Rajasthan Royals Vs Delhi Capitals: DRS घे...; बटरच्या विकेटसाठी कुलदीप ऋषभ पंतकडे धावला, DRS साठी जबरदस्ती, पुढे जे घडलं, त्यानंतर....
Rajasthan Royals Vs Delhi Capitals: राजस्थानकडून (RR) फलंदाजी करताना सलामीवीर फलंदाज यशस्वी जैस्वाल स्वस्तात बाद झाला. जैस्वालने 7 चेंडूत 5 धावा केल्या.
Rajasthan Royals Vs Delhi Capitals: दिल्ली कॅपिटल्सने (DC) नाणेफेक जिंकत प्रथम गोलंदाजी निर्मण घेतला. राजस्थानकडून (RR) फलंदाजी करताना सलामीवीर फलंदाज यशस्वी जैस्वाल स्वस्तात बाद झाला. जैस्वालने 7 चेंडूत 5 धावा केल्या. दिल्लीचा वेगवान गोलंदाज मुकेश कुमारने त्याला त्रिफळाचीत केले. त्यानंतर 5 वं षटक घेऊन आलेला खलील अहमदने राजस्थानचा कर्णधार संजू सॅमसनला झेलबाद केले. सॅमसनने 15 धावा केल्या.
जॉस बटलर आणि रियान परागने सावध खेळी करत राजस्थानला सावरण्याचा प्रयत्न केला. मात्र त्यात बटलरला अपयश आले. कुलदीप यादवच्या फिरकीवर बटलर बाद झाला. बटलरने 16 चेंडूत केवळ 11 धावा केल्या. कुलदीपने बटलरला LBW बाद केले. मात्र बटलरची विकेट मिळवण्यासाठी दिल्लीला डीआरएसचा वापर करावा लागला.कुलदीपने टाकलेला चेंडू बटलरच्या पॅडला लागला. ऋषभ पंतसह कुलदीपने मोठी अपील केली. मात्र अंपायरने नाबाद दिले. त्यानंतर कुलदीप कर्णधार पंतकडे गेला आणि डीआरएस घेण्याची मागणी केली. मात्र पंत डीआरएस घेण्यास उस्तुक नव्हता. परंतु कुलदीपचा हट्ट बघता पंतने डीआरएस घेतला. डीआरएस घेतल्यानंतर बटलर बाद असल्याचे दिसून आले. यानंतर दिल्लीच्या खेळाडूंनी कुलदीपचे कौतुक केले.
Decision overturned!
— IndianPremierLeague (@IPL) March 28, 2024
A successful review from @DelhiCapitals brings an end to Jos Buttler's stay at the crease ☝️
Follow the Match ▶️ https://t.co/gSsTvJeK8v#TATAIPL | #RRvDC pic.twitter.com/2fNnnbMkyS
दिल्ली कॅपिटल्सची Playing XI
दिल्ली कॅपिटल्सची Playing XI- डेव्हिड वॉर्नर, मिचेल मार्श, रिकी भुई, ऋषभ पंत (w/c), ट्रिस्टन स्टब्स, अक्षर पटेल, सुमित कुमार, कुलदीप यादव, ॲनरिक नॉर्टजे, खलील अहमद, मुकेश कुमार
इम्पॅक्ट प्लेअर- अभिषेक पोरेल, जेक फ्रेझर-मॅकगुर्क, प्रवीण दुबे, कुमार कुशगरा, रसिक दार.
राजस्थान रॉयल्सची Playing XI
राजस्थान रॉयल्सची Playing XI- यशस्वी जैस्वाल, जोस बटलर, संजू सॅमसन (w/c), रियान पराग, शिमरॉन हेटमायर, ध्रुव जुरेल, रविचंद्रन अश्विन, ट्रेंट बोल्ट, युझवेंद्र चहल, संदीप शर्मा, आवेश खान
इम्पॅक्ट प्लेअर- रोविमन पोयल, नांद्रे बर्गेर, तनुष खतियान, शुभम दुबे, कुलदीप सेन
राजस्थान सध्या दुसऱ्या स्थानावर-
राजस्थान रॉयल्स आयपीएलच्या गुणतालिकेत सध्या दुसऱ्या क्रमाकांवर आहे. राजस्थानचे 2 गुण आहेत. राजस्थानचा आजचा दिल्लीविरुद्ध दुसरा सामना असून पहिला सामन्यात लखनौ सुपर जायंट्सचा 20 धावांनी पराभव केला होता.
दिल्ली आठव्या क्रमांकावर-
दिल्ली कॅपिटल्सचा संघ गुणतालिकेत सध्या आठव्या क्रमांकावर आहे. आज दिल्लीचा राजस्थानविरुद्ध दुसरा सामना असून पहिल्या सामन्यात पंजाब किंग्सकडून 4 विकेट्सने पराभव झाला होता. त्यामुळे आजच्या सामन्यात विजय मिळवून गुणतालिकेत 2 गुण मिळवण्यासाठी दिल्ली प्रयत्न करताना दिसेल.
महत्त्वाच्या बातम्या
