By: एबीपी ब्युरो | Updated at : 15 Dec 2022 09:31 PM (IST)
Edited By: शशांक पाटील
FIFA World Cup Qatar 2022
Fifa world cup 2022 Prize money : कतारमध्ये सुरु फिफा विश्वचषक स्पर्धा (Fifa WC) आता अंतिम टप्प्यात पोहोचली आहे. उपांत्य फेरीचे सामने संपून दोन फायनलिस्ट समोर आले आहेत. फ्रान्स आणि अर्जेंटिना (France vs Argentina) हे दोन संघ फायनलमध्ये पोहोचले असून आता दोघांमध्ये फायनलची लढत रंगणार आहे. उपांत्य फेरीत फ्रान्सने मोरोक्कोचा तर अर्जेंटिनाने क्रोएशियाचा पराभव केला. आता या दोघांमध्ये विश्वचषक स्पर्धेचा अंतिम सामना 18 डिसेंबर अर्थात रविवारी होणार आहे. अंतिम फेरीतील विजेत्या संघाला आणि उपविजेत्या संघाला किती बक्षीस रक्कम दिली जाणार हे देखील समोर आले आहे.
विजेत्या संघाला मिळणार 42 मिलियन डॉलर
फिफा विश्वचषक स्पर्धेच्या यंदाच्या 22 व्या हंगामात एकूण 440 दशलक्ष डॉलर्संची रक्कम बक्षीस म्हणून वितरित केली जाईल. मागील हंगामापेक्षा ही रक्कम 40 दशलक्ष डॉलर्स अधिक आहे. यावेळी, ट्रॉफी व्यतिरिक्त, फिफा विजेत्या संघाला 42 दशलक्ष डॉलर्स (सुमारे 344 कोटी भारतीय रुपये) इतकी रक्कम दिली जाईल. त्याच वेळी, उपविजेत्या संघाला 30 दशलक्ष डॉलर (सुमारे 245 कोटी भारतीय रुपये) बक्षीस म्हणून दिले जातील.
इतरही संघावर बक्षिसांचा वर्षाव
अंतिम फेरीतील विजेत्या आणि उपविजेत्या संघाच्या व्यतिरिक्त, तिसऱ्या क्रमांकाच्या संघाला 27 दशलक्ष डॉलर्स (सुमारे 220 कोटी भारतीय रुपये) दिले जातील. तिसऱ्या क्रमांकासाठी मोरोक्को आणि क्रोएशिया 17 डिसेंबरला एकमेंकाविरुद्ध भिडणार आहेत. तसंच, चौथ्या क्रमांकाच्या संघाला 25 दशलक्ष डॉलर्स (सुमारे 204 कोटी भारतीय रुपये) दिले जाणार आहेत. तसंच 5 ते 8 या क्रमांकावर असलेल्या संघांना 17 मिलियन डॉलर्स (सुमारे 138 कोटी भारतीय रुपये) दिले जातील. यानंतर 9 ते 16 व्या क्रमांकावरील संघांना 13 मिलियन डॉलर्स (सुमारे 106 कोटी भारतीय रुपये) दिले जातील. त्याच वेळी, 17 ते 32 व्या क्रमांकावरील संघांना बक्षीस म्हणून 9 दशलक्ष डॉलर्स (सुमारे 74 कोटी भारतीय रुपये) दिले जाणार आहेत. 2018 मध्ये खेळल्या गेलेल्या विश्वचषक स्पर्धेत विजेत्या फ्रान्सला 38 मिलियन डॉलर (सुमारे 314 कोटी भारतीय रुपये) बक्षीस म्हणून देण्यात आले होते. दुसरीकडे, उपविजेत्या क्रोएशियाला 28 (सुमारे 231 कोटी भारतीय रुपये) दशलक्ष डॉलर्स देण्यात आले होते, त्यामुळे यंदा ही रक्कम वाढल्याचं दिसून येत आहे.
हे देखील वाचा-
Sunil Chhetri Retirement: भारतीय फुटबॉलचा 'चेहरा' निवृत्त; सुनील छेत्रीने कुवेतविरुद्ध खेळला शेवटचा सामना
Sunil Chhetri Retirement: सुनील छेत्रीने निवृत्तीची घोषणा करताच विराट कोहलीची हृदयस्पर्शी कमेंट; सोशल मीडियावर वेगाने होतेय व्हायरल
भर सामन्यात खेळाडूवर कोसळली वीज; सर्वांचे प्रयत्न निष्फळ, अखेर रुग्णालयाच्या वाटेतच आयुष्याचा दोर तुटला
Lightning In Football Match : फुटबाॅल मॅच सुरु असताना थेट मैदानातील मध्यभागी वीज कोसळली; एक खेळाडू ठार, 7 गंभीर जखमी; 'फुटबाॅल पंढरी'त आक्रोश
India vs Qatar: फीफा वर्ल्ड कप पात्रता फेरी: टीम इंडियाचा कतारकडून 0-3 पराभव
Nana Patole : समाजात तेढ निर्माण करणाऱ्या लोकांना काँग्रेस खपवून घेणार नाही; टी राजाच्या वक्तव्यावरुन नाना पटोलेंची संतप्त प्रतिक्रिया
Video: नाहीतर मी राजकारण सोडेन, आपण सगळं पुन्हा पलटून दाखवू; समर्थकांना आवाहन, पंकजा मुंडेंचा कंट दाटला
पोटाला चिमटा काढून मला साथ दिली; 'फादर्स डे'निमित्त राम सातुपतेंनी सांगितला 'बाप'माणूस
Ravindra Waikar : हा रडीचा डाव आता बंद करा; मतमोजणी पूर्ण झाली नसताना कसं काय विजयी घोषित केलं? रवींद्र वायकरांचा सवाल