(Source: ECI/ABP News/ABP Majha)
SRH Vs CSK, Live Score Updates: चेन्नईनं सामना जिंकला, हैदराबादचा 13 धावांनी पराभव
IPL 2022: आयपीएलच्या पंधराव्या हंगामातील 46 व्या सामन्यात सनरायजर्स हैदराबाद आणि चेन्नई सुपर किंग्ज आमने सामने येणार आहे.
LIVE
Background
IPL 2022: आयपीएलच्या पंधराव्या हंगामातील 46 व्या सामन्यात सनरायजर्स हैदराबाद आणि चेन्नई सुपर किंग्ज आमने सामने येणार आहे. पुण्याच्या महाराष्ट्र क्रिकेट असोसिएशन स्टेडियमवर उद्या हा सामना खेळला जाणार आहे. यंदाच्या हंगामात चेन्नई सुपर किंग्जनं निराशाजक कामगिरी करून दाखवली आहे. रवींद्र जाडेजाच्या नेतृत्वात चेन्नईच्या संघानं 8 पैकी 6 सामने गमावले आहेत. तर, दुसरीकडं सुरुवातीच्या दोन सामन्यात पराभव स्वीकारल्यानंतर हैदराबादच्या संघानं जोरदार कमबॅक केलंय. हैदराबादनं 8 पैकी 5 सामन्यात विजय मिळवून गुणतालिकेत पाचव्या क्रमांकावर आहे.
सनरायजर्स हैदराबाद विरुद्ध चेन्नई सुपर किंग्ज हेड टू रेकॉर्ड
आयपीएलमध्ये आजवर सनरायजर्स हैदराबाद आणि चेन्नई सुपर किंग्स (SRH vs CSK) हे संघ 17 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता चेन्नईचं पारडं कमालीचं जड राहिलं आहे. त्यांनी 12 सामन्यात विजय मिळवला आहे. तर हैदराबादने 5 सामने जिंकण्यात यश मिळवलं आहे.
कधी, कुठे पाहणार सामना?
सनरायझर्स हैदराबाद आणि चेन्नई सुपर किंग्ज यांच्यातील सामना 1 मे रोजी पुण्याच्या महाराष्ट्र क्रिकेट असोसिएशन स्टेडियमवर खेळला जाणार आहे. सनरायझर्स हैदराबाद आणि चेन्नई सुपर किंग्ज यांच्यातील सामना भारतीय वेळेनुसार संध्याकाळी 07.30 वाजता सुरू होईल. सनरायझर्स हैदराबाद आणि चेन्नई सुपर किंग्ज यांच्यातील टी -20 सामन्याचे प्रसारण स्टार नेटवर्कवर होईल.हॉटस्टार डॉट कॉमवर सनरायझर्स हैदराबाद आणि चेन्नई सुपर किंग्ज यांच्यातील यांच्यातील सामन्याचे थेट ऑनलाईन प्रसारण तुम्ही पाहू शकता. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल.
हे देखील वाचा-
- DC vs LSG, Toss Update : लखनौचा कर्णधार केएल राहुलने निवडली प्रथम फलंदाजी, दिल्लीकर करणार गोलंदाजी; पाहा आजची अंतिम 11
- SRH vs CSK, Head to Head : हैदराबाद आणि चेन्नईमध्ये रंगणार आजची लढत, अशी आहे आतापर्यंतची आकडेवारी
- IPL 2022 : बर्थडे बॉय रोहित आऊट झाला अन् पत्नीच्या डोळ्यात अश्रू तराळले! अश्विनच्या पत्नीचा रितिकाला आधार
चेन्नईनं सामना जिंकला, हैदराबादचा 13 धावांनी पराभव
IPL 2022: पुण्याच्या (Pune) महाराष्ट्र क्रिकेट असोसिएशन स्टेडियमवर (Maharashtra Cricket Association Stadium) सुरु असलेल्या आयपीएलच्या 46 व्या सामन्यात चेन्नई सुपर किंग्जनं सनरायजर्स हैदराबादला (Sunrisers Hyderabad Vs Chennai Super Kings) धावांनी पराभूत केलं. या सामन्यात नाणेफेक जिंकून दिल्लीच्या संघानं चेन्नईला प्रथम फलंदाजी करण्यासाठी आमंत्रित केलं. त्यानंतर चेन्नईच्या संघानं 20 षटकात 2 विकेट्स गमावून 202 धावा केल्या. प्रत्युत्तरात हैदराबादच्या संघाला 20 षटकात 6 विकेट्स गमावून धावा 189 करता आल्या.
हैदराबादच्या संघानं चौथी विकेट्स गमावली, केन विल्यमसन आऊट
चेन्नईनं दिलेल्या लक्ष्याचा पाठलाग करणाऱ्या हैदराबादच्या संघाला चौथा झटका बसला आहे. कर्णधार केन विल्यमसन 47 धावा करून माघारी परतला
मुकेशनं घेतले दोन विकेट्स
मुकेश चौधरीने अभिषेक शर्माला 39 आणि राहुल त्रिपाठीला शून्य धावांवर तंबूत धाडलं आहे.
SRH Vs CSK, Live Score Updates: चेन्नईविरुद्ध हैदराबादच्या अभिषेक शर्माची बॅट तळपली
चेन्नईनं दिलेल्या 203 धावांचा पाठलाग करण्यासाठी मैदानात उतरलेल्या हैदराबादच्या संघाची सुरुवात चांगली झाली. हैदराबादचा सलामीवीर अभिषेक शर्मानं 21 चेंडूत 35 धावा करत क्रिजवर उभा आहे.
SRH Vs CSK, Live Score Updates: चेन्नईच्या संघाचं हैदराबादसमोर 203 धावांचं लक्ष्य
पुण्याच्या महाराष्ट्र क्रिकेट असोसिएशन स्टेडियमवर सुरु असलेल्या आयपीएलच्या 46 व्या सामन्यात चेन्नई सुपर किंग्जनं सनरायजर्स हैदराबादसमोर धावांचं 203 लक्ष्य ठेवलं. या सामन्यात नाणेफेक जिंकून हैदराबादच्या संघानं चेन्नईला प्रथम फलंदाजी करण्यासाठी आमंत्रित केलं. त्यानंतर चेन्नईच्या संघानं 20 षटकात 2 विकेट्स गमावून 202 धावा केल्या. चेन्नईकडून ऋतुराज गायकवाड आणि डी कॉन्वेनं आक्रमक फलंदाजी करत दिल्लीच्या संघासमोर विशाल धावांचा डोंगर उभा केला.
महत्त्वाच्या बातम्या
ट्रेंडिंग न्यूज
