(Source: Poll of Polls)
Kavya Maran : दक्षिण आफ्रिका टी20 लीगदरम्यान पठ्ठ्यानं केलं थेट काव्या मारनलाच प्रपोज, व्हायरल झाला VIDEO
Viral Video : सनरायजर्स हैदराबाद संघाची सीईओ काव्या मारनचे फोटो कायमच व्हायरल होतात, ती इंटरनेट सेन्सेशन असून आता तर एका दक्षिण आफ्रिकेतील प्रेक्षकानं तिला सामन्यादरम्यान प्रपोज केला आहे.
Kavya Maran Propose : सनरायझर्स संघाची सीईओ काव्या मारन (Kavya Maran) ही कायम कोणत्या न कोणत्या गोष्टीमुळे चर्चेत असते. कधी आयपीएळ लिलावात तर कधी सनरायझर्स हैदराबादचे (SRH) सामने सुरु असताना तिचे क्युट फोटो-व्हिडीओ व्हायरल होत असतात. आता पुन्हा एकदा ती चर्चेत आली आहे. दक्षिण आफ्रिका टी20 लीगमध्येही काव्याचा संघ सनरायझर्स ईस्टर्न केप हा सहभागी असून संघाच्या सामन्यादरम्यान एका फॅनने बोर्डवर लिहित चक्क काव्याला लग्नाची मागणी घातली आहे.
सामना सुरु असताना संबंधित प्रेक्षकाने एका कार्डबोर्डवर काव्या मारन तू माझ्याशी लग्न करशील का? असं लिहिलं होतं. तो बोर्ड घेऊन बसला होता. कॅमेरामननं देखील हा बोर्ड पाहिला आणि त्या प्रेक्षकाचं शूटिंग केलं. ज्यामुळे सर्वांनीच या पठ्ठ्याला पाहिलं. दरम्यान हा व्हिडीओ सोशल मीडियावर तुफान व्हायरल होत आहे. तसंच अनेक भारतीय मजेशीर कमेंट्स यावर करत आहेत.
पाहा व्हायरल होणार VIDEO
Looks like someone needs a bit of help from @Codi_Yusuf on how to propose in the BOLAND. 💍#Betway #SA20 | @Betway_India pic.twitter.com/ZntTIImfau
— Betway SA20 (@SA20_League) January 19, 2023
कायमच काव्या होत असते VIRAL
काव्या मारन ही कायम व्हायरल होताना दिसते. सप्टेंबर 2022 मध्ये दक्षिण आफ्रिका टी20 क्रिकेट लीगसाठी (T20 Cricket League) खेळाडूंचा लिलाव सुरु असताना केपटाऊन इंटरनॅशनल कन्व्हेन्शन सेंटरमध्ये हा लिलाव पार पडला. केपटाऊनमध्ये होणाऱ्या या लिलावात 318 खेळाडूंसाठी बोली लावली गेली. दरम्यान या बोलीदरम्यान, सनरायझर्स संघाची सीईओ काव्या मारन ही देखील उपस्थित होती. काव्याचे आयपीएल लिलाव तसंच सामन्यादरम्यानचे फोटो व्हायरल झाले होते तसेच तिचे दक्षिण आफ्रिकेच्या लिलावादरम्यानचे काव्याचे फोटोही सोशल मीडियावर मोठ्या प्रमाणात व्हायरल होत आहेत. ज्यानंतर आता डिसेंबर, 2022 मध्ये आयपीएल लिलावावेळीही ती उपस्थित होती, तेव्हाती तिचे लूक्स व्हायरल झाले होते.
कोण आहे काव्या मारन?
काव्या मारन ही सनरायझर्स फ्रँचायझीची सीईओ आहे. ती प्रसिद्ध उद्योगपती कलानिधी मारन यांची मुलगी असून कलानिधी मारन हे प्रसिद्ध सन ग्रुपचे संस्थापक आहेत. कलानिधी हे विविध दूरचित्रवाणी वाहिन्या, एफएम रेडिओ स्टेशन, डीटीएच सेवा, वर्तमानपत्रे आणि एका फिल्म प्रोडक्शन हाऊसचेही मालक आहेत. काव्या मारन हिला क्रिकेटमध्ये इंटरेस्ट असल्याने ती आयपीएल दरम्यान सनरायझर्स हैदराबादच्या जवळपास सर्व सामन्यांमध्ये स्टेडियममध्ये उपस्थित असते. आपल्या संघाला प्रोत्साहन देखील देताना ती दिसून येते. काव्या मारनचे सामन्यादरम्यानचे फोटो आणि व्हिडीओ सोशल मीडियावर व्हायरल होत असल्याने ती एक सोशल मीडिया सेन्सेशनही झाली आहे.
हे देखील वाचा-
महत्त्वाच्या बातम्या
ट्रेंडिंग न्यूज
