MS Dhoni IPL 2025 : 'मला कधीच वाटलं नव्हतं की...', धोनी निवृत्तीबाबत सर्व काही स्पष्ट बोलला अन् केला मोठा खुलासा
चेन्नई सुपर किंग्जचा माजी कर्णधार एमएस धोनीच्या निवृत्तीबद्दल सध्या बरीच अटकळ बांधली जात आहे.
MS Dhoni Reacts on Retirement Rumours : चेन्नई सुपर किंग्जचा माजी कर्णधार एमएस धोनीच्या निवृत्तीबद्दल सध्या बरीच अटकळ बांधली जात आहे. धोनी आयपीएल 2025 मध्ये ज्या पद्धतीने खेळला होता तशी कामगिरी करू शकत नाही. या कारणास्तव त्याला निवृत्तीचा सल्ला दिला जात आहे. दिल्ली कॅपिटल्स विरुद्धच्या सामन्यादरम्यान धोनी निवृत्त होईल अशा अफवा पसरल्या होत्या. कारण त्याचे पालक पहिल्यांदाच सामना पाहण्यासाठी स्टेडियममध्ये आले होते. एमएस धोनीच्या निवृत्तीबाबत अनेक प्रकारच्या अटकळ सतत लावल्या जात आहेत. दरम्यान, आता स्वतः एमएस धोनीने त्याच्या निवृत्तीबाबत मोठी प्रतिक्रिया दिली आहे. एमएस धोनीने तो कधी निवृत्त होणार हे स्पष्ट केले आहे.
धोनी निवृत्त होणार का?
राज शमानी यांच्यासोबतच्या पॉडकास्टमध्ये धोनीने निवृत्तीच्या अफवांबद्दल खुलासा केला. त्याने चाहत्यांना आश्वासन दिले की तो चालू हंगामाच्या शेवटी त्याच्या आयपीएल कारकिर्दीला निरोप देत नाही. धोनी म्हणाला, नाही, मी आत्ता निवृत्त होत नाहीये. मी अजूनही आयपीएलमध्ये खेळत आहे. मी गोष्टी अगदी सोप्या ठेवल्या आहेत. मी एका वेळी फक्त एका वर्षाचा विचार करतो. मी आता 43 वर्षांचा आहे आणि 2025 च्या आयपीएलच्या समाप्तीपर्यंत मी 44 वर्षांचा असेन. यानंतर माझ्याकडे पुढचा हंगाम खेळायचा की नाही हे ठरवण्यासाठी 10 महिने बाकी असतील. पण, मी निवृत्तीबाबत कोणताही निर्णय घेत नाही. हे सर्व माझ्या शरीरावर अवलंबून आहे. तर वर्षातून एकदा आणि मग आपण पाहू.
'मला कधीच वाटलं नव्हतं की...'
धोनी पुढे म्हणाला की, 'मी कधीही विचार केला नव्हता की मी देशासाठी खेळेन. मी रांचीमध्ये राहत होतो. आधी ते बिहार होते, आता ते झारखंड झाले. आमच्या संघाचा क्रिकेट कारकिर्दीचा इतिहास नाही. मी शाळेत असताना, मी कधीच विचार केला नव्हता की मी भारतासाठी खेळेन. आम्ही शाळेत असताना टेनिस बॉलने खेळायचो आणि मी त्यावेळी गोलंदाजी करायचो. मी त्यावेळी खूप लहान आणि हाडकुळा होतो. मग मला विकेटकीपिंग करायला सांगण्यात आले... मी नेहमीच माझ्यापेक्षा मोठ्या लोकांविरुद्ध क्रिकेट खेळायचो.
कर्णधार म्हणून धोनीने भारताला तीन वेगवेगळ्या आयसीसी जेतेपदे मिळवून दिली आहेत. टी-20 वर्ल्ड कप (2007), एकदिवसीय वर्ल्ड कप (2011) आणि चॅम्पियन्स ट्रॉफी (2013). तो भारतासाठी सर्वाधिक आयसीसी ट्रॉफी जिंकणारा कर्णधार आहे.
हे ही वाचा -
महत्त्वाच्या बातम्या
