Shafali Verma : संघातून वगळलं, पण खचली नाही! फायनल मॅचमध्ये फलंदाजीनंतर गोलंदाजीतही चमकली; शेफाली वर्माच्या कमबॅकची कहाणी
Shafali Verma News : महिला विश्वचषक 2025 च्या अंतिम सामन्यात भारताची सलामीवीर फलंदाज शेफाली वर्माने जबरदस्त खेळी साकारली.
India vs South Africa Final Women World Cup 2025 : महिला विश्वचषक 2025 च्या अंतिम सामन्यात भारताची सलामीवीर फलंदाज शेफाली वर्माने (Shafali Verma) जबरदस्त खेळी साकारली. तिने 87 धावांची आकर्षक खेळी करून संघाला दमदार सुरुवात करून दिली. शेफालीच्या या खेळीमुळे भारताने सुरुवातीपासूनच सामन्यावर पकड घेतली. आज सर्वत्र तिच्या पुनरागमनाची चर्चा सुरू आहे, कारण असा ‘कमबॅक’ प्रत्येक खेळाडूसाठी प्रेरणादायी आहे.
Recalled into the squad for the Semis, and today plays a crucial knock in the World Cup final. Shafali Verma you beauty 🔥🇮🇳 pic.twitter.com/Xd9ZEoZgiZ
— Rajasthan Royals (@rajasthanroyals) November 2, 2025
टीममधून बाहेर झाल्यानंतरही शेफाली थांबली नाही...
महिला विश्वचषक 2025 साठी निवड झालेल्या 15 जणींच्या भारतीय संघात शेफालीचे नाव नव्हते. त्या वेळी तिची फॉर्म आणि फिटनेसवर बरीच चर्चा होती. मात्र, शेफालीने निराश होण्याऐवजी देशांतर्गत क्रिकेटकडे वळून तिथे जबरदस्त कामगिरी केली. सतत रन काढत राहिली आणि आपले स्थान पुन्हा मिळवण्याची तयारी ठेवली.
Worth every shot. Worth every cheer. Shafali Verma for you. 🇮🇳✨#CWCFinal25 #WhistleForIndia pic.twitter.com/34AbDYcnm1
— Chennai Super Kings (@ChennaiIPL) November 2, 2025
प्रतिका रावलच्या दुखापतीनंतर मिळाली संधी
बांगलादेशविरुद्धच्या लीग स्टेजमधील अखेरच्या सामन्यात भारतीय ओपनर प्रतिका रावल फील्डिंगदरम्यान जखमी झाली. त्यामुळे ती संपूर्ण स्पर्धेतून बाहेर पडली. या संधीचा फायदा घेत शेफालीला पुन्हा टीममध्ये बोलावण्यात आले आणि तिने हे संधीचं सोनं केलं.
फायनलमधील धमाकेदार खेळी
दक्षिण आफ्रिकेविरुद्धच्या फायनलमध्ये शेफाली वर्माने स्मृती मंधानासोबत शतकी भागीदारी केली. या जोडीने भारतासाठी 102 धावांची भक्कम सलामी भागीदारी रचली. शेफालीने 78 चेंडूंमध्ये 87 धावा करत 7 चौकार आणि 2 षटकार लगावले. तिच्या या इनिंगने भारताला विजयाची भक्कम पायरी मिळवून दिली.
एकेकाळी असे वाटत होते की भारतीय संघ 250 धावांपर्यंत पोहोचेल, परंतु मधल्या फळीतील घसरगुंडी आणि संथ फलंदाजीमुळे ते शक्य झाले नाही आणि भारतीय संघ फक्त 298 धावांपर्यंत पोहोचू शकला. महिला एकदिवसीय विश्वचषक अंतिम सामन्यातील ही दुसरी सर्वोच्च धावसंख्या आहे आणि विश्वचषक अंतिम सामन्यातील भारताची सर्वोच्च धावसंख्या आहे.
Shafali Verma.
— KolkataKnightRiders (@KKRiders) November 2, 2025
That's it, that's the caption.#INDWvRSAW #CWC25Final pic.twitter.com/taKzhGK0QX
फलंदाजीनंतर शेफाली वर्माही गोलंदाजीत चमकली
फलंदाजीनंतर शेफाली वर्माही गोलंदाजीत चमकली. तिने तिच्या दोन षटकांत दोन मोठ्या विकेट्स घेतल्या. शेफाली वर्माने आधी सून लुस आणि नंतर अनुभवी मॅरिझाने कॅपला बाद केले. कॅप फक्त चार धावा करू शकली. त्याआधी शेफालीने लुस आणि वोल्वार्ड यांच्यातील अर्धशतकी भागीदारी मोडली होती. शेफालीने स्वतःच्या गोलंदाजीवर लुसचा झेल घेतला. ती फक्त 25 धावा करू शकली. लुस आणि वोल्वार्ड यांनी 52 धावांची भागीदारी केली.
What a bowling change 😍
— BCCI Women (@BCCIWomen) November 2, 2025
Shafali Verma now has a #CWC25 wicket to her name 🥳
Updates ▶ https://t.co/TIbbeE4ViO#TeamIndia | #WomenInBlue | #INDvSA | #Final | @TheShafaliVerma pic.twitter.com/Sz8WaWfasR
हे ही वाचा -
महत्त्वाच्या बातम्या
