रीतीने करुन दाखवला आहे.

🥉𝗕𝗿𝗼𝗻𝘇𝗲 𝗡𝗼. 𝟮 𝗳𝗼𝗿 𝗣𝗿𝗲𝗲𝘁𝗵𝗶! Congratulations to her on winning India's sixth medal at the Paris Paralympics 2024.

👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀… pic.twitter.com/KNoNBsG1t6
— Sportwalk Media (@sportwalkmedia) September 1, 2024

निशाद कुमारने जिंकले रौप्य पदक-

उंच उडीच्या स्पर्धेत निशाद कुमारने (Nishad Kumar) रौप्य पदक जिंकले. निशादने पुरुषांच्या उंच उडी टी 47 प्रकारात हे रौप्य पदक जिंकले. निशादने 2.04 मीटर उंच उडी मारत पदक पटकावले. अमेरिकेचा रोडरिक टाऊनसेंडने सुवर्णपदक आमि जॉर्जी मार्गिवने कांस्य पदक जिंकले.

🇮🇳🔥 𝗧𝗼𝗸𝘆𝗼 🥈 🤝 𝗣𝗮𝗿𝗶𝘀 🥈! Congratulations to Nishad Kumar on winning India's seventh medal at the Paris Paralympics 2024.

👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀… pic.twitter.com/4kfcgNSlWy
— Sportwalk Media (@sportwalkmedia) September 1, 2024

पॅरिस पॅरालिम्पिक 2024 मधील भारताचे पदक विजेत्यांची नावे-

1. अवनी लेखरा (नेमबाजी) – सुवर्णपदक, महिला 10 मीटर एअर रायफल (SH1)
2.मोना अग्रवाल (नेमबाजी) – कांस्य पदक, महिला 10 मीटर एअर रायफल (SH1)
3.प्रीती पाल (ॲथलेटिक्स) – कांस्यपदक, महिलांची 100 मीटर शर्यत (T35)
4. मनीष नरवाल (नेमबाजी) – रौप्य पदक, पुरुष 10 मीटर एअर पिस्तूल (SH1)
5. रुबिना फ्रान्सिस (नेमबाजी) – कांस्य पदक, महिला 10 मीटर एअर पिस्तूल (SH1)
6. प्रीती पाल (ॲथलेटिक्स) – कांस्यपदक, महिलांची 200 मीटर शर्यत (T35)
7. निषाद कुमार (ॲथलेटिक्स) – रौप्य पदक, पुरुष उंच उडी (T47)

संबंधित बातमी:

Paralympics Rubina Francis : 10 मीटर एअर पिस्तुलमध्ये रुबिनाचा एकदम कडक निशाणा! जिंकले कांस्यपदक, भारताच्या खात्यात पाचवे पदक

About the author मुकेश चव्हाण

मुकेश अजित चव्हाण, हे मुळेचे दक्षिण मुंबईकर असून डिजिटल पत्रकारितेच्या क्षेत्रात सुमारे ९ वर्षांचा अनुभव असलेले पत्रकार असून, सध्या ABP माझा डिजिटल विभागात कॉपी एडिटर म्हणून कार्यरत आहेत. महाराष्ट्र टाइम्समधून त्यांनी आपल्या ऑनलाइन पत्रकारितेच्या प्रवासाला सुरुवात केली. त्यानंतर लोकमतमध्ये सुमारे ५ वर्षे सीनियर एक्झिक्युटिव्ह म्हणून काम करताना त्यांनी डिजिटल न्यूज क्षेत्रातील अनुभव आणि कौशल्य अधिक विकसित केले. गेल्या ३ वर्षांपासून ते ABP माझाच्या डिजिटल विभागात कार्यरत आहेत.

मुंबईतील माटुंगा येथील रुईया महाविद्यालयातून त्यांनी पत्रकारितेची पदवी प्राप्त केली आहे. राजकीय, गुन्हेगारी आणि क्रीडा विषयक बातम्यांमध्ये त्यांना विशेष रुची आहे. एखादी महत्त्वाची घटना किंवा विशेष कार्यक्रम घडल्यास त्याचे विविध पैलू, वेगवेगळे दृष्टिकोन आणि बातमीमूल्य लक्षात घेऊन आशयपूर्ण व प्रभावी बातम्या तयार करण्यावर त्यांचा भर असतो.

देश-विदेशातील घडामोडींवर लक्ष ठेवणे, महत्त्वाच्या बातम्यांचे संपादन करणे, बातम्यांचे विविध अँगल शोधणे तसेच सकाळच्या शिफ्टची जबाबदारी सांभाळणे, अशा विविध जबाबदाऱ्या ते पार पाडतात. वेगवान डिजिटल पत्रकारितेत बातम्यांची अचूकता, सादरीकरण, वेळेचे व्यवस्थापन आणि वाचकांपर्यंत महत्त्वाची माहिती प्रभावीपणे पोहोचवण्यावर त्यांचा विशेष भर आहे.

Published at : 02 Sep 2024 07:50 AM (IST)

Tags :

Nishad Kumar ' India Paralympics 2024 Paris Paralympics 2024 Paris Paralympics Preethi Pal