BCCI ने डोळे वटारले, ICC नरमली; पाकव्याप्त काश्मीरमध्ये चॅम्पियन्स ट्रॉफीची टूर रद्द, पाकिस्तानला धक्का
चॅम्पियन्स ट्रॉफी 2025 वरून वातावरण पूर्णपणे तापले आहे. भारताने या स्पर्धेसाठी पाकिस्तान दौरा करण्यास स्पष्ट नकार दिला होता.
ICC cancels Champions Trophy tour PoK : चॅम्पियन्स ट्रॉफी 2025 वरून वातावरण पूर्णपणे तापले आहे. भारताने या स्पर्धेसाठी पाकिस्तान दौरा करण्यास स्पष्ट नकार दिला होता. चॅम्पियन्स ट्रॉफीसाठी कोणत्याही किंमतीत पाकिस्तानचा दौरा करणार नसल्याचे बीसीसीआयने आयसीसीला कळवले. तेव्हापासून पाकिस्तान आयसीसीकडे यामागील कारणाची मागणी करत आहे. तर बीसीसीआयने आधीच सुरक्षेचे कारण सांगितले आहे.
दरम्यान, आंतरराष्ट्रीय क्रिकेट परिषदेने आयसीसी चॅम्पियन्स ट्रॉफी दुबईहून इस्लामाबादला पाठवली आहे. आता ही ट्रॉफी पाकिस्तानमधील वेगवेगळ्या ठिकाणी चाहत्यांमध्ये नेली जाईल. चॅम्पियन्स ट्रॉफीचा दौराही जाहीर झाला आहे. दरम्यान ICC ने पाकिस्तान क्रिकेट बोर्डाला मोठा झटका दिला आहे.
Get ready, Pakistan!
— Pakistan Cricket (@TheRealPCB) November 14, 2024
The ICC Champions Trophy 2025 trophy tour kicks off in Islamabad on 16 November, also visiting scenic travel destinations like Skardu, Murree, Hunza and Muzaffarabad. Catch a glimpse of the trophy which Sarfaraz Ahmed lifted in 2017 at The Oval, from 16-24… pic.twitter.com/SmsV5uyzlL
बीसीसीआयने घेतला आक्षेप
चॅम्पियन्स ट्रॉफी 14 नोव्हेंबरला इस्लामाबादला पोहोचणार असल्याची घोषणा पाकिस्तान क्रिकेट बोर्डाकडून 14 नोव्हेंबरच्या संध्याकाळी केली. यानंतर 16 नोव्हेंबर ते 24 नोव्हेंबर या कालावधीत ट्रॉफी पाकिस्तानमध्ये नेली जाईल. पीसीबीने सोशल मीडियावर या प्रकरणाची माहिती दिली होती. जिथे त्याने सांगितले की, ट्रॉफी स्कर्दू, मुरी, हुंजा आणि मुझफ्फराबाद सारख्या ठिकाणी जाईल. या चार ठिकाणांपैकी फक्त मारी हा पाकिस्तानचा भाग आहे. याशिवाय इतर तीन ठिकाणे स्कर्दू, हुंजा आणि मुझफ्फराबाद PoK मध्ये येतात.
पाकिस्तानने याची घोषणा करताच बीसीसीआयने आक्षेप घेतला. आयसीसीने यावर तात्काळ कारवाई करत पाकिस्तान क्रिकेट बोर्डाला ट्रॉफी कोणत्याही वादग्रस्त ठिकाणी नेण्यास मनाई केली. पाकिस्तान क्रिकेट बोर्डाच्या या कृतीमुळे टीम इंडियाचे चाहते आणखी संतप्त झाले आहेत, परंतु बीसीसीआयने आयसीसीला वेळीच याची माहिती दिली आणि पाकिस्तानला तसे करण्यापासून रोखले.
चॅम्पियन्स ट्रॉफी पुढील वर्षी 19 फेब्रुवारी ते 9 मार्च दरम्यान होणार आहे. मात्र त्याचे वेळापत्रक अद्याप आलेले नाही. अशा परिस्थितीत, आयसीसीच्या इतिहासातही ही पहिलीच वेळ आहे की वेळापत्रक जाहीर होण्यापूर्वी ट्रॉफी यजमान देशात पोहोचली आणि दौराही होईल.
दुसरीकडे, भारतीय क्रिकेट नियामक मंडळाने (बीसीसीआय) आधीच आपला संघ पाकिस्तानला पाठवण्यास नकार दिला आहे. अशा स्थितीत ही स्पर्धा हायब्रीड मॉडेलनुसार आयोजित केली जाण्याची शक्यता वर्तवली जात आहे. किंवा संपूर्ण चॅम्पियन्स ट्रॉफी पाकिस्तानमधून दुसऱ्या देशात हलवली जाईल.
हे ही वाचा -
महत्त्वाच्या बातम्या
