CSK vs LSG Match Preview : चेन्नईचं खातं उघडणार की लखनौ बाजी मारणार? धोनी विरुद्ध केएल राहुल मैदानात; खेळपट्टी कशी असेल?
LSG vs CSK, IPL 2023 : आयपीएलमध्ये 2023 सोमवारी चेन्नई सुपर किंग्स (Chennai Super Kings) आणि लखनौ सुपर जायंट्स (Lucknow Super Giants) यांच्यात सामना रंगणार आहे.
IPL 2023, CSK vs LSG Match Prediction : इंडियन प्रीमियर लीगमध्ये 2023 (Indian Premier League) धोनीच्या (MS Dhoni) चेन्नई सुपर किंग्स (Chennai Super Kings) संघाचा सामना केएल राहुलच्या (KL Rahul) लखनौ सुपर जायंट्स (Lucknow Super Giants) संघाशी होणार आहे. धोनीच्या नेतृत्वात चेन्नई पहिला विजय मिळून खातं उघडण्यासाठी मैदानात उतरेल तर, राहुलच्या नेतृत्वात लखनौ संघाचं विजयाची मालिका कायम ठेवण्याचा प्रयत्न करेल. सोमवारी चेन्नईच्या घरच्या मैदानावर संध्याकाळी हा सामना होणार आहे.
LSG vs CSK, IPL 2023 : चेन्नई विरुद्ध लखनौ
चेन्नईला पहिल्या सामन्यात गुजरात टायटन्सविरुद्ध पराभव पत्करावा लागला होता, तर लखनौ दिल्ली कॅपिटल्सविरुद्ध विजयी सलामी दिली आहे. पराभवानंतरही चेन्नई सुपर किंग्सला त्यांच्या घरच्या मैदानावर खेळताना विजयाचा आत्मविश्वास असेल. चेपॉक स्टेडिअममध्ये चेन्नईचा रेकॉर्ड चांगला आहे आणि हा चांगला रेकॉर्ड कायम ठेवण्याचं चेन्नईचं लक्ष्य असेल.
LSG vs CSK, IPL 2023 : कधी आणि कुठे होणार सामना?
चेन्नई सुपर किंग्स आणि लखनौ सुपर जायंट्स यांच्यात 3 एप्रिल रोजी रणसंग्राम पाहायला मिळणार आहे. हा सामना चेन्नईतील एमए चिदंबरम स्टेडिअम म्हणजेच चेपॉक स्टेडिअमवर संध्याकाळी 7.30 वाजता पार पडणार आहे.
CSK vs LSG, Pitch Report : खेळपट्टीचा अहवाल
गेल्या काही वर्षांत चिदंबरम स्टेडिअमची खेळपट्टी फलंदाजांसाठी चांगली ठरली आहे. खेळ जसजसा पुढे सरकतो तसतशी खेळपट्टी खूप कोरडी होते आणि याचा फिरकीपटूंना नेहमीच फायदा झाला आहे. या मैदानावर फिरकीपटूंनीही वर्चस्व वाढवलं आहे.
CSK Playing 11 : चेन्नई संभाव्य प्लेईंग 11
डेव्हॉन कॉनवे, रुतुराज गायकवाड, मोईन अली, शिवम दुबे, अंबाती रायडू, बेन स्टोक्स, रवींद्र जडेजा, एमएस धोनी (कर्णधार आणि विकेटकिपर), मिचेल सँटनर, दीपक चहर, राजवर्धन हंगरगेकर
Chennai Super Kings Squad : चेन्नई सुपर किंग्ज संघ
एमएस धोनी (कर्णधार), डेव्हॉन कॉनवे, रुतुराज गायकवाड, अंबाती रायुडू, सुभ्रांशु सेनापती, मोईन अली, शिवम दुबे, राजवर्धन हंगरगेकर, ड्वेन प्रिटोरियस, मिचेल सँटनर, रवींद्र जडेजा, तुषार देशपांडे, मुकेश चौधरी, मथीशा पाथिराना, दीपेश पाथीराना, दीपराज सिंह. , प्रशांत सोळंकी, महेश थेक्षाना, अजिंक्य रहाणे, बेन स्टोक्स, शेख रशीद, निशांत सिंधू, सिसांडा मगला, अजय मंडल, भगत वर्मा.
लाईव्ह सामना कुठे पाहाल?
स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण केले जाईल. या सामन्याचे लाइव्ह स्ट्रीमिंग 'Jio Cinema' ॲपवर उपलब्ध असेल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या बातम्या
