शुभमन की ऋतुराज? आफ्रिकेविरोधात कोणते 11 शिलेदार उतरणार?
Team India Playing 11 Vs South Africa 2nd T20 : भारत आणि दक्षिण अफ्रिका यांच्यादरम्यान दुसरा टी 20 सामना आज होणार आहे.
IND vs SA 2nd T20 : भारत आणि दक्षिण अफ्रिका (IND vs SA) यांच्यादरम्यान दुसरा टी 20 सामना आज होणार आहे. पहिला सामना पावसामुळे रद्द झाला होता. दोन्ही संघ सेंट जॉर्ज पार्क मैदानात आमने सामने असतील. या सामन्यात भारताची प्लेईंग 11 कशी असेल? (Team India Playing 11) सलामीला कोण उतरणार? याकडे चाहत्यांचे लक्ष लागलेय. या प्रश्नाचे उत्तर काही तासांत मिळणार आहे.
खेळपट्टी कशी आहे ?
सेंट जार्ज पार्क मैदानात आतापर्यंत फक्त तीन टी 20 आंतरराष्ट्रीय सामने झाले आहेत. दोन सामन्यात प्रथम फलंदाजी करणाऱ्या संघाने विजय मिळवलाय. तर एका सामन्यात धावांचा पाठलाग करत विजय मिळवण्यात आलाय. या मैदानावरील सर्वोच्च धावसंख्या 179 इतकी आहे. या मैदानाची खेळपट्टी गोलंदाजांना मदत करणारी आहे. वेगवान गोलंदाज प्रभावी ठरु शकतात.
दीपक चाहर अद्याप भारतातच -
बॉलिंग ऑलराऊंडर दीपक चाहर अद्याप संघासोबत जोडला नाही. कुटुंबातील सदस्य रुग्णालयात दाखल असल्यामुळे चाहर अद्याप संघासोबत जोडला नाही. अशा स्थितीत तो दुसऱ्या सामन्यासाठी उपलब्ध नाही. सुत्रांच्या वृत्तानुसार, तो टी 20 मालिकेतून माघार घेऊ शकतो.
सलामीला कोण ?
यशस्वी जैस्वालने आपल्या फलंदाजीची आक्रमकता दाखवली आहे आणि शुभमन गिल आता सर्व फॉरमॅटमध्ये पहिली पसंती बनला आहे, तर ऋतुराज गायकवाडला 52 चेंडूत 100 धावा केल्यानंतर दुर्लक्ष करणे कठीण होईल. अडचण अशी आहे की जैस्वाल, गिल आणि गायकवाड यांच्यापैकी सलामीला कोण उतरणार? या प्रश्नाच उत्तर चाहत्यांना नाणेफेकीनंतरच मिळेल.
भारत विरुद्ध दक्षिण आफ्रिका T20 हेड टू हेड
सामने : 24
भारत : 13
दक्षिण आफ्रिका : 10
निर्णय नाही : 01
दक्षिण आफ्रिकेत
सामने: 07
भारत : 05
दक्षिण आफ्रिका : 02
दुसऱ्या टी 20 सामन्यात भारताची संभाव्य प्लेईंग 11 -
शुभमन गिल/ऋतुराज गायकवाड, यशस्वी जायसवाल, श्रेयस अय्यर, सूर्यकुमार यादव (कर्णधार), रिंकू सिंह, जितेश शर्मा (विकेटकीपर), रविंद्र जाडेजा, रवि बिश्नोई, मुकेश कुमार, अर्शदीप सिंह आणि मोहम्मद सिराज.
भारतात कधी पाहायला मिळणार सामना ?
भारत आणि आफ्रिका यांच्यामध्ये 'सेंट जॉर्ज पॉर्क' मैदानावर सामना होणार आहे. आफ्रिकेत हा सामना सायंकाळी पाच वाजता सुरु होणार आहे, भारतामध्ये 8.30 वाजता सामन्याला सुरुवात होणार आहे.
सूर्याच्या नेतृत्वात टीम इंडिया मैदानात -
दक्षिण आफ्रिका दौऱ्यावर टीम इंडियाला तीन सामन्यांची T20 मालिका, तीन सामन्यांची वनडे मालिका आणि दोन सामन्यांची कसोटी मालिका खेळाणार आहे. सूर्यकुमार यादव याच्याकडे टी 20 संघाची जबाबदारी सोपवण्यात आली आहे. तर वनडेमध्ये केएल राहुल कर्णधार असेल आणि कसोटी मालिकेत रोहित शर्मा धुरा संभाळणार आहे. दुसरा T20 सामना 12 डिसेंबरला आणि तिसरा T20 सामना 14 डिसेंबरला होणार आहे.
दक्षिण अफ्रीका दौऱ्यासाठी टीम इंडियाचा टी20 स्क्वॉड
सूर्यकुमार यादव (कर्णधार), यशस्वी जायसवाल, शुभमन गिल, ऋतुराज गायकवाड, तिलक वर्मा, रिंकू सिंह, श्रेयस अय्यर, ईशान किशन (विकेटकीपर), जितेश शर्मा (विकेटकीपर), रवींद्र जाडेजा (उपकर्णधार), वाशिंगटन सुंदर, रवि बिश्नोई, कुलदीप यादव, अर्शदीप सिंह, मोहम्मद सिराज, मुकेश कुमार, दीपक चाहर.
महत्त्वाच्या बातम्या
ट्रेंडिंग न्यूज
