Shreyas Iyer : श्रेयस अय्यरनं अफलातून झेल पकडत केलं खास सेलिब्रेशन, तुम्ही व्हिडीओ पाहिलात का?
IND vs WI : भारत विरुद्ध वेस्ट इंडीज एकदिवसीय मालिकेतील दोन्ही सामन्यात अर्धशतक झळकावणाऱ्या श्रेयस अय्यरने क्षेत्ररक्षणातही चमक दाखवली.
India vs West Indies 2nd ODI : भारत विरुद्ध वेस्ट इंडीज (India vs West Indies) यांच्यातील दुसऱ्या एकदिवसीय सामन्यात भारताने शानदार असा विजय मिळवला आहे. केवळ दोन गडी राखून मिळवलेल्या या विजयामुळे मालिकेत भारताने 2-0 ची विजयी आघाडी घेतली आहे. दरम्यान दोन्ही सामन्यात दमदार असं अर्धशतक भारताचा युवा फलंदाज श्रेयस अय्यरने (Shreyas Iyer) झळकावलं. अय्यरने यासह क्षेत्ररक्षणातही कमाल दाखवली. श्रेयसने वेस्ट इंडीजच्या फलंदाजीवेळी 47 व्या षटकात शार्दूल ठाकूर गोलंदाजी करताना एक दमदार असा झेल घेतला ज्यानंतर खास प्रकारचं सेलिब्रेशनही केलं. यावेळी विंडीजचा विस्फोटक फलंदाज रोवमेन पॉवेलने एक दमदार शॉट खेळला. तो षटकार खेचण्याच्या दृष्टीने खेळलेला शॉट होता, पण चेंडू हवा तितका उंच जाऊ शकला नाही, अशामध्ये एक फ्लॅट कॅच सीमारेषेजवळ श्रेयसला मिळाली. पण चेंडू फ्लॅट गेला असल्याने हा झेल अवघड होता. पण श्रेयसने हे शक्य करुन दाखवलं. ज्यानंतर त्याने सेलिब्रेशन करत सर्वांना बोलती बंद करायचा इशारा दिला. वेस्ट इंडीजमध्ये हा सामना असल्याने तेथील चाहत्यांचा मोठा दंगा असताना श्रेयसचं हे सेलिब्रेशन तुफान व्हायरल होत आहे.
पाहा व्हिडीओ -
— Guess Karo (@KuchNahiUkhada) July 25, 2022
भारताचा शानदार विजय
तब्बल 312 धावांच्या तगड्या आव्हानाचा पाठलाग करण्यासाठी मैदानात आलेल्या भारताला काही वेळातच मोठा झटका बसला. कर्णधार शिखर 13 धावा करुन बाद झाला. त्यानंतर गिल आणि अय्यरने डाव सावरला खरा पण 43 धावा करुन गिलही बाद झाला. मग सूर्यकुमार (9) स्वस्तात माघारी परतल्यानंतर मात्र संजू सॅमसन आणि श्रेयस अय्यर यांनी डाव सावरला. 63 धावा करुन अय्यर बाद झाला खरा पण संजूने झुंज कायम ठेवली. पण 54 धावा करुन तोही बाद झाला. भारताची स्थिती अत्यंत बिकट झाली असताना दीपक हुडाने अक्षर पटेलसोबत मोर्चा सांभाळला. दोघांनी फटकेबाजी सुरु केली. पण तितक्यात 33 धावा करुन हुडा बाद झाला. अक्षरच्या खांद्यावर सर्व सामना येऊन ठेपला. त्याच वेळी त्याने अगदी अप्रतिम कामगिरी करत संयमी अर्धशतक ठोकलं. कारकिर्दीतील पहिलं वहिलं एकदिवसीय अर्धशतक ठोकत त्याने सामना भारताला जिंकवून दिला. 35 चेंडूत 3 चौकार तर 5 षटकार ठोकत अक्षरने नाबाद 64 धावा केल्या. यावेळी अखेरच्या षटकातील चौथ्या चेंडूवर षटकार ठोकत अक्षरने विजय पक्का केला. या दमदार कामगिरीमुळे अक्षरलाच सामनावीराचा पुरस्कार मिळाला.
हे देखील वाचा-
महत्त्वाच्या बातम्या
ट्रेंडिंग न्यूज
