CSK vs LSG, IPL Live : चेन्नई विरुद्ध लखनौ लढत; सामन्यासंदर्भातील प्रत्येक अपडेट एका क्लिकवर...
CSK vs LSG, IPL Live : चेन्नई विरुद्ध लखनौ लढत? सामन्यासंदर्भातील प्रत्येक अपडेट एका क्लिकवर...
LIVE
Background
IPL 2023 CSK vs LSG : इंडियन प्रीमियर लीगमध्ये (IPL 2023) आज डबल हेडर सामने खेळवले जाणार आहे. यातील पहिला सामन्यात चेन्नई (CSK) आणि लखनौ (LSG) यांच्यात लढत पाहायला मिळणार आहे. मागील सामन्यात धोनीच्या (MS Dhoni) चेन्नई (Chennai Super Kings) संघाला पराभवाचा सामना करावा लागला आहे. तर केएल राहुलच्या (KL Rahul) लखनौ (Lucknow Super Giants) संघानेही आरसीबीविरुद्धचा शेवटचा सामना गमावला आहे. दरम्यान, आजच्या सामन्यात केएल राहुलच्या खेळण्याबाबत अद्याप प्रश्नचिन्ह कायम आहे. रॉयल चॅलेंजर्स विरुद्धच्या मागील सामन्यादरम्यान केएल राहुलला दुखापत झाली होती. केएल राहुलच्या दुखापतीबाबत अद्याप कोणतीही अपडेट समोर आलेली नाही. त्यामुळे केएल राहुल खेळणार की त्याच्याऐवजी दुसऱ्या खेळाडूची एंट्री होणार याकडे सर्वांचं लक्ष लागलं आहे.
केएल राहुलच्या दुखापतीबाबत सस्पेंस कायम
मागील सामन्यात झालेल्या दुखापतीमुळे केएल राहुलला झालेल्या दुखापतीमुळे तो चेन्नईविरोधातील आजच्या सामन्याला मुकण्याची शक्यता वर्तवली जात आहे. पण, अद्याप संघाकडून केएल राहुलच्या दुखापतीबाबत कोणतीही माहिती समोर आलेली नाही. केएल राहुल आजच्या सामन्याला अनुपस्थितीत राहिल्यास कृणाल पांड्याकडे संघाची धुरा असू शकते. त्यामुळे लखनौच्या प्लेइंग इलेव्हनमध्येही बदल होण्याची शक्यता आहे. लखनौ संघ दक्षिण आफ्रिकेचा अनुभवी खेळाडू क्विंटन डी कॉकला संधी देऊ शकते. डी कॉकने यंदाच्या आयपीएलमध्ये आतापर्यंत एकही सामना खेळलेला नाही. गेल्या मोसमात त्याने 508 धावा केल्या होत्या.
चेन्नई संघात कोणता बदल?
चेन्नई संघाने गेल्या काही सामन्यांपासून प्लेइंग इलेव्हनमध्ये बदल केलेला नाही. त्यामुळे या सामन्यातही चेन्नई संघात काही बदल करणार नाही, अशी शक्यता आहे. बेन स्टोक्स दुखापतीमुळे बाहेर आहे. त्याच्या फिटनेसबाबत अद्याप कोणतेही अपडेट समोर आलेली नाही. दरम्यान, चेन्नईचे फलंदाज आणि गोलंदाज दिवसेंदिवस चांगली कामगिरी करताना दिसत आहेत. चेन्नई आणि लखनौ दोन्ही संघ गुणतालिकेतही टॉप 4 मध्ये आहे.
Ekana Stadium Lucknow Pitch Report : इकाना खेळपट्टी कशी आहे?
भारतरत्न अटल बिहारी वाजपेयी इकाना स्टेडियम (Ekana Stadium) ची खेळपट्टी टी20 च्या दृष्टीने येथील खूपच संतुलित आहे. खेळपट्टी फलंदाजीसोबतच गोलंदाजांसाठीही उपयुक्त आहे. येथे खेळल्या गेलेल्या एकूण सहा टी 20 आंतरराष्ट्रीय सामन्यांमध्ये पहिल्यांदा फलंदाजी करणाऱ्या संघाने पाच वेळा विजय मिळवला आहे. अशा वेळी नाणेफेक जिंकणं महत्त्वाचं ठरू शकतं. तसेच, पहिल्यांदा फलंदाजी करताना सरासरी 151 धावा होतात. या खेळपट्टीवर फिरकीपटू वर्चस्व गाजवू शकतात.
सामन्यात पावसाचा व्यक्तय
लखनौ आणि चेन्नई यांच्यातील सामन्यात पावसाचा व्यत्यय आलाय. कव्हर्स मैदानावर लावण्यात आले आहेत.
लखनौला सहावा धक्का
लखनौला सहावा धक्का बसला आहे. निकोलस पूरन बाद झालाय
निकोलस पूरन आणि आयुष बडोनी यांनी डाव सावरला
निकोलस पूरन आणि आयुष बडोनी यांनी लखनौचा डाव सावरला
लखनौचा अर्धा संघ तंबूत
लखनौचा अर्धा संघ तंबूत परतलाय. करण शर्मा 9 धावांवर बाद झालाय
लखनौची फलंदाजी ढेपाळली
चेन्नईच्या भेदक माऱ्यासमोर लखनौची फलंदाजी ढेपाळली आहे. लखनौने 9 षटकात फक्त 42 धावा केल्या आहेत. यादरम्यान लखनौने चार विकेट गमावल्या आहेत. मनन वोहरा 10, काइल मेयर्स 14, कृणाल पांड्या 0 आणि मार्कस स्टॉयनिस सहा धावांवर स्वस्तात बाद झाले आहेत. सध्या मैदानावर करण शर्मा आणि निकोलस पूरन आहेत. आरसीबी आणि लखनौप्रमाणेच हा समाना लो स्कोरिंग होण्याची शक्यता आहे.
महत्त्वाच्या बातम्या
ट्रेंडिंग न्यूज
