IPL 2022, RCB vs SRH : बंगळुरुचा संघ हैदराबादशी भिडणार; कधी, कुठे पाहाल सामना?
IPL 2022 : मुंबईच्या ब्रेबॉर्न मैदानात आज बंगळुरु आणि हैदराबाद संघ आमने-सामने असणार आहेत.
RCB vs SRH : आज आयपीएलमध्ये (IPL 2022) दुसरा सामना हा रॉयल चँलेजर्स बंगळुरु आणि सनरायजर्स हैदराबाद (Royal challengers bangalore vs Sunrisers Hyderabad) या दोन संघात होणार आहे. गुणतालिकेचा विचार करता बंगळुरुचा संघ सात पैकी पाच सामने जिंकत 10 गुण खिशात घेऊन तिसऱ्या स्थानावर आहे. तर हैदराबादचा संघ सहा पैकी चार सामने जिंकत आठ गुणांसह पाचव्या स्थानावर आहे. बंगळुरुच्या संघाने यंदा अप्रतिम कामगिरी केल्याने आज हैदराबादला त्यांच आव्हान अवघड असणार हे नक्की. त्यामुळे सामना नक्कीच चुरशीचा होईल.
आज होणाऱ्या रॉयल चँलेजर्स बंगळुरु आणि सनरायजर्स हैदराबाद (RCB vs SRH) या सामन्यात दोन्ही संघाकडून दमदार खेळाडूंची फौज मैदानात उतरणार यात शंका नाही. दोन्ही संघाकडून विजयासाठी शर्थीचे प्रयत्न केले जाणार असून आजचा हा सामना कधी आणि कुठे पाहू शकता, याबद्दल आम्ही तुम्हाला सांगणार आहोत.
कधी आहे सामना?
आज 23 एप्रिल रोजी होणारा रॉयल चॅलेजर्स बंगळुरु, सनरायजर्स हैदराबाद सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल.
कुठे आहे सामना?
हा सामना मुंबईतील ब्रेबॉर्न स्टेडियमवर खेळवला जाणार आहे.
कुठे पाहता येणार सामना?
रॉयल चॅलेजर्स बंगळुरु आणि सनरायजर्स हैदराबाद यांच्यातील आजचा सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल.
हे देखील वाचा-
महत्त्वाच्या बातम्या
ट्रेंडिंग न्यूज
