Sikandar Raza Fastest T20I Hundred : 22 चेंडूत ठोकल्या 118 धावा! झिम्बाब्वेच्या सिकंदरचा वर्ल्ड क्रिकेटमध्ये डंका, मोडला रोहित शर्माचा रेकॉर्ड
Sikandar Raza Fastest T20I Hundred In Just 33 Balls : टी-20 क्रिकेटमध्ये एका डावात एका फलंदाजाने 10 पेक्षा जास्त षटकार मारलेले पाहणे फार दुर्मिळ आहे.
Sikandar Raza Fastest T20I Hundred ZIM vs GAM : टी-20 क्रिकेटमध्ये एका डावात एका फलंदाजाने 10 पेक्षा जास्त षटकार मारलेले पाहणे फार दुर्मिळ आहे. इतकंच नाही तर 20 षटकांच्या क्रिकेटमध्ये शतक झळकावणंही खूप कठीण काम आहे. पण झिम्बाब्वेच्या सिकंदरने एकाच सामन्यात दोन्ही चमत्कार केले आहेत. त्याने आपल्या डावात केवळ 15 षटकार मारले आणि 35 पेक्षा कमी चेंडूत शतक झळकावून क्रिकेट विश्वात खळबळ उडवून दिली. त्याने नैरोबी येथे झालेल्या टी-20 सामन्यात गोलंदाजांचा चांगलाच समाचार घेतला. आणि केवळ 33 चेंडूत शतक झळकावून खळबळ माजवली.
𝐑𝐚𝐳𝐚 𝐑𝐞𝐢𝐠𝐧𝐬 𝐒𝐮𝐩𝐫𝐞𝐦𝐞! 👑
— Punjab Kings (@PunjabKingsIPL) October 23, 2024
First 🇿🇼 to hit a T20I century ✅
First 🇿🇼 to score 💯 across all formats ✅#SikandarRaza #PunjabKings pic.twitter.com/fhVgVEInqz
झिम्बाब्वेच्या सिकंदरचा वर्ल्ड क्रिकेटमध्ये डंका! रचला इतिहास
सिकंदर रझा टी-20 मध्ये सर्वात वेगवान शतक झळकावणारा फलंदाज बनला आहे. त्याने रोहित शर्मा आणि डेव्हिड मिलरचा रेकॉर्ड तोडला. रोहित आणि मिलर या दोघांनी 2017 मध्ये टी-20 क्रिकेटमध्ये 35-35 चेंडूत शतके झळकावून मोठी कामगिरी केली होती.
THE HIGHEST TOTAL IN MEN'S T20Is 🔥
— ESPNcricinfo (@ESPNcricinfo) October 23, 2024
Sikandar Raza's 33-ball century against Gambia in the T20 World Cup Africa Sub Regional Qualifiers takes Zimbabwe past Nepal's record of 314-3! pic.twitter.com/5cSGxxbZJ8
टी-20 सामन्याच्या एका डावात सर्वाधिक षटकार ठोकणारे फलंदाज -
18 - साहिल चौहान वि. सायप्रस, एपिस्कोपी, 2024
16 - हजरतुल्ला झाझाई विरुद्ध आयर्लंड, डेहराडून, 2019
16 - फिन ऍलन विरुद्ध पाकिस्तान, ड्युनेडिन, 2024
15 - सिकंदर रझा विरुद्ध गांबिया, नैरोबी, 2014
15 - झीशान कुकीखेल वि ऑस्ट्रिया, लोअर, ऑस्ट्रिया, 2022
आयसीसी पुरुष टी-20 वर्ल्ड कप उप-प्रादेशिक आफ्रिका पात्रता गट ब गटात झिम्बाब्वेचा सामना गॅम्बियाशी झाला. या सामन्यात प्रथम फलंदाजीला आलेल्या झिम्बाब्वेने दिवसा गॅम्बियाच्या गोलंदाजांना तारे दाखवले. झिम्बाब्वेसाठी कर्णधार सिकंदर रझाने 43 चेंडूत 15 षटकार आणि 7 चौकारांच्या मदतीने नाबाद 133 धावा केल्या. म्हणजे फक्त षटकार आणि चौकारांच्या मदतीने 22 चेंडूत 118 धावा ठोकल्या. अशा प्रकारे त्याने टी-20 क्रिकेटमध्ये नवा विक्रम रचला. सिकंदर रझा झिम्बाब्वेसाठी T20I मध्ये शतक झळकावणारा पहिला फलंदाज ठरला आहे. याआधी झिम्बाब्वेकडून कोणीही आश्चर्यकारक कामगिरी करू शकले नव्हते.
Sikandar Raza and company guide Zimbabwe to the highest T20I score (344/4) in the format.
— ICC Africa (@ICC_Africa_) October 23, 2024
🇿🇼: Sikandar Raza (133*), Tadiwanashe Marumani (62)
🇬🇲: Andre Jarju (2/53)
Gambia need 345 runs from 120 balls to win. #T20AfricaMensWCQualifierB https://t.co/9N1wWsVBzT pic.twitter.com/NXFpIK6C6L
टी-20 मध्ये सर्वात वेगवान शतक ठोकणारे फलंदाज
सिकंदर रझा - 33 चेंडू वि. गांबिया, 2024
रोहित शर्मा - श्रीलंका विरुद्ध 35 चेंडू, 2017
डेव्हिड मिलर - बांगलादेश विरुद्ध 35 चेंडू, 2017
जॉन्सन चार्ल्स - 39 चेंडू विरुद्ध दक्षिण आफ्रिका, 2023
संजू सॅमसन - 40 चेंडू विरुद्ध बांगलादेश, 2024
सिकंदर रझाच्या झंझावाती शतकाच्या जोरावर झिम्बाब्वेने टी-20 क्रिकेटमध्ये सर्वोच्च धावसंख्या उभारली. त्याने नेपाळचा विश्वविक्रम उद्ध्वस्त केला. झिम्बाब्वेने 20 षटकांत 4 गडी गमावून 344 धावा केल्या.
टी-20I मधील सर्वोच्च सांघिक धावसंख्या
344/4 - झिम्बाब्वे विरुद्ध गांबिया, नैरोबी, 2024
314/3 - नेपाळ विरुद्ध मंगोलिया, हांगझोऊ, 2023, आशियाई खेळ
297/6 - भारत विरुद्ध बांगलादेश, हैदराबाद, 2024
286/5 - झिम्बाब्वे विरुद्ध सेशेल्स, नैरोबी, 2024
278/3 - अफगाणिस्तान विरुद्ध आयर्लंड, डेहराडून, 2019
महत्त्वाच्या बातम्या
