अमेरिकेचा युद्ध जिंकल्याचा दावा; युद्धबंदीसाठी इराणच्या 3 अटी, युद्ध थांबणार? निवृत्त कर्नल अभय पटवर्धन म्हणाले...
Iran Isreal War: दुसरीकडे इराणने युद्धबंदीसाठी इस्रयल व अमेरिकेसमोर तीन अटी ठेवल्या आहेत. या तीन अटी अमेरिका आणि इस्राईल मान्य करेल का? आता तरी युद्ध थांबणार का ? याकडे संपूर्ण जगाचे लक्ष आहे.
Iran Isreal USA War: इराण अमेरिका आणि इस्रायल यांच्यात गेल्या 13 दिवसांपासून युद्ध सुरु आहे. इराणवर अमेरिका आणि इस्रायलकडून हल्ले होत आहेत. याच दरम्यान अमेरिकेचे अध्यक्ष डोनाल्ड ट्रम्प यांनी इराणविरोधातील युद्ध जिंकल्याचा मोठा दावा केलाय. इराणमध्ये हल्ला करण्यासारखं ठिकाण उरलं नाही. इराण पूर्णपणे उध्वस्त झालंय. अमेरिकेने इराणविरुद्धच युद्ध जिंकले असा दावा अमेरिकेचे राष्ट्राध्यक्ष डोनाल्ड ट्रम्प यांनी केला. इराणचे सर्व महत्त्वाचे नेते मारल्याचेही त्यांनी म्हटलं. पण दुसरीकडे इराणने युद्धबंदीसाठी इस्रयल व अमेरिकेसमोर तीन अटी ठेवल्या आहेत. या तीन अटी अमेरिका आणि इस्राईल मान्य करेल का? आता तरी युद्ध थांबणार का ? याकडे संपूर्ण जगाचे लक्ष आहे. सद्यस्थिती काय आहे? याबाबत निवृत्त कर्नल अभय पटवर्धन (Abhay Patwardhan) यांनी सांगितलं आहे.
युद्ध थांबणार?
"इराणवर हल्ले करण्यासारखे आता काही नाही, आम्ही युद्ध जिंकलो आहोत, हा ट्रम्पचा दावा रक्षातज्ज्ञांना मान्य नाही. अमेरिका इस्राईल हे युद्ध जिंकले असे अजून तरी दिसत नसल्याचे निवृत्त कर्नल अभय पटवर्धन यांनी सांगितले . इराणने युद्धबंदीसाठी ज्या तीन अटी पुढे ठेवल्या, त्या अमेरिका व इस्राईल मान्य करेल का याबद्दल साशंकता असल्याचे पटवर्धन यांनी सांगितले. ते म्हणाले "कारण खोमेनींची राजवट इस्रायल कधीच मान्य करणार नाही, सोबतच युद्धातील नुकसानभरपाई कोण देणार? हा प्रश्न आहेच. युद्ध थांबवायचे असेल तर खोमेनींची राजवट मान्य करणे, युद्धाची नुकसानभरपाई देणे व परत इराणवर हल्ले होणार नाही याची शास्वती मिळणे या इराणने अमेरिकेपुढे अटी ठेवल्या पुढे येत आहे."
"सद्याची इराणची स्थिती बघता जे नुकसान व्हायचे ते होऊन गेले.आता इराणमध्ये आणखी नुकसान व्हायला काही शिल्लक राहिले नसले तरी इराणकडे असून भरपूर शस्त्रसाठा शिल्लक आहे. त्यामुळे हे युद्ध इतक्यात थांबेल असे दिसत नाही असे पटवर्धन म्हणाले.
इराणवरील हल्ल्याचे कारण काय?
2025 मध्ये इराण-इस्त्रायल युद्ध आणि इराण समर्थित गटांशी झालेल्या संघर्षांमुळे इस्त्रायच्या नेत्यांनी जानेवारीमध्ये इराणला वारंवार इशारा दिला होता की, ते त्यांच्या अण्वस्त्र कार्यक्रम आणि क्षेपणास्त्र क्षमतांचा अनियंत्रित विस्तार करू देणार नाहीत. परंतु, इराणने अशा कोणत्याही गोष्टींना जुमानले नाही. इराणने आपला संवेदनशील अण्वस्त्र कार्यक्रम आणि क्षेपणास्त्र संबंधित प्रक्रिया सुरूच ठेवल्या. अनेकदा इशारे देऊनही इराण थांबत नाही, असे दिसताच इस्रायल आणि अमेरिकेने इराणची राजधानी तेहरानवर हल्ला चढवला, ज्यामुळे मध्य पूर्वेत पुन्हा एकदा तणाव निर्माण झाल्याचे पाहायला मिळत आहे.
महत्त्वाच्या बातम्या
