IPL 2024 CSK MS Dhoni: MS धोनीने आयपीएलमधील शेवटचा सामना खेळला...; चेन्नई सुपर किंग्सच्या माजी खेळाडूचं मोठं विधान
IPL 2024 CSK MS Dhoni: आयपीएल 2024 चा हंगाम हा एमएस धोनीचा (MS Dhoni) शेवटचा हंगाम होता, असं बोललं जात आहे.
IPL 2024 CSK MS Dhoni: रॉयल चॅलेंजर्स बंगळुरुनं (RCB) आयपीएलच्या प्ले ऑफमध्ये प्रवेश केला आहे. चेन्नई सुपर किंग्जला बंगळुरुने 27 धावांनी पराभूत केलं. बंगळुरुला प्ले ऑफमध्ये पोहोचण्यासठी चेन्नईवर 18 धावांनी विजय मिळवणं आवश्यक होतं. अखेरच्या ओव्हरमध्ये चेन्नईला प्ले ऑफमध्ये पोहोचण्यासाठी 17 धावांची गरज होती. बंगळुरुच्या यश दयालने एक विकेट घेत केवळ 7 धावा दिल्या आणि बंगळुरुचा प्ले ऑफमधील प्रवेश निश्चित केला.
आयपीएल 2024 चा हंगाम हा एमएस धोनीचा (MS Dhoni) शेवटचा हंगाम होता, असं बोललं जात आहे. बंगळुरुविरुद्ध धोनीने शेवटचा सामना खेळला. आता लवकरच धोनी निवृत्तीची घोषणा करणार असल्याची चर्चा सध्या रंगली आहे. धोनीला या हंगामाच्या सुरुवातीपासूनच गुडघ्याचा त्रास आहे. धोनी या त्रासामुळेच वरच्या क्रमांकावर बॅटिंगला आला नाही. धोनीला धावतानाही त्रास जाणवला. त्यामुळे निवृत्तीच्या चर्चांना आणखी जोर वाढला. मात्र चेन्नई आणि धोनीकडून अजून कोणतीही प्रतिक्रिया आलेली नाही. याचदरम्यान ऑस्ट्रेलियाचा आणि चेन्नई सुपर किंग्सचा माजी खेळाडू मॅथ्यू हेडनने धोनीच्या निवृत्तीवर प्रतिक्रिया दिली आहे.
मॅथ्यू हेडन नक्की काय म्हणाला?
मला असं वाटतं की बंगळुरुविरुद्धचा सामना एमएस धोनीचा आयपीएलमधील अंतिम सामना होता. परंतु धोनी मेंटर किंवा अन्य प्रशिक्षक म्हणून तो चेन्नईच्या संघासोबत कायम राहिल. धोनीने नेहमी चेन्नईला जेतेपद पटकावून देण्यासाठी प्रेरित राहिल, असं मॅथ्यू हेडन म्हणाला.
वीरेंद्र सेहवाग काय म्हणाला?
गेल्या दोन वर्षांपासून आपण याच विषयावर बोलत आहोत, की धोनीचा शेवटचा हंगाम असेल. यावेळी देखील आयपीएल 2024 च्या हंगामातील धोनीचा बंगळुरुविरुद्धचा सामना अंतिम होता, असं बोलत आहेत. मी आधी म्हटलं होतं की, धोनी या आयपीएलमध्ये याबाबत घोषणा करेल आणि हसत-हसत निवृत्ती घेईल. मात्र चेन्नईने प्ले ऑफमध्ये स्थान मिळवलं नसलं तरी धोनी चांगलं क्रिकेट खेळलं आहे. त्यामुळे धोनी पुढील वर्षी आला तर त्याला शुभेच्छा आणि आयपीएलमध्ये नाही आला, तर त्याला पुढील वाटचालीसाठी शुभेच्छा असल्याचं वीरेंद्र सेहवागने सांगितले. पण मला असं वाटतं धोनीचा हा शेवटचा हंगाम होता, असं सेहवान म्हणाला.
प्ले ऑफचं वेळापत्रक
21 मे - कोलकाता नाईट रायडर्स वि. सनरायझर्स हैदराबाद, अहमदाबाद ( क्वालिफायर 1)
22 मे - राजस्थान रॉयल्स वि. रॉयल चॅलेंजर्स बंगळुरु, अहमदाबाद ( एलिमिनेटर )
24 मे - क्वालिफायर 1 मधील पराभूत संघ वि. एलिमिनेटर विजेता, चेन्नई ( क्वालिफायर 2)
26 मे - क्वालिफायर 1 मधील विजेता संघ वि. क्वालिफायर 2 विजेता, चेन्नई ( फायनल)
संबंधित बातम्या:
महत्त्वाच्या बातम्या
ट्रेंडिंग न्यूज
