निवृत्तीनंतर पुन्हा मैदानात उतरु शकतो 'हा' दिग्गज फलंदाज;  टी20 फॉर्मेटमध्ये खेळण्याची शक्यता

Latest Sport News: नवनवीन क्रिकेटपटू जगासमोर येत असले तरी काही दिग्गज खेळाडूंचा खेळ आजही क्रिकेटप्रेमी विसरलेले नाहीत, ज्यांच्या पुनरागमनाची आशा कायम क्रिकेट रसिकांना असते.

रॉस टेलर

Ross Taylor Comeback : न्यूझीलंड क्रिकेट टीमचा एक दिग्गज फलंदाज रॉस टेलरने (Ross Taylor) काही दिवसांपूर्वीच क्रिकेटमधून निवृत्ती घेतली. पण आता रॉस पुन्हा एकदा मैदानावर पुनरागमन करण्याची चिन्ह दिसत आहेत. तो टी20 क्रिकेट फॉर्मेटमध्ये पुन्हा खेळू शकतो. याबाबत त्याने स्वत:च प्रतिक्रिया दिली आहे. 

नुकताच न्यूझीलंड क्रिकेटकडून त्याला एक खास सन्मान देण्यात आला. यावेळी बोलताना त्याने आपली प्रतिक्रिया दिली. तो म्हणाला, "जर मला कोचिंग करण्याची संधी मिळाली, तर मी करु शकतो. पण कोचिंग सोबत अजूनही माझ्यात खेळण्याची इच्छा नक्कीच आहे.'' टेलरच्या या वक्तव्यातून तो पुन्हा मैदानात उतरण्याची शक्यता आहे. त्यात दिग्गज खेळाडू विविध देशांच्या टी20 लीगमध्ये खेळत असल्याने टेलरही टी20 क्रिकेटमध्ये पुनरागमन करु शकतो. 

रॉस टेलरचं 2006 मध्ये आंतरराष्ट्रीय क्रिकेटमध्ये पदार्पण
रॉस टेलरनं 2006 मध्ये न्यूझीलंडकडून पहिला एकदिवसीय सामना खेळला होता. त्यानंतर काही महिन्यांनी त्याला कसोटी क्रिकेटमध्ये पदापर्ण करण्याची संधी मिळाली. टेलरनं 236 एकदिवसीय सामन्यांमध्ये 8,593 धावा आणि 102 टी-20 आंतरराष्ट्रीय सामन्यांमध्ये 1,909 धावा केल्या आहेत. त्यानं आतापर्यंत 112 कसोटी सामने खेळले. ज्यात त्यानं 7,683 धावा केल्या आहेत. ज्यात 19 शतकाचा समावेश आहे. 

शेवटच्या सामन्यात रॉस टेलर 14 धावांवर बाद
क्रिकेटच्या तिन्ही फॉरमॅटमध्ये 100 हून अधिक आंतरराष्ट्रीय सामने खेळणारा टेलर हा जगातील एकमेव खेळाडू आहे. शेवटच्या सामन्यात त्याला क्रीजवर येण्यासाठी बराच वेळ वाट पाहावी लागली. मार्टिन गप्टिल आणि विल यंग यांच्या दुसऱ्या विकेटसाठी 203 धावांच्या भागीदारीमुळं त्याला 39व्या षटकात क्रीझवर यावं लागलं. तो मैदानातच येताच उपस्थितांनी उभे राहून त्यांचे स्वागत केलं. 14 धावांवर बाद झाल्यानंतर तो पॅव्हेलियनमध्ये परतत असताना त्याच्या चेहऱ्यावर मंद हास्य होतं.

हे देखील वाचा-