T20 World Cup 2024 Ind vs SA Final: भारतीय संघात दोन बदल होणार?; खेळपट्टी, नाणेफेक, Playing XI, हेड टू हेड...; पाहा A टू Z माहिती
T20 World Cup 2024 Ind vs SA Final: बार्बाडोसमधील केन्सिग्टन ओव्हल, ब्रिजटाउन स्टेडियमवर यंदाच्या विश्वचषकात आतापर्यंत आठ सामने खेळले गेले.
T20 World Cup 2024 Ind vs SA Final: टी-20 विश्वचषक 2024 च्या (T20 World Cup 2024)स्पर्धेत आज भारत आणि दक्षिण अफ्रिका (India vs South Africa) यांच्यात बार्बाडोस येथील केन्सिंग्टन ओव्हल स्टेडियमवर अंतिम सामना खेळवला जाईल. भारतीय वेळेनूसार रात्री 8 वाजता या सामन्याला सुरु होईल. टीम इंडियाला जवळपास 11 वर्षांपासून कोणतीही आयसीसी स्पर्धा जिंकण्यात अपयश आले आहे. त्याचबरोबर दक्षिण आफ्रिकेच्या संघाला प्रथमच आयसीसी ट्रॉफी जिंकण्याची संधी आहे. शिवम दुबे व विराट कोहली यांचा फॉर्म हा टीम इंडियासाठी चिंताजनक आहे. पण, मुख्य प्रशिक्षक राहुल द्रविड व कर्णधार रोहित शर्मा हे प्लेइंग इलेव्हनमध्ये आता बदल करण्याच्या मानसिकतेत दिसत नाही. त्यामुळे अंतिम सामन्यात देखील टीम इंडिया कोणतेही बदल न करता मैदानात उतरेल.
कशी असेल खेळपट्टी?
बार्बाडोसमधील केन्सिग्टन ओव्हल, ब्रिजटाउन स्टेडियमवर यंदाच्या विश्वचषकात आतापर्यंत आठ सामने खेळले गेले. खेळपट्टी गोलंदाज तसेच फलंदाजासाठी उपयुक्त आहे. या मैदानावर भारताने अफगाणिस्तानचा पराभव केला होता. येथे मोठी धावसंख्या उभारता येते, पण धावांचा पाठलाग करणे सोपे नाही, अंतिम सामन्यात 175 पेक्षा जास्त धावा पुरेशा ठरतील. बार्बाडोसमध्ये आतापर्यंत 32 टी-20 सामने झाले. प्रथम फलंदाजी करणारा संघ 19 वेळा जिंकला.
दोन्ही संघांचा आतापर्यंतचा प्रवास-
भारतीय संघाने इंग्लंडला पराभूत करून फायनलमध्ये प्रवेश केला आहे. त्याचवेळी दक्षिण आफ्रिकेच्या संघाने उपांत्य फेरीत अफगाणिस्तानचा पराभव केला. आता अंतिम फेरीत दोन्ही संघ आमनेसामने येणार आहेत. आतापर्यंत भारतीय संघ या स्पर्धेत एकही सामना हरलेला नाही. आयर्लंडसह रोहित शर्माच्या नेतृत्वाखालील भारतीय संघाने पाकिस्तान, अमेरिका, अफगाणिस्तान, बांगलादेश, ऑस्ट्रेलिया आणि इंग्लंडला पराभूत केले आहे.
T20 विश्वचषकात कोणत्या संघाचा वरचष्मा आहे?
दक्षिण आफ्रिकेविरुद्धच्या टी-20 सामन्यांमध्ये भारतीय संघाचा वरचष्मा राहिला असल्याचे आकडेवारीवरून दिसून येते. भारत आणि दक्षिण आफ्रिकेचे संघ 26 वेळा T20 फॉर्मेटमध्ये आमनेसामने आले आहेत. ज्यामध्ये भारताने दक्षिण आफ्रिकेला 14 वेळा पराभूत केले आहे, तर 11 सामन्यांमध्ये पराभवाचा सामना करावा लागला आहे. दोनवेळा दक्षिण आफ्रिकेच्या संघाला पराभवाचा सामना करावा लागला. अशाप्रकारे, या आकडेवारीवरून हे स्पष्ट होते की टी-20 फॉरमॅटमध्ये भारतीय संघ दक्षिण आफ्रिकेविरुद्ध वर्चस्व गाजवत आहे, परंतु अंतिम फेरीत काय होते हे पाहणे मनोरंजक असेल.
टीम इंडियाची संभाव्य प्लेइंग इलेव्हन-
रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, हार्दिक पांड्या, शिवम दुबे, रवींद्र जडेजा, अक्षर पटेल, जसप्रीत बुमराह, कुलदीप यादव आणि अर्शदीप सिंग.
दक्षिण आफ्रिकेची संभाव्य प्लेइंग इलेव्हन-
क्विंटन डी कॉक (यष्टीरक्षक), रीझा हेंड्रिक्स, एडन मार्कराम (कर्णधार), हेनरिक क्लासेन, डेव्हिड मिलर, ट्रिस्टन स्टब्स, मार्को जॉन्सन, केशव महाराज, कागिसो रबाडा, ॲनरिक नॉर्टजे आणि तबरेझ शम्सी.
संबंधित बातम्या:
T20 World Cup 2024: टी-20 विश्वचषक विजेता संघ होणार मालामाल; पराभूत झालेल्या संघांवरही पैशांचा पाऊस!
महत्त्वाच्या बातम्या
