IPL 2024 Auction: आयपीएलच्या लिलावात खेळाडूंपेक्षा 'मल्लिका'ची सर्वाधिक 'हवा'! नेमकी आहे तरी कोण?
या मिनी लिलावात केवळ भारतीय खेळाडूच नाही तर परदेशी सुपरस्टार्सवरही करोडो रुपयांचा वर्षाव होणार आहे. या लिलावासाठी एकूण 336 परदेशी खेळाडूंनी आपली नावे नोंदवली आहेत.
IPL 2024 Auction : आगामी इंडियन प्रीमियर लीग Indian Premier League (IPL) 2024 मिनी-लिलाव 19 डिसेंबर रोजी दुबई येथे होणार असल्याने चर्चा शिगेल पोहोचली आहे. मिनी-लिलाव असूनही, कायम ठेवण्याच्या (Retention Deadline) अंतिम मुदतीमुळे मोठ्या प्रमाणात चुरस निर्माण झाली आहे. लिलावाचे ठिकाण म्हणून दुबईची निवड केल्यामुळे,भारतीय क्रिकेट नियामक मंडळाने Board of Control for Cricket in India (BCCI) लिलाव करणारी (Auctioneer Mallika Sagar) मल्लिका सागर यांची कार्यवाही पाहण्यासाठी निवड केली असल्याची चर्चा आहे.
Mallika Sagar likely to be the auctioneer for the IPL 2024 auction at Dubai. [Sportstar] pic.twitter.com/tTb9Ozhaif
— Johns. (@CricCrazyJohns) December 5, 2023
या वर्षाच्या सुरुवातीला झालेल्या महिला प्रीमियर लीग (WPL) लिलावात मल्लिकाने प्रमुख भूमिका बजावली होती. पारंपारिकपणे, बीसीसीआय आयपीएल लिलावासाठी रिचर्ड मेडेली (Richard Madely) किंवा ह्यू एडमीड्स (Hugh Edmeades) यांच्यावर अवलंबून आहे. तथापि, 2022 च्या मेगा-लिलावादरम्यान "पोस्चरल हायपोटेन्शन" मुळे एडमीड्स यांची डागाळलेली प्रतिमा लक्षात घेता बीसीसीआय कोणताही धोका स्वीकारण्यास तयार नाही.
Mallika Sagar is likely to replace Hugh Edmeades as Auctioneer in the 2024 IPL auction. (Sportstar) pic.twitter.com/1ymRc5t0v0
— CricketMAN2 (@ImTanujSingh) December 5, 2023
2021 मध्ये प्रो कबड्डीचे लिलाव यशस्वी केला असल्याने मल्लिका लिलाव मार्केटमध्ये अनोळखी निश्चितच नाही. मुंबईस्थित असलेली मल्लिका कला संग्राहक आणि सल्लागार आहे. तिचा लिलावातील प्रवास 2001 चा ख्रिस्टीज या प्रसिद्ध ब्रिटीश लिलाव घरापासून सुरु आहे. या वर्षाच्या सुरुवातीला डब्ल्यूपीएल लिलावापूर्वी एका मुलाखतीत मल्लिकाने बीसीसीआयला लिलावाची जबाबदारी सोपवल्याबद्दल कृतज्ञता व्यक्त करताना म्हटले आहे की, “भारतीय महिलांना अखेरीस आंतरराष्ट्रीय स्तरावर त्यांचे हक्क मिळतील, त्यांच्याकडे सर्वोच्च स्तरावर खेळण्याची क्षमता असेल.”
एडमीड्स यांना गेल्यावर्षी फेब्रुवारीमध्ये बंगळूरमध्ये मेगा-लिलावादरम्यान "पोश्चरल हायपोटेन्शन" मुळे कोसळले होते. चारू शर्मा यांनी बीसीसीआयच्या विनंतीवरून तात्पुरता अर्ज भरला. परंतु लिलावाचा अंतिम टप्पा पार पाडण्यासाठी एडमीड्स नंतर परत आले. गेल्या वर्षीच्या आयपीएल लिलावात एडमीड्स स्टेजवर कोसळले होते. त्यांना तत्काळ वैद्यकीय मदतीची आवश्यकता होती आणि चारू शर्मा यांनी जबाबदारी पार पाडली.
या मिनी लिलावात केवळ भारतीय खेळाडूच नाही तर परदेशी सुपरस्टार्सवरही करोडो रुपयांचा वर्षाव होणार आहे. या लिलावासाठी एकूण 336 परदेशी खेळाडूंनी आपली नावे नोंदवली आहेत. यात ट्रॅव्हिस हेड, रचिन रवींद्र, मिचेल स्टार्क, पॅट कमिन्स, डॅरिल मिशेल, हॅरी ब्रूक, आदिल रशीद, डेव्हिड मलान आणि टॉम कुरन, ख्रिस जॉर्डन, बेन डकेट, फिलिप सॉल्ट, टॉम बॅंटन आणि सॅम यांसारखे अनेक परदेशी सुपरस्टार्स आहेत.
इतर महत्वाच्या बातम्या
महत्त्वाच्या बातम्या
