CSK Vs DC: मोईन अलीच्या फिरकीपुढं दिल्लीच्या संघाची दमछाक, चेन्नईचा 91 धावांनी विजय 

CSK Vs DC: चेन्नईकडून मोईन अली Moeen Ali),  सिमरजीत सिंह आणि मुकेश चौधरीनं उत्कृष्ट गोलंदाजी केली. 

(Photo Credit: IPL)

CSK Vs DC: चेन्नईच्या (Chennai Super Kings) भेदक गोलंदाजीसमोर दिल्लीच्या (Delhi Capitals) संघाची दमछाक झाली. मुंबईच्या (Mumbai) डीवाय पाटील स्टेडियमवर (Dr DY Patil Sports Academy) खेळण्यात आलेल्या सामन्यात चेन्नईच्या संघानं 91 धावांनी विजय मिळवला. या सामन्यात नाणेफेक गमावल्यानंतर प्रथम फलंदाजी करण्यासाठी मैदानात आलेल्या चेन्नईच्या संघानं सलामीवीर डेव्हॉन कॉनवेच्या (Devon Conway) आक्रमक फलंदाजीच्या जोरावर दिल्लीसमोर 20 षटकात 209 धावांचं लक्ष्य ठेवलं होतं. प्रत्युत्तरात दिल्लीचा संघ 117 धावांवर ऑलआऊट झाला. चेन्नईकडून मोईन अली Moeen Ali),  सिमरजीत सिंह (Simarjeet Singh), ड्वेन ब्राव्हो (Dwayne Bravo) आणि मुकेश चौधरीनं (Mukesh Choudhary) उत्कृष्ट गोलंदाजी केली. 

चेन्नईच्या संघानं दिलेल्या लक्ष्याचा पाठलाग करताना दिल्लीच्या संघाची सुरुवात खराब झाली. दिल्लीच्या डावातील दुसऱ्याच षटकात डेव्हिड वार्नरच्या रुपात महेश तिक्षणानं दिल्लीला पहिला झटका दिला. डेव्हिड वार्नरनं 12 चेंडूत 19 धावा केल्या.  त्यानंतर श्रीकर भारतही स्वस्तात माघारी परतला. दरम्यान, मोईन अलीनं मिचेश मार्श आणि ऋषभ पंतला बाद करून सामन्यावरील पकड मजबूत केली.त्यानंतर रिपाल पटेलला आऊट करून त्यानं सामना चेन्नईच्या बाजूनं झुकवला. मोईन अलीसह सिमरनजीत, मुकेश चौधरी, ड्वेन ब्राव्हो भेदक गोलंदाजी केली. या सामन्यात दिल्लीच्या कोणत्याही खेळाडूला 30 धावांचा आकडा गाठता आला नाही. ज्यामुळं दिल्लाचा 91 धावांनी पराभव झाला. चेन्नईकडून मोईन अलीनं सर्वाधिक तीन विकेट्स घेतल्या. तर, सिमरजीत, महेश तिक्षणा, आणि ड्वेन ब्राव्हो यांना प्रत्येकी दोन-दोन विकेट्स मिळाल्या. याशिवाय, महेश तिक्षणाला एक विकेट मिळाली.

नाणफेक गमावल्यानंतर प्रथम फलंदाजी करण्यासाठी चेन्नईकडून मैदानात आलेल्या सलामीवीर ऋतुराज गायकवाड आणि डेव्हॉन कॉन्वेनं संघाला चांगली सुरुवात करून दिली. दोघांनी पहिल्या विकेट्ससाठी 110 धावांची भागेदारी केली. परंतु, अकराव्या षटकातील अखेरच्या चेंडूवर नॉर्टीजेनं ऋतुराज गायकवाडला माघारी धाडलं. त्यानंतर शिवम दुबे मैदानात आला. या सामन्यात त्याला काही खास कामगिरी करता आली नाही. त्यानंतर अंबाती रायडूही स्वस्तात माघारी परतला. चेन्नईचे तीन विकेट्स पडल्यानंतर कर्णधार धोनी मैदानात आला. परंतु, वीसाव्या षटकात नॉर्टीजेनं मोईन अली आणि रॉबिन उथप्पाला सलग दोन चेंडूत आऊट करून माघारी धाडलं. दरम्यान, महेंद्रसिंह धोनीची छोटीशी आक्रमक खेळी केली. त्यानं आठ चेंडूत 21 धावांची खेळी केली.  ज्यात दोन षटकार आणि एका चौकाराचा समावेश आहे. दिल्लीकडून नॉर्टिजेनं सर्वाधिक तीन विकेट्स घेतल्या. तर, खलील अहमदनं दोन आणि मिचेश मार्शनं एक विकेट्स घेतली. 

हे देखील वाचा-