Video : मुंबईच्या विजयानंतर रोहितचं सेलिब्रेशन, रणवीरचा जल्लोष आणि नताशाचा उदास चेहरा

GT vs MI : रोमांचक सामन्यात मुंबईने गुजरातवर पाच धावांनी विजय मिळवला. यावेळी कर्णधार रोहितचा जल्लोष पाहण्याजोगा होता.

Mumbai Indians vs Gujrat Titans

MI Victory Celebration: आयपीएल (IPL 2022) स्पर्धेत शुक्रवारी रात्री एक रोमहर्षक सामना पाहायला मिळाला. मुंबई इंडियन्स आणि गुजरात टायटन्स (Mumbai Indians vs Gujrat Titans) यांच्यातील हा सामना अखेरच्या षटकापर्यंत पोहोचला. अखेरच्या षटकात 9 धावांची गरज असताना डॅनियल सॅम्सनं भेदक गोलंदाजी करत केवळ 4 धावा दिल्या. ज्यामुळे मुंबईचा 5 धावांनी विजय झाला.

दरम्यान या रोमहर्षक विजयानंतर मैदानात मुंबई इंडियन्स फॅन्सनी एकच जल्लोष केला. कर्णधार रोहितनं मैदानातच सेलिब्रेशन करत एक दमदार असं विजयी दौड घेतली. तर मुंबईचा सामना पाहायला आलेल्या अभिनेता रणवीर सिंहने जोरदार सेलिब्रेशन यावेळी केलं. दुसरीकडे गुजरातचा संघ पराभूत झाल्याने गुजरातचा कर्णधार हार्दिकची पत्नी नताशा मात्र कमालीची उदास झाली. कायम गुजरातच्या विजयानंतर नाचून उठणारी नताशा यावेळी मात्र उदास झाल्याचं दिसून आलं. 

अखरेच्या षटकातील थरार

गुजरातला विजयासाठी शेवटच्या षटकात 9 धावांची गरज होती. डेव्हिड मिलर आणि राहुल तेवतियासारखे स्फोटक फलंदाज क्रीजवर उपस्थित होते. अशा स्थितीत गुजरातचा विजय जवळपास निश्चित दिसत होता. मुंबईचा कर्णधार रोहित शर्मानं अखेरच्या षटकात डॅनियल सॅम्सच्या हातात चेंडू सोपवला. या षटकातील पहिला चेंडू डॅनियलनं स्लो टाकला. या चेंडूवर मिलरला एकच धाव मिळाली. डॅनियलने दुसरा चेंडू वाइड ऑफ ऑफच्या बाहेर ठेवला, ज्यावर तेवतियाला एकही धाव घेता आली नाही. पुढच्या चेंडूवर तेवतियाने डीप-मिडविकेटवर शॉट खेळला. एक धाव सहज पूर्ण झाली पण दुसरी धाव घेण्याच्या प्रयत्नात तो धावबाद झाला. आता शेवटच्या तीन चेंडूवर गुजरातला विजयासाठी सात धावांची आवश्यकता होती. डॅनियलच्या समोर राशिद खान होता. डॅनियलने हा चेंडूही बाहेर ठेवला, ज्यावर रशीद फक्त एक धाव घेऊ शकला. यानंतर डॅनियलनंच्या अखेरच्या दोन चेंडूवर मिलरला एकही धाव काढता आली नाही. अखेर मुंबईने हा सामना 5 धावांनी जिंकला.

हे देखील वाचा-