![metaverse](https://cdn.abplive.com/imagebank/metaverse-top.png)
CSK vs GT : अंतिम सामन्यावर पुन्हा पावसाचं सावट! सोमवारीही सामना रद्द झाल्यास विजेता कोण ठरणार?
IPL Final 2023 : आज आयपीएल 2023 चा अंतिम सामना खेळवला जाणार आहे. सोमवारीही पावसानं सामन्यात व्यत्यय आणल्यास विजेता कसा ठरणार? जाणून घ्या.
![CSK vs GT : अंतिम सामन्यावर पुन्हा पावसाचं सावट! सोमवारीही सामना रद्द झाल्यास विजेता कोण ठरणार? CSK vs GT ipl 2023 final match rescheduled for monday after rain weather updates on monday ipl 2023 live marathi news chennai super kings vs gujarat titans CSK vs GT : अंतिम सामन्यावर पुन्हा पावसाचं सावट! सोमवारीही सामना रद्द झाल्यास विजेता कोण ठरणार?](https://feeds.abplive.com/onecms/images/uploaded-images/2023/05/28/64b178eaf67eb414da8644c849aa9fdc1685254478908322_original.jpg?impolicy=abp_cdn&imwidth=1200&height=675)
CSK vs GT, IPL 2023 Final Match : रविवारी झालेल्या पावसामुळे अहमदाबादमधील (Ahmedabad Rain) नरेंद्र मोदी स्टेडियमवर (Narendra Modi Stadium) चेन्नई सुपर किंग्स (Chennai Super Kings) आणि गुजरात टायटन्स (Gujarat Titans) यांच्यातील आयपीएल 2023 चा अंतिम सामना (IPL 2023 Final ) होऊ शकला नाही. त्यामुळे हा सामना आज, सोमवारी राखीव दिवशी खेळवला जाणार आहे. रविवारी पावसानं प्रेक्षकांची निराशा केली. आज 29 मे रोजी होणाऱ्या अंतिम सामन्यावरही पावसाचं सावट आहे. सोमवारीही आयपीएल 2023 चा अंतिम सामना होऊ शकला नाही. तर, पुढे काय होणार... कोणता संघ महाविजेता ठरणार जाणून घ्या...
सोमवारीही पाऊस पडल्यास काय होणार?
आयपीएल 2023 चा अंतिम सामना सोमवारी, 29 मे रोजी राखीव दिवशीही होऊ शकला नाही, तर गुजरात टायटन्स संघाला याचा फायदा होईल. सोमवारीही महाअंतिम सामना पावसामुळे रद्द झाल्यास साखळी सामन्यानंतर आयपीएल गुणतालिकेतील (IPL 2023 Points Table) पहिल्या क्रमांकावर असणाऱ्या संघाला महाविजेता म्हणून घोषित केलं जाईल. आयपीएल पॉईंट्स टेबलमध्ये सध्या गुजरात टायटन्स संघ अव्वल आहे. त्यामुळे सोमवारी अंतिम सामना न झाल्यास चेन्नई सुपर किंग्स संघाला याचं नुकसान सहन करावं लागेल. यामुळे गुजरात टायटन्स आयपीएल 2023 चा विजेता ठरेल, कारण चेन्नई पॉईंट्स टेबलवर दुसऱ्या क्रमांकावर आहे.
The #Final of the #TATAIPL 2023 has been moved to the reserve day on 29th May - 7:30 PM IST at the Narendra Modi Stadium, Ahmedabad.
— IndianPremierLeague (@IPL) May 28, 2023
Physical tickets for today will be valid tomorrow. We request you to keep the tickets safe & intact. #CSKvGT pic.twitter.com/d3DrPVrIVD
आयपीएल पॉईंट्स टेबलमध्ये गुजरात संघ आघाडीवर
आयपीएल 2023 मध्ये सामील सर्व दहा संघाने प्रत्येकी 14 साखळी सामने खेळले. या साखळी सामन्यानंतर गुजरात संघ पॉईंट्स टेबलमध्ये पहिल्या स्थानावर पोहोचला. 14 सामन्यांपैकी 10 सामने जिंकून गुजरात टायटन्स 20 गुणांसह पहिल्या क्रमांकावर आहे. गुजरात संघाला चार सामन्यांमध्ये पराभवाचा सामना करावा लागला. चेन्नई सुपर किंग्स 14 सामन्यांपैकी 8 सामने जिंकल्यानंतर 17 गुणांसह दुसऱ्या क्रमांकावर आहे. चेन्नई संघाने चौदापैकी पाच सामने गमावले तर, एका सामना पावसामुळे रद्द झाला होता. लखनौ आणि चेन्नई यांच्यातील सामना पावसामुळे होऊ न शकल्याने दोन्ही संघांनी प्रत्येकी एक-एक गुण देण्यात आला होता.
महत्त्वाच्या इतर बातम्या :
IPL 2023 Final : आज रंगणार आयपीएलचा महामुकाबला, पावसामुळे रविवारचा सामना सोमवारी; चेन्नई की गुजरात कोण ठरणार चॅम्पियन
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)