CSK vs RCB, Head to Head : चेन्नई विरुद्ध बंगळुरु आमने-सामने, अशी आहे आतापर्यंतची आकडेवारी

IPL 2022 : आज पार पडणाऱ्या चेन्नई सुपरकिंग्स विरुद्ध रॉयस चँलेजर्स बंगळुरु या चुरशीच्या सामन्याआधी आतापर्यंत या दोन्ही संघाच्या एकमेंकाविरुद्धच्या कामगिरीवर एक नजर फिरवूया...

RCB vs CSK

CSK vs RCB : चेन्नई सुपरकिंग्स विरुद्ध रॉयल चँलेजर्स बंगळुरु (CSK vs RCB) या आयपीएलमधील (IPL 2022) आजच्या सामन्यात चेन्नईला यंदाच्या हंगामातील पहिला-वहिला विजय मिळवण्याची आशा आहे. आतापर्यंत झालेल्या चारही सामन्यात चेन्नई पराभूत झाली आहे. दुसरीकडे बंगळुरुने मात्र चार पैकी तीन सामने जिंकल्याने त्यांचं आव्हान चेन्नईला अवघड असणार हे नक्की. दरम्यान आजच्या सामन्यापूर्वी या दोन्ही संघाचा आजवरचा एकमेंकाविरुद्धता इतिहास पाहणंही महत्त्वाचं आहे.

आजचा सामना नवी मुंबईतील डी.वाय. पाटील स्टेडियमवर पार पडणार आहे. आजच्या सामन्यात दोन्ही संघामधील कोणता संघ चांगली कामगिरी करेल यासाठी त्यांच्या आजवरच्या इतिहासावर (Head to Head) एक नजर फिरवू... 

चेन्नई विरुद्ध बंगळुरु Head to Head

आयपीएलमध्ये आजवर चेन्नई सुपरकिंग्स आणि रॉयल चँलेजर्स बंगळुरु हे संघ तब्बल 28 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता चेन्नईचं पारडं जड आहे. कारण चेन्नईने 28 पैकी 18 सामने एकहाती जिंकत वर्चस्व प्रस्थापित केलं आहे. तर आरसीबीला 9 सामन्यात विजय मिळवता आला आहे. तर एक सामना अनिर्णीत राहिला आहे. पण यंदा बंगळुरुचा फॉर्म चेन्नईपेक्षा अधिक चांगला असल्याने आजचा  सामना चुरशीचा होणार हे नक्की.

आजच्या सामन्यात अशी असू शकते संभाव्य अंतिम 11  

चेन्नई - ऋतुराज गायकवाड, रॉबिन उथप्पा, मोईन अली, अंबाती रायडू, शिवम दुबे, एम.एस. धोनी  (विकेटकिपर), रवींद्र जाडेजा (कर्णधार), ड्वेन ब्राव्हो, ख्रिस जॉर्डन, मुकेश चौधरी, अॅडम मिल्ने  

बंगळुरु - अनुज रावत, फाफ डु प्लेसीस (कर्णधार), विराट कोहली, ग्लेन मॅक्सवेल, दिनेश कार्तिक (विकेटकीपर), शाहबाज अहमद, डेविड विली, वानिंदू हसरंगा, सिद्धार्थ कौल, आकाश दीप, मोहम्मद सिराज

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha