INDvsWI 2nd ODI | टीम इंडियाचं विंडीजला 388 धावांचं आव्हान, रोहित, राहुलची शानदार शतकं

रोहित शर्मानं वन डे कारकीर्दीतलं 28वं शतक साजरं केलं. तर लोकेश राहुलनं तिसरं शतक ठोकलं. या दोघांनी पहिल्या विकेटसाठी 227 धावांची भागीदारी रचली. या दोघांची शतकं आणि शेवटी श्रेयस अय्यर आणि रिषभ पंत यांच्या फटकेबाजीच्या जोरावर टीम इंडियाने मोठी धावसंख्या उभारली. कर्णधार विराट कोहली सलग दुसऱ्या सामन्यात अपयशी ठरला. तो शून्यावर बाद झाला.

विशाखापट्टणम : विशाखापट्टणममध्ये टीम इंडियाच्या दोन्ही सलामीवीरांच्या खणखणीत शतकांच्या जोरावर टीम इंडियाने 387 धावांचा डोंगर रचला आहे. रोहित शर्मानं वन डे कारकीर्दीतलं 28वं शतक साजरं केलं. तर लोकेश राहुलनं तिसरं शतक ठोकलं. या दोघांनी पहिल्या विकेटसाठी 227 धावांची भागीदारी रचली. या दोघांची शतकं आणि शेवटी श्रेयस अय्यर आणि रिषभ पंत यांच्या फटकेबाजीच्या जोरावर टीम इंडियाने मोठी धावसंख्या उभारली. कर्णधार विराट कोहली सलग दुसऱ्या सामन्यात अपयशी ठरला. तो शून्यावर बाद झाला. दुसऱ्या वन-डे सामन्यातही कायरन पोलार्डने नाणेफेक जिंकत प्रथम गोलंदाजी करण्याचा निर्णय घेतला. पोलार्डचा हा निर्णय यावेळी योग्य ठरला नाही. दोन्ही सलामीवीर रोहित आणि राहुलने दमदार खेळी करत पहिल्या विकेटसाठी 227 धावांची भागीदारी रचली. शतक झळकावल्यानंतर लोकेश राहुल अल्झारी जोसेफच्या गोलंदाजीवर माघारी परतला. त्याने 104 चेंडूत राहुलच्या 102 धावा केल्या. या शतकी खेळीत राहुलने 8 चौकार आणि 3 षटकार ठाकले. यानंतर आलेला विराट शून्यावर बाद झाला. यानंतरही रोहितची फटकेबाजी सुरुच राहिली. त्याने दीडशतक ठोकल्यानंतर तो बाद झाला. शेल्डन कोट्रेलच्या गोलंदाजीवर रोहित माघारी परतला. त्याने 138 चेंडूत 159 धावांची खेळी केली. या खेळीत त्याने 17 चौकार आणि 5 षटकार ठोकले.

Innings Break! An absolute run fest here in Visakhapatnam as #TeamIndia post a mammoth total of 387/5 on the board, courtesy batting fireworks by Rohit (159), Rahul (102), Shreyas (53), Rishabh (39).#INDvWI pic.twitter.com/rDgLwizYH4

— BCCI (@BCCI) December 18, 2019

त्याच्या जोडीला आलेल्या श्रेयस अय्यरने देखील तडकाफडकी खेळी करत अर्धशतक ठोकले. 49 व्या षटकात श्रेयस अय्यर बाद झाला. शेल्डन कोट्रेलच्या गोलंदाजीवर शाई होपने अय्यरचा झेल घेतला. श्रेयसने 32 चेंडूत 53 धावांची खेळी केली. या अर्धशतकी खेळीत 3 चौकार आणि 4 षटकारांचा समावेश आहे. ऋषभ पंतने देखील 16 चेंडूत 39 धावांची तडकाफडकी खेळी केली. किमो पॉलच्या गोलंदाजीवर निकोलस पूरनने त्याचा झेल घेतला. शेवटी आलेल्या केदार जाधवने 10 चेंडूत 16 धावा करत भारताची धावसंख्या 387 वर पोहोचवली. पहिला सामना जिंकलेल्या विंडीज संघासमोर आता मोठे आव्हान आहे. शिमरॉन हेटमायर आणि होपच्या फटकेबाजीच्या जोरावर वेस्ट इंडिजने पहिला सामना जिंकला होता. भारताला मालिकेतील आपलं आव्हान टिकवून ठेवायचं असेल तर आजचा सामना जिंकणे आवश्यक आहे. पहिल्या सामन्यात पराभवसाठी भारताची सुमार गोलंदाजी कारणीभूत ठरली होती. त्यामुळे आजच्या सामन्यात भारताच्या गोलंदाजांवर मोठी जबाबदारी असणार आहे.