Rishabh Pant : 6 चौकार, 4 षटकार... ऋषभ पंतने मोडले सर्व रेकॉर्ड! ऑस्ट्रेलियात केली ही खास कामगिरी
टीम इंडियाचा यष्टीरक्षक फलंदाज ऋषभ पंत त्याच्या आक्रमक शैलीत फलंदाजी करण्यासाठी ओळखला जातो.
Rishabh Pant slams fastest Test Fifty : टीम इंडियाचा यष्टीरक्षक फलंदाज ऋषभ पंत त्याच्या आक्रमक शैलीत फलंदाजी करण्यासाठी ओळखला जातो. तो कसोटी फॉरमॅटमध्येही टी-20 सारखी फलंदाजी करतो. असेच काहीसे सिडनीच्या मैदानावर बॉर्डर-गावसकर ट्रॉफी 2024-25 च्या शेवटच्या सामन्यात पाहायला मिळाले. सिडनी कसोटीच्या दुसऱ्या डावात त्याने धडाकेबाज अर्धशतक ठोकले. आपल्या खेळीदरम्यान त्याने चौकार आणि षटकारांचा पाऊस पाडला आणि कांगारू गोलंदाजांचा चांगलाच समाचार घेतला. यादरम्यान त्याने एक खास विक्रमही आपल्या नावावर केला.
RISHABH PANT SMASHED A 29 BALL FIFTY ON THE SYDNEY PITCH. 🥶
— Mufaddal Vohra (@mufaddal_vohra) January 4, 2025
- This is Rishabh Pant, the box office in Test cricket. 🇮🇳 pic.twitter.com/BLR1OZJPSo
ऋषभ पंतने ठोकले विक्रमी अर्धशतक
सिडनी कसोटीच्या दुसऱ्या डावात ऋषभ पंत फलंदाजीला आला तेव्हा टीम इंडियाने 59 धावांत 3 विकेट गमावल्या होत्या. अशा परिस्थितीत ऋषभ पंतने स्फोटक फलंदाजी करत संघाचे दडपण कमी केले आणि काही वेळातच धावसंख्या 100 धावा पार केली. या सामन्यात पंतने 33 चेंडूत 184.84 च्या स्ट्राईक रेटने 61 धावा केल्या. या खेळीत त्याच्या बॅटमधून 6 चौकार आणि 4 षटकार दिसले. या खेळीत त्याने अवघ्या 29 चेंडूत आपले अर्धशतक पूर्ण केले. त्याने एका षटकारासह 50 धावांचा टप्पाही पार केला.
Aate hi RISHABH-PANTI shuru! 🔥
— Star Sports (@StarSportsIndia) January 4, 2025
When @RishabhPant17 steps in, the entertainment level goes 𝗨𝗽&𝗨𝗽 📈#AUSvINDOnStar 👉 5th Test, Day 2 | LIVE NOW! | #ToughestRivalry #BorderGavaskarTrophy pic.twitter.com/tiJiuBOEDO
यापूर्वी 2022 मध्ये श्रीलंका संघाविरुद्ध ऋषभ पंतने 28 चेंडूत अर्धशतक झळकावण्याचा पराक्रम केला होता. याशिवाय, कसोटी क्रिकेटमध्ये 150+ च्या स्ट्राइक रेटने दोनदा अर्धशतक झळकावणारा तो जगातील फक्त तिसरा फलंदाज आहे. याआधी केवळ विव्ह रिचर्ड्स आणि बेन स्टोक्स यांनी ही कामगिरी केली होती.
FIFTY IN JUST 29 BALLS - THE SECOND FASTEST BY AN INDIAN IN TESTS! 🙌@RishabhPant17 played a game-changing innings at the SCG! 🔥#AUSvINDOnStar 👉 5th Test, Day 2 | LIVE NOW! | #ToughestRivalry #BorderGavaskarTrophy pic.twitter.com/yGaTGAlDxv
— Star Sports (@StarSportsIndia) January 4, 2025
ऋषभ पंतने मोडला एक मोठा विक्रम
ऋषभ पंतने आपल्या स्फोटक खेळीने रेकॉर्ड बुकमध्ये खळबळ उडवून दिली आणि आता त्याने ऑस्ट्रेलियात सर्वात वेगवान कसोटी अर्धशतक झळकावण्याचा 50 वर्ष जुना विक्रम मोडला आहे. आतापर्यंत हा विक्रम इंग्लंडच्या जॉन ब्राऊन आणि वेस्ट इंडिजच्या रॉय फ्रेडरिक्सच्या नावावर होता. ब्राउनने 1895 मध्ये मेलबर्नमध्ये 33 चेंडूत अर्धशतक झळकावले होते. फ्रेडरिकने 1975 मध्येही याच चेंडूंत अर्धशतक ठोकले होते. अशा प्रकारे पंतने 29 चेंडूत अर्धशतक झळकावून दोघांनाही मागे टाकले आहे.
महत्त्वाच्या बातम्या
