मोठी बातमी : दक्षिण आफ्रिका दौऱ्यातील कसोटी संघाचा उपकर्णधार केएल राहुल, दुखापतीमुळे रोहित शर्माला विश्रांती

KL Rahul News : भारताच्या दक्षिण आफ्रिका दौऱ्यामध्ये 3 कसोटी सामने आणि 3 एकदिवसीय सामने खेळवले जाणार आहेत. पण कसोटी सामन्याचा नवनिर्वाचित उपकर्णधार रोहित दुखापतीमुळे संघाबाहेर झाला आहे.

kl_rahul

KL Rahul News :भारतीय क्रिकेट संघ दक्षिण आफ्रिका दौऱ्यातील कसोटी सामन्यांसाठी तयार झाला आहे. पण याचवेळी संघाचा महत्त्वाचा फलंदाज आणि नवनिर्वाचित उपकर्णधार रोहित शर्मा (Rohit Sharma) दुखापतीमुळे कसोटी संघाबाहेर झाल्याची मोठी माहिती समोर आली. ज्यानंतर प्रियांक पांचाल या युवा खेळाडूला संघात संधी मिळाली. पण उपकर्णधार म्हणून कोण हा प्रश्न होताच. दरम्यान ही जबाबदारी युवा खेळाडू केएल राहुल (KL Rahul) याच्या खांद्यावर सोपवण्यात आल्याची माहिती समोर येत आहे. बीसीसीआयनेही याबाबत अधिकृत ट्वीट केलं आहे. या दौऱ्यात रोहित शर्माला एकदिवसीय संघाचं कर्णधारपद मिळालं असून एकदिवसीय सामन्यांपूर्वी रोहितची दुखापत ठिक होईल अशी आशा व्यक्त करण्यात येत आहे. 

द. आफ्रिका दौऱ्यासाठी भारताचा कसोटी संघ

विराट कोहली (कर्णधार), केएल राहुल, मयांक अगरवाल, चेतेश्वर पुजारा, अजिंक्य रहाणे, श्रेयस अय्यर, प्रियांक पांचाल, हनुमा विहारी, ऋषभ पंत (विकेटकीपर), रिद्धिमान साहा (विकेटकीपर), आर अश्विन, जयंत यादव, इशांत शर्मा, मोहम्मद शमी, उमेश यादव, जसप्रीत बुमराह, शार्दुल ठाकूर, मोहम्मद सिराज.

स्टँड बाय प्लेअर - नवदीप सैनी, सौरभ कुमार, दीपक चहर, अर्जान नागव्सल्ला

असा असेल दौरा 

भारताच्या दक्षिण आफ्रिका दौऱ्यामध्ये 3 कसोटी सामने आणि 3 एकदिवसीय सामने खेळवले जाणार आहेत. भारत तब्बल तीन वर्षानंतर दक्षिण आफ्रिकेचा दौरा करणार आहे. यापूर्वी, भारतानं 2018 मध्ये दक्षिण आफ्रिकेचा दौरा केला होता. तर नव्याने जाहीर केलेल्या वेळापत्रकानुसार नेमका दौरा कसा असेल यावर एक नजर फिरवूया...

कसोटी सामन्यांचे वेळापत्रक 

• पहिला कसोटी सामना -  26 डिसेंबर, 2021 ते 30 डिसेंबर, 2021 सुपरस्पोर्ट पार्क, सेन्चुरियन.
• दुसरा कसोटी सामना -  3 जानेवारी,2022 ते 7 जानेवीर, 2022 न्यू वांडरर्स मैदान, जोहान्सबर्ग.
• तिसरा कसोटी सामना -  11 जानेवारी, 2022 ते 15 जानेवारी, 2022 न्यू लँड्स, केपटाऊन  

एकदिवसीय सामन्यांचे वेळापत्रक 

• पहिला एकदिवसीय सामना - 19 जानेवारी, 2022, बोलंड पार्क, पार्ल
• दुसरा एकदिवसीय सामना - 21 जानेवारी, 2022, बोलंड पार्क, पार्ल
• तिसरा एकदिवसीय सामना - 23 जानेवारी, 2022, न्यू लँड्स, केपटाऊन  

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha