Vaibhav Suryavanshi VIDEO : पहिल्याच चेंडूवर षटकार ... मिसरुडंही फुटलं नाही पण लखनौला घाम फोडला, 14 वर्षाच्या पोरानं पदार्पणातच IPL गाजवली
19 एप्रिल 2025 हा दिवस आयपीएलच्या इतिहासात एका अद्भुत विक्रमासाठी कायमचा नोंदवला गेला आहे.
Vaibhav Suryavanshi IPL 2025 : 19 एप्रिल 2025 हा दिवस आयपीएलच्या इतिहासात एका अद्भुत विक्रमासाठी कायमचा नोंदवला गेला आहे. आयपीएल 2025 च्या 36 व्या सामन्यात राजस्थान रॉयल्सचा युवा खेळाडू वैभव सूर्यवंशीला या लीगमध्ये पदार्पण करण्याची संधी मिळाली आहे. यासह, तो आयपीएलमध्ये पदार्पण करणारा सर्वात तरुण खेळाडू बनला आहे. डावखुरा फलंदाज वैभवने वयाच्या अवघ्या 14 व्या वर्षी ही ऐतिहासिक कामगिरी केली आहे. लखनौ सुपर जायंट्स विरुद्धच्या सामन्यात वैभवला पदार्पणाची संधी मिळाली, ज्यामध्ये संघाचा नियमित कर्णधार संजू सॅमसन दुखापतीमुळे खेळू शकला नाही.
पहिल्याच चेंडूवर ठोकला षटकार अन्...
लखनौ सुपरजायंट्सविरुद्ध वैभव सूर्यवंशीने धमाकेदार सुरूवात केली. राजस्थान रॉयल्सचा हा युवा खेळाडू यशस्वी जयस्वालसोबत डावाची सुरुवात करण्यासाठी आला आणि लखनौकडून पहिले षटक शार्दुल ठाकूर टाकण्यासाठी आला. यशस्वी जैस्वालने शार्दुलविरुद्धच्या षटकाच्या पहिल्याच चेंडूवर स्ट्राईक घेतली आणि त्यावर एकही धाव झाली नाही, यशस्वीने दुसऱ्या चेंडूवर शानदार चौकार मारला. तिसऱ्या चेंडूवर त्याने एक धाव घेतली आणि वैभवला स्ट्राईक दिली. वैभवने आयपीएल कारकिर्दीच्या पहिल्याच चेंडूवर षटकार मारून खाते उघडून सर्वांना आश्चर्यचकित केले.
𝐌𝐀𝐊𝐈𝐍𝐆. 𝐀. 𝐒𝐓𝐀𝐓𝐄𝐌𝐄𝐍𝐓 🫡
— IndianPremierLeague (@IPL) April 19, 2025
Welcome to #TATAIPL, Vaibhav Suryavanshi 🤝
Updates ▶️ https://t.co/02MS6ICvQl#RRvLSG | @rajasthanroyals pic.twitter.com/MizhfSax4q
कोण आहे वैभव सूर्यवंशी?
आयपीएल 2025 च्या मेगा लिलावात राजस्थान रॉयल्सने वैभव सूर्यवंशीला 1.10 कोटी रुपयांना खरेदी केले. वैभवने अगदी लहान वयातच आपल्या स्फोटक फलंदाजीने क्रिकेट विश्वात एक वेगळी ओळख निर्माण केली आहे. वैभव सूर्यवंशी हा बिहार क्रिकेट संघाकडून खेळतो. बिहारमधून क्रिकेट खेळणारा वैभव सूर्यवंशी आयपीएलमध्ये प्रवेश मिळवणारा पहिला खेळाडू ठरला आहे. बिहारचे मुकेश कुमार आणि आकाशदीप सिंग देखील आहेत, परंतु हे दोन्ही खेळाडू वेगवेगळ्या राज्यांसाठी खेळतात. अशा परिस्थितीत, बिहारसाठीही ही खूप अभिमानाची गोष्ट असेल. देशांतर्गत क्रिकेटमधील कामगिरीच्या जोरावर वैभवने धमाकेदार आयपीएलमध्ये पदार्पण केले.
बिहारचा मुलगा वैभव सूर्यवंशीने वयाच्या नवव्या वर्षी क्रिकेट खेळायला सुरुवात केली. वैभवने केवळ 12 वर्षे 284 दिवसांच्या वयात 2024 च्या रणजी ट्रॉफीमध्ये पदार्पण केले, तेव्हा त्याने पदार्पणाने सचिन तेंडुलकरसह अनेक खेळाडूंच्या क्लबमध्ये प्रवेश केला. त्यानंतर त्याने भारत अंडर 19 विरुद्ध ऑस्ट्रेलिया अंडर 19 युवा कसोटी मालिकेत शानदार शतक झळकावून सर्वांचे लक्ष वेधून घेतले.
काही काळापूर्वी, भारत आणि ऑस्ट्रेलियाच्या 19 वर्षांखालील संघांमध्ये दोन सामन्यांची अनधिकृत कसोटी मालिका खेळवण्यात आली होती. ज्यामध्ये बिहारचा मुलगा वैभवने फक्त 58 चेंडूत शतक झळकावले. या तरुण खेळाडूने त्याच्या दमदार खेळीदरम्यान 14 चौकार आणि 4 षटकार मारले.
महत्त्वाच्या बातम्या
