Ind vs Nz : सरफराज खानची लागली लॉटरी; 'या' खेळाडूच्या खेळण्यावर सस्पेंस, प्लेइंग-11मध्ये होणार मोठा बदल?

India vs New Zealand 1st Test : भारत आणि न्यूझीलंड यांच्यातील तीन कसोटी सामन्यांची मालिका 16 ऑक्टोबरपासून बंगळुरूमध्ये सुरू होणार आहे.

Sarfaraz Khan set for playing XI return as Shubman Gill

Source : ABP

India vs New Zealand 1st Test : भारत आणि न्यूझीलंड यांच्यातील तीन कसोटी सामन्यांची मालिका 16 ऑक्टोबरपासून बंगळुरूमध्ये सुरू होणार आहे. दरम्यान पहिल्याच दिवशी बेंगळुरूमध्ये मुसळधार पावसाची शक्यता आहे. दरम्यान, टीम इंडियाला आणखी एका मोठा धक्का बसू शकतो. सामन्याच्या एक दिवस आधी टीम इंडियाच्या युवा फलंदाज शुभमन गिल खेळणार की नाही यावर सस्पेंस आहे.

शुभमन गिलसाठी बंगळुरू कसोटी खेळणे कठीण

बंगळुरू येथे होणाऱ्या भारत विरुद्ध न्यूझीलंड कसोटी सामन्यापूर्वी टीम इंडियाचा स्टार फलंदाज शुभमन गिल पहिल्या सामन्याला मुकण्याची शक्यता आहे. इंडिया टीव्हीला विश्वसनीय सूत्रांकडून कळले आहे की, शुभमन गिलच्या मानेमध्ये काही समस्या आहे. त्यामुळे तो पहिल्या कसोटीतून बाहेर पडू शकतो. असे झाल्यास भारतीय संघासमोर अडचणी वाढू शकतात. शुभमन गिल यापूर्वी भारतासाठी सलामीवीर म्हणून खेळला होता, पण आता तो काही काळ तिसऱ्या क्रमांकावर फलंदाजी करत आहे. नुकत्याच पार पडलेल्या बांगलादेशविरुद्धच्या कसोटी मालिकेत त्याने चेन्नई कसोटीत 119 धावांची नाबाद खेळी केली आणि टीम इंडियाच्या विजयात मोठी भूमिका बजावली. अशा स्थितीत भारतीय संघाला त्याच्या अभावाचा फटका बसू शकतो.

शुभमन गिलची आतापर्यंतची कसोटी कारकीर्द

शुभमन गिलच्या कारकिर्दीबद्दल बोलायचे झाले तर, त्याने आतापर्यंत भारतासाठी कसोटी क्रिकेटमध्ये 27 सामने खेळले आहेत आणि 1656 धावा केल्या आहेत. या काळात त्याने 36.80 च्या सरासरीने आणि 60.37 च्या स्ट्राईक रेटने फलंदाजी केली आहे. आतापर्यंत त्याने कसोटीत पाच शतके आणि सहा अर्धशतके केली आहेत.

कर्णधार रोहित शर्मा तिसऱ्या क्रमांकावर कोणाला संधी देणार?

आता शुभमन गिलच्या जागी तिसऱ्या क्रमांकावर कोण फलंदाजीला उतरणार हे पाहणेही उत्सुकतेचे ठरणार आहे. विराट कोहली चौथा क्रमांक सोडून तिसऱ्या क्रमांकावर फलंदाजीला येईल की केएल राहुलला तिसऱ्या क्रमांकावर खेळण्याची संधी दिली जाईल. मात्र, कसोटी क्रिकेटमध्ये तिसऱ्या क्रमांकाचे स्थान खूप महत्त्वाचे असते. त्यामुळे कर्णधार रोहित शर्मा आणि संघ व्यवस्थापन या संपूर्ण प्रकरणावर बराच विचार करूनच निर्णय घेतील.

सरफराज खानची लागली लॉटरी

जर शुभमन गिल पहिल्या कसोटी सामन्यातून बाहेर पडला तर टीम इंडिया त्याच्या जागी सरफराज खानचा समावेश करू शकते. सरफराज खान सध्या चांगल्या फॉर्ममध्ये आहे. इराणी ट्रॉफीमध्ये त्याने द्विशतक झळकावले. याशिवाय त्याने आपल्या कारकिर्दीत 3 कसोटी सामन्यांच्या 5 डावात 50 च्या सरासरीने 200 धावा केल्या आहेत. या काळात त्याने तीन अर्धशतकेही केली आहेत. त्याचवेळी गिल या सामन्यातून बाहेर पडला तर त्याच्या जागी तिसऱ्या क्रमांकावर केएल राहुल फलंदाजी करू शकतो. अशा स्थितीत सरफराज पाचव्या क्रमांकावर फलंदाजी करताना दिसतो.

पहिल्या कसोटी सामन्यासाठी टीम इंडियाची संभाव्य प्लेइंग इलेव्हन - रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, सरफराज खान, विराट कोहली, केएल राहुल, ऋषभ पंत (यष्टीरक्षक), रविचंद्रन अश्विन, रवींद्र जडेजा, मोहम्मद सिराज, आकाश दीप.