(Source: ECI/ABP News/ABP Majha)
PKBS Vs GT LIVE Score Updates: गुजरातच्या संघानं पंजाबच्या तोंडून विजय हिसकावला, राहुल तेवतिया ठरला हिरो
PKBS Vs GT LIVE Score Updates: आयपीएलच्या पंधराव्या हंगामातील सोळाव्या सामन्यात पंजाबचा संघ आज (शुक्रवारी, 8 एप्रिल) गुजरातशी भिडणार आहे.
LIVE
Background
PKBS Vs GT LIVE Score Updates: आयपीएलच्या पंधराव्या हंगामातील सोळाव्या सामन्यात पंजाबचा संघ आज (शुक्रवारी, 8 एप्रिल) गुजरातशी भिडणार आहे. मुंबईच्या बेब्रॉर्न स्डेडिअमवर हा सामना खेळला जाणार आहे. मयंक अग्रवालच्या नेतृत्वाखालील पंजाबने तीन पैकी दोन सामन्यात विजय मिळवला आहे. तर, भारताचा अष्टपैलू खेळाडू हार्दिक पंड्याच्या नेतृत्वाखालील गुजरातनं या स्पर्धेत दमदार सुरुवात केली. गुजरातनं सुरुवातीच्या दोन्ही सामन्यात विजय मिळवला आहे. आजच्या सामन्यात कोणता संघ बाजी मारणार? याकडं सर्वांचं लक्ष लागलं आहे.
पंजाब आणि गुजरात यांच्यात आज होणारा सामना रंगतदार होण्याची शक्यता आहे. या सामन्याच्या निमित्तानं दोन्ही युवा कर्णधार आमने-सामने येणार आहेत. गुजरातनं आपल्या पहिल्याच सामन्यात लखनौचा पाच गडी राखून पराभव केला होता. त्यानंतर दिल्लीला 14 धावांनी पराभूत केलं. दुसरीकडं पंजाबनं पहिल्या सामन्यात आरसीबीवर पाच विकेट्सनं विजय मिळवला. त्यानंतर दुसऱ्या सामन्यात कोलकात्याकडून त्यांना पराभव स्वीकारावा लागला. मात्र, तिसऱ्या सामन्यात चेन्नईचा 54 धावांनी पराभव करत पुनारागमन केलंय.
संघ-
पंजाबचा संघ-
मयंक अग्रवाल (कर्णधार), जितेश शर्मा (विकेटकीपर), शिखर धवन, भानुका राजपक्षे, लियाम लिव्हिंगस्टोन, शाहरुख खान, ओडियन स्मिथ, कागिसो रबाडा, राहुल चहर, वैभव अरोरा, अर्शदीप सिंग, जॉनी बेअरस्टो, बेनी हॉवेल, संदीप शर्मा, ऋषी धवन, बलतेज सिंग, रिटिक चॅटर्जी, प्रेरक मंकड, इशान पोरेल, अथर्व तायडे, प्रभसिमरन सिंग, हरप्रीत ब्रार, अंश पटेल, राज बावा.
गुजरातचा संघ-
मॅथ्यू वेड (विकेटकीपर), हार्दिक पांड्या (कर्णधार), शुभमन गिल, विजय शंकर, डेव्हिड मिलर, राहुल तेवतिया, अभिनव मनोहर, रशीद खान, लॉकी फर्ग्युसन, वरुण आरोन, मोहम्मद शमी, वृद्धिमान साहा, प्रदीप संगवान, जयंत यादव, गुरकीरत सिंग मान, अल्झारी जोसेफ, रविश्रीनिवासन साई किशोर, दर्शन नळकांडे, रहमानउल्ला गुरबाज, डॉमिनिक ड्रेक्स, साई सुदर्शन, यश दयाल, नूर अहमद.
हे देखील वाचा-
PBKS Vs GT: गुजरातच्या संघानं पंजाबच्या तोंडून विजय हिसकावला, राहुल तेवतिया ठरला हिरो
आयपीएलच्या पंधराव्या हंगामातील सोळाव्या सामन्यात गुजरातनं पंजाबला 6 विकेट्सनं पराभूत केलं आहे. या सामन्यात नाणेफेक जिंकून गुजराजच्या संघानं पंजाबसमोर 190 धावांचं लक्ष्य ठेवलं होतं. सामना पंजाबच्या बाजूनं झुकलेला दिसत असताना सहाव्या क्रमांकावर फलंदाजी करण्यासाठी मैदानात आलेल्या राहुल तेवतियानं अखेरच्या तीन चेंडूवर 13 धावा ठोकत गुजरातला विजय मिळवून दिलाय.
IPL 2022: पंजाब आणि गुजरात यांच्यातील सामना रोमांचक स्थितीत
पंजाब आणि गुजरात यांच्यातील सामना रोमांचक स्थितीत आला आहे. गुजरातला 7 चेंडूत 20 धावांची गरज आहे.
PBKS vs GT: गुजरातला दुसरा झटका, साई सुधारसन बाद
गुजरातच्या संघाला दुसरा झटका बसलाय. साई सुधारसननं राहुल चहरच्या गोलंदाजीवर बाद झाला आहे.
IPL 2022: शुभमन गिल आणि साई सुधारसन संघाचा डाव सावरला
पंजाबविरुद्ध चौथ्या षटकात गुजरातनं पहिला विकेट्स गमवल्यानंतर शुभमन गिल आणि साई सुधारसन यांनी संघाचा डाव सावरला आहे.
PKBS Vs GT, IPL 2022: गुजरातनं पहिली विकेट्स गमावली
पंजाबच्या संघानं दिलेल्या विशाल लक्ष्याचा पाठलाग करण्यासाठी मैदानात उतरलेल्या पंजाबच्या संघानं पहिली विकेट्स गमावली आहे. गुजरातला जिंकण्यासाठी 91 चेंडूत 146 धावांची गरज आहे.
महत्त्वाच्या बातम्या
ट्रेंडिंग न्यूज
