MS Dhoni IPL 2026 : थालाच्या हातातील बॅट पाहून गोलंदाजांची झोप उडाली; MS धोनीचा तो एक व्हिडिओ अन् IPL च्या सगळ्या संघात खळबळ
CSK MS Dhoni IPL 2026 : यंदा आयपीएल 2026 चा (Indian Premier League) थरार 28 मार्चपासून सुरू होणार आहे.
MS Dhoni Preparing Bat IPL 2026 : यंदा आयपीएल 2026 चा (Indian Premier League) थरार 28 मार्चपासून सुरू होणार आहे. या हंगामातील पहिला सामना ब्लॉकबस्टर ठरण्याची शक्यता असून त्यात रॉयल चॅलेंजर्स बंगळुरू आणि सनरायझर्स हैदराबाद आमनेसामने भिडणार आहेत. तर पाच वेळा विजेतेपद पटकावलेल्या चेन्नई सुपर किंग्सचा पहिला सामना राजस्थान रॉयल्स विरुद्ध होणार आहे. गेल्या हंगामात राजस्थानचे नेतृत्व करणारा संजू सॅमसन (Sanju Samson) यंदा चेन्नई सुपर किंग्सकडून खेळताना दिसणार आहे. दुसरीकडे दीर्घकाळ सीएसकेचा भाग असलेला रवींद्र जडेजा (Ravindra Jadeja) यंदाच्या हंगामात राजस्थान रॉयल्सकडून मैदानात उतरणार आहे.
MS धोनीचा तो एक व्हिडिओ अन्...
मात्र चाहत्यांच्या नजरा सर्वाधिक माजी कर्णधार एमएस धोनी (MS Dhoni) वर असतील. अनेकांचा अंदाज आहे की हा धोनीचा आयपीएलमधील शेवटचा हंगाम ठरू शकतो. त्यामुळे चाहत्यांना पुन्हा एकदा थालाकडून षटकारांची आतषबाजी पाहायला मिळेल, अशी अपेक्षा आहे. चेन्नई सुपर किंग्सने सोशल मीडियावर एक व्हिडिओ शेअर केला आहे. या व्हिडिओमध्ये धोनी ग्राइंडरच्या मदतीने स्वतःचा बॅट घासत असल्याचे दिसते. सीएसकेने हा व्हिडिओ शेअर करत “Master of the Craft” असे कॅप्शन दिले आहे.
MaSter of the craft! ⚔️ #WhistlePodu #Yellove pic.twitter.com/7iGWGra2v1
— Chennai Super Kings (@ChennaiIPL) March 13, 2026
धोनीशिवाय CSK ची कल्पनाही नाही... - इरफान पठाण
भारतीय संघाचा माजी ऑलराउंडर इरफान पठाण (Irfan Pathan) म्हटला की, आयपीएलमध्ये चेन्नई सुपर किंग्सची कल्पनाही धोनीशिवाय करता येत नाही. मात्र धोनी कदाचित आपला शेवटचा हंगाम खेळण्याच्या तयारीत असू शकतात. जिओहॉटस्टारवर बोलताना पठाण म्हणाला, “धोनीशिवाय सीएसके आणि आयपीएलची कल्पना करणे कठीण आहे. आता त्याची भूमिका संघाला एकत्र ठेवण्याची असेल. तसेच ते संजू सॅमसन आणि ऋतुराज गायकवाड यांना फ्रँचायझीच्या भविष्यातील नेतृत्वासाठी तयार करण्यात मदत करतील.”
पठाण पुढे म्हणाला की, धोनी किती सामने खेळणार हे निश्चित नाही, पण ड्रेसिंग रूममधील त्याची उपस्थिती संघासाठी खूप महत्त्वाची ठरेल. संजू सॅमसनलाही त्याचा फायदा होईल. ऋतुराज गायकवाड आधीच कर्णधार आहेत, त्यामुळे भविष्यासाठी दोन-तीन खेळाडूंना तयार करण्याचे काम सुरू आहे.
CSK ची ‘परफेक्ट फेअरवेल’ची तयारी...
पठाणच्या मते, सीएसके व्यवस्थापन या हंगामात काहीतरी वेगळे करण्याचा प्रयत्न करेल. धोनीची फिटनेस, त्याची फलंदाजीची जागा आणि तो सर्व सामने खेळणार का याबाबत प्रश्न उपस्थित होत आहेत. मात्र याचे उत्तर सीएसके व्यवस्थापनच देऊ शकते. सीएसकेला यंदा सहावे आयपीएल विजेतेपद जिंकून धोनीला भव्य निरोप द्यायचा आहे. दरम्यान, फ्रँचायझीचे सीईओ काशी विश्वनाथन यांनी सांगितले की धोनी सर्व सामने खेळतील, पण त्यांची भूमिका संघ व्यवस्थापन ठरवेल.
धोनी आयपीएलच्या पहिल्या हंगामापासून या लीगमध्ये खेळत आहेत आणि सीएसकेच्या पिवळ्या जर्सीची ओळख बनला आहे. तो आता आपला 19वा आयपीएल हंगाम खेळण्यासाठी सज्ज आहेत. त्याच्या नेतृत्वाखाली सीएसकेने पाच वेळा विजेतेपद पटकावले आहे. वैयक्तिक कामगिरीबद्दल बोलायचे झाल्यास, धोनीने 278 सामन्यांत 5439 धावा केल्या आहेत. विकेटकीपर म्हणून त्याने 158 झेल घेतले असून 47 स्टंपिंगही केले आहे.
हे ही वाचा -
Before You Go
IPL 2026 : राजस्थान रॉयल्सने पंजाब किंग्सचा घरच्या मैदानावर पराभव करत विजयीरथ रोखला
महत्त्वाच्या बातम्या
