RCB vs KXIP : किंग्ज इलेव्हन पंजाबकडून बंगळुरूचा 8 गडी राखून पराभव; केएल राहुल, ख्रिस गेलचं अर्धशतक

RCB vs KXIP IPL 2020 : किंग्ज इलेव्हन पंजाबने शारजा मैदानावर रॉयल चॅलेंजर्स बंगळुरूचा 8 गडी राखून पराभव केला. बंगळुरूने प्रथम फलंदाजी करताना पंजाबला 172 धावांचे लक्ष्य दिले, प्रत्त्युत्तरादाखल पंजाबने शेवटच्या चेंडूवर थरारक विजय मिळवला. या मोसमातील पंजाबचा हा दुसरा विजय आहे. ख्रिस गेल आणि केएल राहुल यांनी अर्धशतकांचा डाव खेळला.

RCB vs KXIP IPL 2020 : रोमांचक सामान्यात किंग्ज इलेव्हन पंजाबने रॉयल चॅलेंजर्स बँगलोरचा आठ गडी राखून पराभव केला. 172 धावांचे लक्ष्य घेऊन मैदानात उतरलेल्या पंजाबची सुरुवात दमदार झाली. मात्र, तरीही त्यांना अखेरच्या षटकात विजयासाठी झगडावे लागले. कर्णधार के एल राहुल आणि ख्रिस गेल या दोघांनी अर्धशतकी खेळी केली.

रॉयल चॅलेंजर्स बँगलोरने दिलेलं 172 धावांचे लक्ष्य घेऊन मैदानात उतरलेल्या पंजाबने आज दमदार सुरुवात केली. कर्णधार के एल राहुलने आपला फॉर्म कायम ठेवत शानदार अर्धशतक झळकावले. राहुलने 49 चेंडूत एक चौकार आणि 5 षटकारांच्या मदतीने नाबाद 61 केल्या. तर त्याच्या सोबत सलामीला आलेल्या मयांक अगरवालने 25 चेंडूत चार चौकार आणि 3 षटकारांच्या मदतीने 45 धावा जमवल्या. त्यानंतर आलेल्या ख्रिस गेलने देखील 45 चेंडूत एक चौकार आणि 5 षटकारांच्या मदतीने अर्धशतकी खेळी करत संघाच्या विजयात मोलाची कामगिरी उचलली. इतकी चांगली बॅटींग करुनही विजयासाठी पंजाबला अखेरच्या षटकात झगडावे लागले. निकोलस पुरनने एक चेंडूत एक धाव लागत असताना विजयी षटकार मारत पंजाबला या मोसमातील पहिला विजय मिळवून दिला.

तत्पूर्वी, नाणेफेक जिंकून RCB चा कर्णधार विराट कोहलीने प्रथम फलंदाजी करण्याचा निर्णय घेतला. सुरुवात देखील चांगली झाली. मात्र, त्यानंतर आरसीबीचा एक-एक फलंदाज ठराविक अंतराने तंबूत परतले. देवदत पडिक्कल आणि फिंच या सलामीच्या जोडीने आरसीबीच्या संघाला आश्वासक सुरुवात करुन दिली. दोन्ही फलंदाजांनी 38 धावांची भागीदारी केली. बाद झाल्यानंतर फिंच आणि कर्णधार कोहली यांच्यातही छोटेखानी भागीदारी झाली.

मात्र, आश्विनने फिंचचा त्रिफळा उडवत आरसीबीला आणखी एक धक्का दिला. चौथ्या क्रमांकावर आलेल्या वॉशिंग्टन सुंदरला देखील लौकिकाला साजेशी खेळी करता आली नाही. एबी डिव्हीलियर्स देखील स्वस्तात माघारी परतला. शिवम दुबेने मैदानावर येऊन विराट कोहलीच्या साथीने संघाचा डाव सावरला. संघाचा एकएक शिलेदार माघारी परतत असताना विराटने एक बाजू लावून धरला. विराटने सर्वाधिक 39 चेंडूत तीन चौकाराच्या मदतीने सर्वाधिक 48 धावा काढल्या. अखेरच्या षटकात ख्रिस मॉरिसने फटकेबाजी करत आरसीबीला 171 धावांचा पल्ला गाठून दिला. पंजाबकडून मोहम्मद शमी आणि मुरगन आश्विनने प्रत्येकी 2 तर अर्शदीप सिंह आणि ख्रिस जॉर्डनने प्रत्येकी 1-1 बळी घेतला.