MI vs RR : राजस्थानने नाणेफेक जिंकली, मुंबईची प्रथम फलंदाजी, पाहा दोन्ही संघाची प्लेईंग 11
IPL 2024 : वानखेडे मैदानावर मुंबई इंडियन्स आणि राजस्थान रॉयल्स यांच्यामध्ये (MI vs RR) आमना-सामना सुरु आहे. राजस्थानचा कर्णधार संजू सॅमसन (Sanju Samson) याने नाणेफेक जिंकून प्रथम गोलंदाजी करण्याचा निर्णय घेतला.
MI vs RR, IPL 2024 : वानखेडे मैदानावर मुंबई इंडियन्स आणि राजस्थान रॉयल्स यांच्यामध्ये (MI vs RR) आमना-सामना सुरु आहे. राजस्थानचा कर्णधार संजू सॅमसन (Sanju Samson) याने नाणेफेक जिंकून प्रथम गोलंदाजी करण्याचा निर्णय घेतला. हार्दिक पांड्याच्या (Hardik Pandya) नेतृत्वातील मुंबई प्रथम फलंदाजीसाठी मैदानात उतरणार आहे. मुंबईच्या प्लेईंग 11 मध्ये कोणताही बदल नसल्याचे हार्दिक पांड्याने सांगितले. हार्दिक पांड्यालाही प्रथम गोलंदाजी करायची होती, पण नाणेफेक राजस्थानने जिंकली. दुसरीकडे संजू सॅमसन यानं नाणेपेक जिंकून प्रथम गोलंदाजी करणार असल्याचे सांगितलं. खेळपट्टी चांगली दिसत आहे. दुसऱ्या डावात फलंदाजी करणं अधिक सोपं जाऊ शकतं, असे संजू सॅमसन यानं सांगितलं. त्याशिवाय प्लेईंग 11 मध्ये एक बदल असल्याचेही संजू सॅमसन यानं सांगितलं. संदीप शर्मा दुखापतीमुळे आजच्या सामन्यासाठी उपलब्ध नाही. त्याच्याजागी इंग्लंडच्या नांद्रे बर्गर याला प्लेईंग 11 मध्ये स्थान देण्यात आले आहे.
मुंबई इंडियन्स प्लेईंग 11 -
रोहित शर्मा, ईशान किशन (विकेटकीपर), नमन धीर, तिलक वर्मा, हार्दिक पांड्या (कर्णधार), टीम डेविड, गेराल्ड कोइत्जे, पियुष चावला, आकाश मढवाल, जसप्रीत बुमराह, केव्ना माफाका
Mumbai Indians: 1 Rohit Sharma, 2 Ishan Kishan (wk), 3 Naman Dhir, 4 Tilak Varma, 5 Hardik Pandya (capt), 6 Tim David, 7 Gerald Coetzee 8 Piyush Chawla, 9 Akash Madhwal, 10 Jasprit Bumrah, 11 Kwena Maphaka
राजस्थानची प्लेईंग 11 -
यशस्वी जायस्वाल, जोश बटलर, संजू सॅमसन, रियान पराग, शिमरोन हिटमायर, ध्रुव जुरेल, आर. अश्विन, ट्रेंट बोल्ट, आवेश खान, नांद्रे बर्गर, युजवेंद्र चहल
Rajasthan Royals: 1 Yashasvi Jaiswal, 2 Jos Buttler, 3 Sanju Samson (capt & wk), 4 Riyan Parag, 5 Shimron Hetmyer, 6 Dhruv Jurel, 7 R Ashwin, 8 Trent Boult, 9 Avesh Khan, 10 Nandre Burger, 11 Yuzvendra Chahal.
घरच्या मैदानावर मुंबईचा पहिलाच सामना -
आयपीएल 2024 मध्ये मुंबई इंडियन्स पहिल्यांदाच घरच्या मैदानावर खेळणार आहे. राजस्थान आणि मुंबई यांच्यातील सामना वानखेडे स्टेडियमवर आज संध्याकाळी होणार आहे. मुंबईला पहिल्या दोन्ही सामन्यात पराभवाचा सामना करावा लागला, त्यामुळे ते गुणतालिकेत दहाव्या क्रमांकावर आहे. मुंबई आज विजयाचं खाते उघडण्यासाठी मैदानात उतरले. आजच्या सामन्यात मुंबईचा पराभव झाल्यास टीका आणि अडचणीचा सामना करावा लागेल.
महत्त्वाच्या बातम्या
