IND vs AUS: आजपासून अहमदाबादमध्ये चौथी कसोटी... पंतप्रधान मोदी अन् ऑस्ट्रेलियाचे पंतप्रधान अँथनी अल्बानीज यांची सामन्याला उपस्थिती

India vs Australia Test: टीम इंडिया आणि टीम ऑस्ट्रेलिया संघांमधील चौथा कसोटी सामना आजपासून अहमदाबादच्या नरेंद्र मोदी स्टेडियममध्ये, पंतप्रधान मोदी आणि ऑस्ट्रेलियाचे पंतप्रधान अँथनी अल्बानीज सामन्याला उपस्थित राहणार.

India vs Australia Test

India vs Australia Test: टीम इंडिया (Team India) आणि ऑस्ट्रेलिया (Australia) यांच्यातील बॉर्डर गावस्कर ट्रॉफीचा (Border Gavaskar Trophy) चौथा कसोटी (IND vs AUS 4th Test) सामना आजपासून अहमदाबादच्या नरेंद्र मोदी स्टेडियमवर (Ahmedabad Narendra Modi Stadium) खेळवला जाणार आहे. चार सामन्यांच्या कसोटी मालिकेतील हा शेवटचा सामना आहे. या मालिकेत टीम इंडिया 2-1 ने पुढे आहे. या सामन्याचे वैशिष्ट्य म्हणजे, पंतप्रधान नरेंद्र मोदी (PM Modi) यांच्यासह ऑस्ट्रेलियाचे पंतप्रधान अँथनी अल्बनीज (Anthony Albanese) स्टेडियममध्ये उपस्थित राहणार आहेत. 

मिळालेल्या माहितीनुसार, पीएम मोदी (PM Modi) आणि अँथनी अल्बानीज सकाळी 8.30 वाजता स्टेडियमवर पोहोचणार आहेत. यादरम्यान दोन्ही दिग्गज नेते टीम इंडिया आणि ऑस्ट्रेलियाच्या खेळाडूंना भेटणार आहेत. यासोबतच पीएम मोदी आणि अँथनी अल्बानीज खास रथात बसून स्टेडियमचा फेरफटका मारणार आहेत. नाणेफेक सकाळी 9 वाजता होईल, त्यानंतर सामना 9.30 वाजता सुरू होईल. कसोटी सामना सुरू होण्यापूर्वी दोन्ही नेते साईटच्या स्क्रीनसमोर बसतील. दरम्यान, सामन्यापूर्वी स्टेडियमवर पोहोचल्यानंतर गुजरातच्या मुख्यमंत्र्यांनी सुरक्षा व्यवस्थेचा आढावा घेतला आहे. 

पंतप्रधान नरेंद्र मोदी 8 मार्च रोजी अहमदाबादला पोहोचले आहेत. पीएम मोदी गव्हर्नर हाऊसमध्ये रात्रीचा मुक्काम करणार आहेत. तर दोन्ही पंतप्रधान आज सकाळी साडेआठच्या सुमारास स्टेडियमवर पोहोचतील. असं सांगितलं जात आहे की, दोन्ही पंतप्रधान येथे सुमारे दोन तास थांबणार आहेत. सूत्रांनी दिलेल्या माहितीनुसार, पंतप्रधान नरेंद्र मोदी आणि ऑस्ट्रेलियाचे पंतप्रधान सामना पाहण्यासोबतच कॉमेंट्रीही करू शकतात. स्टेडियममधून बाहेर पडल्यानंतर पंतप्रधान मोदी थेट राजभवनात जातील. तिथून दुपारी 2 वाजता मोदी दिल्लीला रवाना होतील.

मेट्रोच्या वेळेत बदल

अहमदाबादच्या नरेंद्र मोदी स्टेडियमवर होणाऱ्या कसोटी सामन्यासाठी मेट्रोच्या वेळा आणि फ्रीक्वेन्सी या दोन्हींमध्ये बदल करण्यात आले आहेत. अशा परिस्थितीत 9 ते 13 मार्च दरम्यान मेट्रोच्या वेळेत बदल करण्यात आला आहे.

अँथनी अल्बानीज यांनी खेळली होळी, साबरमती आश्रमाचा दौराही केला 

ऑस्ट्रेलियाचे पंतप्रधान अँथनी अल्बानीज यांनी बुधवारी साबरमती आश्रमात महात्मा गांधींना आदरांजली वाहिली आणि त्यांच्या  भारत भेटीच्या पहिल्या दिवशी राजभवनात होळी खेळली. सायंकाळी ते शहरातील सरदार वल्लभभाई पटेल विमानतळावर पोहोचले आणि थेट महात्मा गांधींचं पूर्वीचं निवासस्थान असलेल्या साबरमती आश्रमात गेले.

चार दिवसांच्या भारत दौऱ्यावर असलेले अँथनी अल्बानीज यांनी राजभवनाला रवाना होण्यापूर्वी पुस्तकात लिहिलं आहे की, महात्मा गांधींच्या आश्रमाला भेट देणं, त्यांना आदरांजली वाहणं, ज्यांचं तत्वज्ञान आणि जीवनमूल्य आहेत. तरीही जगाला प्रेरणा द्या. त्याच्या उदाहरणातून आपल्याला खूप काही शिकण्यासारखं आहे. राज्याची राजधानी गांधीनगर येथील राजभवनात संध्याकाळी उशिरा अल्बानीज यांनी होळी खेळली. राजभवनात होळी साजरी करताना राज्यपाल आचार्य देवव्रत आणि मुख्यमंत्री पटेल यांनी त्यांना रंग लावला. 

महत्त्वाच्या इतर बातम्या :