MI vs GT Playing 11 : हार्दिक पांड्याच्या गुजरात विरोधात रोहितची पलटन मैदानात, पाहा प्लेईंग 11 कशी असेल?
GT vs MI Playing 11 : आयपीएल 2023 च्या 35 व्या सामन्यात आज मुंबई इंडियन्स (Mumbai Indians) आणि गुजरात टायटन्स (Gujarat Titans) या दोन संघामध्ये लढत पाहायला मिळणार आहे.
IPL 2023 MI vs GT, Match 35 : आयपीएल (IPL 2023) मध्ये आज अहमदाबादच्या नरेंद्र मोदी स्टेडिअमवर मुंबई इंडियन्स (Mumbai Indians) आणि गुजरात टायटन्स (Gujarat Titans) या दोन संघामध्ये लढत पाहायला मिळणार आहे. संध्याकाळी 7.30 वाजता हा सामना पार पडणार आहे. गुणतालिकेत चौथ्या क्रमांकाचा संघ गुजरात आणि सातव्या क्रमांकाचा संघ मुंबई इंडियन्स यांच्यात आज सामना रंगणार आहे.
मुंबई इंडियन्स आणि गुजरात टायटन्स यांच्यात लढत
मागील सामन्यात पराभवानंतर मुंबई पलटन आजच्या सामन्यात विजयाच्या शोधात उतरणार आहे. तर गुजरात मागच्या सामन्यात लखनौविरुद्ध विजय मिळवून आज मैदानात उतरणार आहे. गुजरात टायटन्स संघाने हार्दिक पांड्याच्या नेतृत्वाखालील आतापर्यंत खेळलेल्या सहा सामन्यांपैकी चार सामन्यांमध्ये विजय मिळवला आहे. तर मुंबई इंडियन्स संघाने पहिल्या सहा सामन्यांपैकी तीन सामने जिंकले तर तीन सामने गमावले आहेत.
Narendra Modi Stadium Pitch Report : नरेंद्र मोदी स्टेडिअमची खेळपट्टी कशी आहे?
अहमदाबादच्या नरेंद्र मोदी स्टेडिअमवर गोलंदाज आणि फलंदाजामध्ये तुल्यबळ समान पाहायला मिळतो. खेळपट्टी गोलंदाजी आणि फलंदाजी दोन्हींसाठी पूरक आहे. सीमारेषा दूर असल्यामुळे फलंदाजांना षटकार-चौकार मारताना मेहनत घ्यावी लागते. तसेच चौकार षटकाराच्या नादात विकेट जाण्याची शक्यता असते. या मैदानावर एकेरी दुहेरी धावांचे तेवढेच महत्व आहे. या मैदानावर कर्णधार नाणेफेक जिंकून प्रथम गोलंदाजी करण्याचा निर्णय घेऊ शकतात. प्रथम फलंदाजी करणारा संघ मोठी धावसंख्या उभारु शकतो. या मैदानावर 180 पर्यंत धावांच्या लक्ष्याचा पाठलाग होऊ शकतो. नरेंद्र मोदी स्टेडिअमची खेळपट्टी फलंदाजीसाठी पोषक मानली जाते. पण सुरुवातीच्या षटकात येथे वेगवान गोलंदाजांना अधिक मदत मिळते. अचूक टप्प्यावर मारा करणाऱ्या गोलंदाजाला यश मिळतेच.
GT vs MI Playing 11 : दोन्ही संघांची संभाव्य प्लेईंग 11
MI Playing 11 : मुंबई इंडियन्स संभाव्य प्लेईंग 11
रोहित शर्मा (कर्णधार), ईशान किशन (विकेटकीपर), तिलक वर्मा, सूर्यकुमार यादव, टिम डेव्हिड, कॅमेरॉन ग्रीन, नेहल वढेरा, अर्जुन तेंडुलकर, पियुष चावला, जेसन बेहरेनडॉर्फ, हृतिक शोकीन.
GT Playing 11 : गुजरात टायटन्स संभाव्य प्लेईंग 11
वृद्धिमान साहा (विकेटकीपर), शुभमन गिल, हार्दिक पांड्या (कर्णधार), विजय शंकर, अभिनव मनोहर, डेव्हिड मिलर, राहुल तेवतिया, राशिद खान, मोहम्मद शमी, नूर अहमद, मोहित शर्मा.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
महत्त्वाच्या बातम्या
