IND vs BAN T20I Squad : शतक झळकावूनही पंतची संघातून होणार सुट्टी; 'या' दोन खेळाडूंना BCCI देणार वाइल्ड कार्ड एन्ट्री

India vs Bangladesh T20I Squad : भारत आणि बांगलादेश यांच्यात दोन सामन्यांच्या कसोटी मालिकेतील एक सामना खेळला गेला आहे.

India vs Bangladesh T20I Squad RISHABH PANT

Source : ABP

India vs Bangladesh T20I Squad : भारत आणि बांगलादेश यांच्यात दोन सामन्यांच्या कसोटी मालिकेतील एक सामना खेळला गेला आहे. पहिल्या सामन्यात भारताने चमकदार कामगिरी करत बांगलादेशचा 280 धावांच्या मोठ्या फरकाने पराभव केला. पहिल्या सामन्यात 634 दिवसांनंतर कसोटी क्रिकेटमध्ये पुनरागमन करणारा स्टार यष्टीरक्षक फलंदाज ऋषभ पंतने शानदार शतक झळकावले.

मात्र, पुनरागमन करताना शतक झळकावल्यानंतरही आता भारतीय निवड समिती पंतला विश्रांती देऊ शकते, अशी बातमी समोर येत आहे. त्यांच्या जागी बीसीसीआय इशान किशन आणि संजू सॅमसन यांचा भारतीय संघात यष्टीरक्षक फलंदाज म्हणून समावेश केला जाऊ शकतो.

शतकवीर पंतला मिळणार सुट्टी 

खरंतर, पुनरागमन कसोटीत शतक झळकावणाऱ्या ऋषभ पंतला सध्याच्या कसोटी मालिकेत विश्रांती दिली जाणार नाही. बांगलादेशविरुद्धच्या कसोटी मालिकेनंतर सुरू होणाऱ्या 3 सामन्यांच्या टी-20 मालिकेत त्याला विश्रांती दिली जाऊ शकते. मीडिया रिपोर्ट्सनुसार, पंतला वर्कलोड मॅनेजमेंट अंतर्गत ही विश्रांती दिली जाईल.

अशा परिस्थितीत पंतच्या जागी संजू सॅमसन आणि इशान किशन यांची भारतीय संघात यष्टीरक्षक फलंदाज म्हणून निवड केली जाऊ शकते. मात्र, भारताच्या प्लेइंग 11 मध्ये या दोन खेळाडूंपैकी कोणाला संधी मिळणार हे अद्याप स्पष्ट झालेले नाही.

इशान किशन बऱ्याच दिवसांपासून संघाबाहेर 

भारतीय संघाचा यष्टीरक्षक फलंदाज इशान किशन बऱ्याच दिवसांपासून भारतीय संघातून बाहेर आहे. दक्षिण आफ्रिका दौऱ्यावर तो संघाचा शेवटचा भाग होता. मात्र, काही काळापूर्वी इशानने देशांतर्गत क्रिकेटमध्ये पुनरागमन केले असून तो टीम इंडियात परतण्यासाठी पूर्णपणे तयार आहे.

संजू-इशान यांच्यात चुरशीची लढत 

दुसरीकडे, संजू सॅमसन गेल्या काही काळापासून जबरदस्त फॉर्ममध्ये आहे. संजूने काही काळापूर्वी दुलीप ट्रॉफीमध्येही शानदार शतक झळकावले होते. संजूचा फॉर्म पाहता त्याचा प्लेइंग 11 मध्ये समावेश होण्याची शक्यता इशानपेक्षा थोडी जास्त आहे. मात्र, बांगलादेशविरुद्धच्या टी-20 मालिकेत टीम मॅनेजमेंट इशान किंवा संजूला प्लेइंग 11 मध्ये संधी देणार का, हे पाहणे बाकी आहे.

हे ही वाचा -