Ind vs Aus 1st Test : बाऊन्सरचा बदला बाऊन्सरने, पंत अन् मॉर्केलनं ८ हजाराच्या पैजेसाठी बुमराहचा केला गेम, पर्थमध्ये काय घडलं?, Video

ऑस्ट्रेलियाविरुद्धच्या 5 सामन्यांच्या बॉर्डर-गावसकर कसोटी मालिकेत खेळण्यासाठी भारतीय क्रिकेट संघ कर्णधार रोहित शर्माशिवाय तिथे पोहोचला आहे.

Rishabh Pant On Jasprit Bumrah

Source : ABP

Ind vs Aus 1st Test : ऑस्ट्रेलियाविरुद्धच्या 5 सामन्यांच्या बॉर्डर-गावसकर कसोटी मालिकेत खेळण्यासाठी भारतीय क्रिकेट संघ कर्णधार रोहित शर्माशिवाय तिथे पोहोचला आहे. या मालिकेतील पहिला सामना 22 नोव्हेंबरपासून पर्थ स्टेडियममध्ये खेळवला जाणार आहे, ज्यासाठी टीम इंडियाचे खेळाडू पर्थमध्येच नेटमध्ये जोरदार सराव करत आहेत. दरम्यान, बीसीसीआयने सरावाचा एक व्हिडिओही शेअर केला आहे, ज्यामध्ये वेगवान गोलंदाज संघाचा उपकर्णधार जसप्रीत बुमराह आणि ऋषभ पंत काहीशी मजा करताना दिसले. यादरम्यान 100 डॉलर्स म्हणजेच सुमारे 8 हजार रुपयांची पैजही लावण्यात आली. पर्थमध्ये काय घडलं माहीत आहे?

बीसीसीआयने सोशल मीडियावर शेअर केलेल्या व्हिडिओमध्ये ऋषभ पंतने नेटमध्ये जसप्रीत बुमराहकडे गोलंदाजीची जबाबदारी घेतली, ज्यामध्ये गोलंदाजी करण्यापूर्वी पंतने बुमराहला सांगितले की, प्रथम श्रेणी क्रिकेटमध्ये माझ्या नावावर एक विकेट आहे. यावर बुमराहनेही प्रत्युत्तर देण्यास उशीर न करता तुझी ती विकेट सजवून ठेव. यावेळी टीम इंडियाचा गोलंदाज मॉर्नी मॉर्केलही तिथे उपस्थित होता.

A contest that left Bowling Coach @mornemorkel65 in conundrum 😃

Are you Team Bumrah or Team Pant?

🎥 WATCH and find out the most anticipated question - Did @RishabhPant17 dismiss @Jaspritbumrah93 🤔#TeamIndia | #AUSvINDhttps://t.co/zGypNwdTCl

— BCCI (@BCCI) November 15, 2024

पंत आणि बुमराह यांच्यात आऊट होण्याबाबत 100 डॉलरची पैज होती. पंतने बुमराहला नेटमध्ये पहिला चेंडू टाकला, तेव्हा तो लेग साइडच्या दिशेने खेळला. यानंतर बुमराहने पंतच्या पुढच्या चेंडूवर पुल शॉट खेळला, त्यावर पंत म्हणाला की तो थेट क्षेत्ररक्षकाच्या हातात गेला असता आणि तू आऊट झालास. यावर बुमराह म्हणाला की चार किंवा दोन धावा झाल्या असत्या. पण पंतने मॉर्कलला विचारले की तो आऊट झाला की नाही, ज्यामध्ये त्याने समर्थन केले आऊट दिले. 

ऑस्ट्रेलियाविरुद्ध पर्थ येथे खेळल्या जाणाऱ्या पहिल्या कसोटी सामन्याबाबत रोहित शर्मा कर्णधारपद भूषवणार की नाही हे अद्याप निश्चित झालेले नाही. कारण तो अद्याप संघाशी जोडला नाही. या स्थितीत जसप्रीत बुमराह कर्णधारपदाची जबाबदारी सांभाळू शकतो. पण ऑस्ट्रेलियाविरुद्ध ही जबाबदारी पार पाडणे कोणत्याही संघाच्या कर्णधारासाठी सोपे राहिलेले नाही. तथापि, बुमराहने त्याच्या मागील 2 ऑस्ट्रेलिया दौऱ्यांवर आपल्या गोलंदाजीने सर्वांना प्रभावित केले आहे, ज्यामध्ये तो यावेळीही महत्त्वाची भूमिका बजावू शकतो.

हे ही वाचा -