IND vs SL, 1st ODI LIVE: श्रीलंकेचा नाणेफेक जिंकून प्रथम फलंदाजीचा निर्णय, पाहा सामन्याचे प्रत्येक अपडेट
IND vs SL, 1st ODI LIVE Updates: भारत आणि श्रीलंका यांच्यात तीन एकदिवसीय सामन्यांच्या वन डे मालिकेचा पहिला सामना आज रविवार, 18 जुलै रोजी खेळला जात आहे.
LIVE
Background
India vs Sri Lanka 1st ODI: भारत आणि श्रीलंका यांच्यात तीन एकदिवसीय सामन्यांच्या वन डे मालिकेचा पहिला सामना आज रविवार, 18 जुलै रोजी खेळला जाणार आहे. हा सामना कोलंबोमध्ये भारतीय वेळेनुसार दुपारी 3 वाजता सुरू होईल. नव्या दमाच्या टीम इंडियासमोर श्रीलंकेचं तगडं आव्हान असणार आहे. पहिल्यांदाच नॅशनल कोचची भूमिका पार पाडणाऱ्या राहुल द्रविड आणि नेतृत्व करणाऱ्या शिखर धवनची ही कसोटी असणार आहे.
किती वाजता सुरु होणार सामना
भारतीय वेळेनुसार हा सामना दुपारी 3 तीन वाजता सुरु होईल.
कुठे पाहू शकाल सामना
भारत आणि श्रीलंकेदरम्यान खेळला जाणारा हा सामना आपण सोनी स्पोर्ट्स नेटवर्कच्या चॅनलवर पाहू शकणार आहात. हे सामने या नेटवर्कवर आपण हिंदी आणि इंग्लिश कॉमेंट्रीसोबत पाहायला मिळेल. या सामन्याचं लाईव्ह स्ट्रिमिंग सोनी लिव्ह अॅप आणि त्यांच्या वेबसाईटवर पाहू शकाल. सोबतच आपण लाईव्ह स्कोर आणि अपडेट https://www.abplive.com वर देखील पाहू शकाल.
या सामन्यात विकेटकीपर फलंदाज संजू सॅमसन भारताकडून डेब्यू करू शकतो. वास्तविक, सॅमसनने भारताकडून टी -20 आंतरराष्ट्रीय सामने खेळले आहेत. मात्र, अद्याप त्याने एकदिवसीय क्रिकेटमध्ये पदार्पण केले नाही. या सामन्यात उत्कृष्ट फॉर्ममध्ये असलेला कर्णधार शिखर धवन आणि पृथ्वी शॉ सलामीला येऊ शकतात. देवदत्त पडिकल, ऋतुराज गायकवाड आणि नितीश राणा यांच्या रूपात टीम इंडियाकडे इतर पर्याय असले तरी प्रशिक्षक राहुल द्रविड आणि कर्णधार धवन पृथ्वी शॉला सलामीची पहिली संधी देऊ शकतात.
यानंतर तिसर्‍या क्रमांकावर सूर्यकुमार यादवचं खेळणं निश्चित मानलं जात आहे. त्याचबरोबर विकेटकीपर फलंदाज संजू सॅमसन चौथ्या क्रमांकावर खेळू शकतो. केरळच्या या फलंदाजाकडे बराच अनुभव आहे. त्यामुळे किमान एकदिवसीय सामन्यात त्याला इशान किशनपेक्षा प्राधान्य दिलं जाईल. संजूनंतर मनीष पांडेला पाचव्या क्रमांकावर संधी दिली जाऊ शकते.
हार्दिक पांड्या आणि क्रुणाल पांड्या 6 व 7 व्या क्रमांकावर फलंदाजी करू शकतात. हे दोन्ही भाऊ फिनिशरची भूमिका साकारणार आहेत. श्रीलंकेच्या खेळपट्ट्यांवर क्रुणाल पांड्या खूप प्रभावी ठरू शकतो. शेवटच्या षटकांत तो स्फोटक फलंदाजी देखील करू शकतो. इंग्लंडविरुद्ध होम ग्राऊंडवर एकदिवसीय मालिकेतही त्याने हे दाखवून दिले. दुसरीकडे, हार्दिक आपल्या प्रदर्शनाने समीक्षकांचे तोंड बंद करण्याची शक्यता आहे.
श्रीलंकेच्या खेळपट्टीवर नजर टाकल्यास कर्णधार धवन कुल्चा अर्थात युझवेंद्र चहल आणि कुलदीप यादव यांच्या जोडीला पहिल्या एकदिवसीय सामन्यात संधी देऊ शकतो. जेव्हा जेव्हा ही जोडी वन-डे क्रिकेटमध्ये एकत्र खेळली आहे, तेव्हा भारताच्या विजयात यांनी मोलाचे योगदान दिल आहे. यानंतर वेगवान गोलंदाजीची जबाबदारी उपकर्णधार भुवनेश्वर कुमार आणि वेगवान स्टार नवदीप सैनी यांच्यावर असेल. मात्र, दीपक चहर आणि चेतन सकारिया हेदेखील संघात चांगले पर्याय आहेत, पण सैनीला भुवीसह संधी दिली जाऊ शकते.
भारत संभाव्य प्लेईंग इलेव्हन - शिखर धवन (कर्णधार), पृथ्वी शॉ, सूर्यकुमार यादव, संजू सॅमसन (यष्टीरक्षक), मनीष पांडे, हार्दिक पांड्या, कृणाल पांड्या, कुलदीप यादव, युजवेंद्र चहल, भुवनेश्वर कुमार आणि नवदीप सैनी
श्रीलंका संभाव्य प्लेईंग इलेव्हन - पथुम निसंका, चरिथ असालंका, दासुन शनाका (कर्णधार), वानिंदु हसरंगा, रमेश मेंडिस, धनंजय डी सिल्वा, चमिका करुणारत्ने, दुष्मंथा चमीरा, प्रवीण जयविक्रमा.
श्रीलंकेला दहाव्या षटकात पहिला धक्का, अविष्का 32 धावांवर बाद
भारत-श्रीलंका एकदिवसीय सामना, श्रीलंकेची सावध सुरुवात, चार षटकांनंतर बिनबाद 23 धावा
भारत-श्रीलंका एकदिवसीय सामना, श्रीलंकेची सावध सुरुवात, चार षटकांनंतर बिनबाद 23 धावा
IND vs SL, 1st ODI LIVE: श्रीलंकेनं नाणेफेक जिंकून प्रथम फलंदाजीचा निर्णय घेतला
IND vs SL, 1st ODI LIVE: भारत-श्रीलंका एकदिवसीय सामना, श्रीलंकेनं नाणेफेक जिंकून प्रथम फलंदाजीचा निर्णय घेतला, पाहा सामन्याचे प्रत्येक अपडेट
https://marathi.abplive.com/sports/ind-vs-sl-1st-odi-live-updates-score-commentary-ball-by-ball-suryakumar-yadav-shikhar-dhawan-playing-11-full-squad-predictions-995057
भारत आणि श्रीलंका यांच्यात तीन एकदिवसीय सामन्यांच्या वन डे मालिकेचा पहिला सामना आज
भारत आणि श्रीलंका यांच्यात तीन एकदिवसीय सामन्यांच्या वन डे मालिकेचा पहिला सामना आज रविवार, 18 जुलै रोजी खेळला जाणार आहे. हा सामना कोलंबोमध्ये भारतीय वेळेनुसार दुपारी 3 वाजता सुरू होईल. नव्या दमाच्या टीम इंडियासमोर श्रीलंकेचं तगडं आव्हान असणार आहे. पहिल्यांदाच नॅशनल कोचची भूमिका पार पाडणाऱ्या राहुल द्रविड आणि नेतृत्व करणाऱ्या शिखर धवनची ही कसोटी असणार आहे.
महत्त्वाच्या बातम्या
ट्रेंडिंग न्यूज
