(Source: ECI / CVoter)
IPL 2024 CSK vs RR: चेन्नई सुपर किंग्सला विजयासाठी 142 धावांचं लक्ष्य; राजस्थानकडून रियान पराग एकटाच नडला!
IPL 2024 CSK vs RR: दोन्ही संघासाठी प्ले ऑफच्या दृष्टीने महत्वाचा सामना आहे.
IPL 2024 CSK vs RR: राजस्थान रॉयल्स (RR) आणि चेन्नई सुपर किंग्स (CSK) यांच्यात सध्या सामना सुरु आहे. राजस्थानने नाणेफेक जिंकत प्रथम फलंदाजी करण्याचा निर्णय घेतला. यावेळी राजस्थानने 5 विकेट्स गमावत 141 धावा केल्या. त्यामुळे चेन्नईला विजयासाठी 142 धावांचं आव्हान असणार आहे. दोन्ही संघासाठी प्ले ऑफच्या दृष्टीने महत्वाचा सामना आहे.
राजस्थानकडून रियान परागने सर्वाधिक धावा केल्या. रियान परागने 35 चेंडूत 47 धावा केल्या. या खेळीत त्याने 3 षटकार आणि 1 चौकार लगावला. यशस्वी जैस्वालने 24, जॉस बटलरने 21, संजू सॅमसनने 15 आणि ध्रुव जुरेलने 28 धावा केल्या. चेन्नईकडून सिमरजीत सिंगने 3 विकेट्स पटकावल्या. तर तुषार देशपांडे 2 विकेट्स घेण्यात यशस्वी राहिला.
चेन्नई सुपर किंग्सची Playing XI:
रचिन रवींद्र, रुतुराज गायकवाड (c), डॅरिल मिशेल, मोईन अली, शिवम दुबे, रवींद्र जडेजा, एमएस धोनी (w), शार्दुल ठाकूर, तुषार देशपांडे, सिमरजीत सिंग, महेश तिक्षणा
राजस्थान रॉयल्सची Playing XI:
यशस्वी जैस्वाल, जोस बटलर, संजू सॅमसन (w/c), रियान पराग, शुभम दुबे, ध्रुव जुरेल, रविचंद्रन अश्विन, ट्रेंट बोल्ट, आवेश खान, संदीप शर्मा, युझवेंद्र चहल
MS धोनी आज निवृत्तीची घोषणा करणार?
चेन्नई सुपर किंग्स (CSK) आयपीएल 2024 मधील आज घरच्या मैदानावर हंगामातील शेवटचा सामना खेळणार आहे. चेन्नई सुपर किंग्सचा सामना राजस्थान रॉयल्ससोबत (RR) होणार आहे. या सामन्यापूर्वी चेन्नईने चाहत्यांना सामन्यानंतर मैदानावर थांबण्याची खास विनंती केली आहे, ज्याचा संबंध चाहते एमएस धोनीच्या (MS Dhoni) आयपीएल निवृत्तीशी जोडत आहेत. चेन्नईच्या या घोषणेनंतर अनेक चाहते भावूकही झाल्याचे पाहायला मिळत आहे. चेन्नईतील एमए चिदंबरम स्टेडियमवर चेन्नईचा राजस्थान विरुद्ध सामना होणार आहे. चिदंबरम म्हणजेच चेपॉक स्टेडियमवर चेन्नईचा हा शेवटचा सामना असेल. सामन्यापूर्वी, चेन्नईने सोशल मीडियावर कॅप्शनसह एक पोस्ट जारी केली, "सुपर चाहत्यांना खेळानंतर येथे थांबण्याची विनंती आहे!" पुढे लिहिले होते, "तुमच्यासाठी काही खास येत आहे." याशिवाय पोस्टरमध्ये चाहत्यांना सामना संपल्यानंतर थांबण्याची विनंतीही करण्यात आली होती.
संबंधित बातम्या:
महत्त्वाच्या बातम्या
ट्रेंडिंग न्यूज
