MS Dhoni: धोनीनं निवृत्तीसाठी 7.29 ही वेळ का निवडली? यामागचं गुपीत घ्या जाणून
गेल्या दोन वर्षांपूर्वी संपूर्ण देश स्वांतत्र्यदिन साजरा करत असताना भारताचा माजी कर्णधार महेंद्रसिंह धोनीनं (MS Dhoni) आंतरराष्ट्रीय क्रिकेटमधून निवृत्ती घेऊन सर्वांनाच आश्चर्याचा धक्का दिला.
Mahendra Singh Dhoni: गेल्या दोन वर्षांपूर्वी संपूर्ण देश स्वांतत्र्यदिन साजरा (Independence Day 2022) करत असताना भारताचा माजी कर्णधार महेंद्रसिंह धोनीनं (MS Dhoni) आंतरराष्ट्रीय क्रिकेटमधून निवृत्ती घेऊन सर्वांनाच आश्चर्याचा धक्का दिला. धोनीनं त्याच्या अधिकृत इंस्टाग्राम अकाउंटवरुन निवृत्तीची घोषणा केली होती.
महेंद्रसिंह धोनीनं 26 डिसेंबर 2014 मध्ये कसोटी क्रिकेटमधून निवृत्ती जाहीर केली. त्यानंतर 15 ऑगस्ट 2020 रोजी महेंद्रसिंह धोनीनं आपल्या इन्स्टाग्राम पोस्टद्वारे आपल्या निवृत्तीची घोषणा केली. "सर्वांनी दिलेल्या प्रेमाबद्दल धन्यवाद. आज संध्याकाळी 7.29 वाजल्यापासून मला निवृत्त समजलं जावं", असं त्यानं आपल्या पोस्टमध्ये म्हटलं होतं. त्या पोस्टसोबतच धोनीनं एक व्हिडीओही शेअर केला होता.
धोनीची इन्स्टाग्राम पोस्ट-
महत्वाचं म्हणजे, धोनीनं गेल्या दोन वर्षांपूर्वी म्हणजेच 15 ऑगस्ट 2022 संध्याकाळी 7.29 वा. आंतरराष्ट्रीय क्रिकेटमधून निवृ्त्ती जाहीर केली. पण धोनीनं त्याच्या निवृत्तीसाठी 7.29 ही वेळ का निवडली? असा प्रश्न त्याच्या चाहत्यांना नक्कीच पडला असेल. दरम्यान, 2019 साली विश्वचषकातील उपांत्य सामन्यात न्यूझीलंडविरुद्ध भारताला पराभवाचा सामना करावा लागला होता आणि तोच सामना धोनीचा शेवटचा आंतरराष्ट्रीय सामना ठरला. या सामन्यात धोनी बरोबर 7.29 वाजता मार्टिन गप्टिलच्या हातून धावचीत झाला. म्हणूनच त्यानं निवृत्तीसाठी ही वेळ निवडली असावी, असं समजलं जातंय.
आयसीसीच्या तिन्ही ट्रॉफी जिंकणारा धोनी एकमेव कर्णधार
आयसीसीच्या सर्व प्रमुख ट्रॉफी (एकदिवसीय विश्वचषक, टी-20 विश्वचषक आणि चॅम्पियन्स ट्रॉफी) जिंकणारा महेंद्रसिंह धोनी पहिला एकमेव कर्णधार आहे. धोनीच्या नेतृत्वात भारतानं 2007 मध्ये पहिल्या टी-20 विश्वचषकावर नाव कोरलं. त्यानंतर 2011 मध्ये एकदिवसीय विश्वचषक जिंकवून क्रिकेटविश्वात भारताचा झेंडा फडकवला. धोनीच्या नेतृत्वाखाली भारतानं आणखी एक पराक्रम केलाय. 2013 च्या आयसीसी ट्रॉफीच्या अंतिम सामन्यात भारतानं इंग्लंडचा पराभव करून इतिहास रचला.
महेंद्रसिंह धोनीची आंतरराष्ट्रीय कारकीर्द
महेंद्र सिंह धोनीने त्याच्या कारकिर्दीत 90 कसोटी, 350 एकदिवसीय आणि 98 टी-20 सामने खेळले आहेत. कसोटी सामन्यांमध्ये त्यानं 6 शतक, एक द्विशतक, 33 अर्धशतक केलं आहेत. त्यानं कसोटी क्रिकेटमध्ये एकूण 4 हजार 876 धावा केल्या आहेत. त्याने एकदिवसीय क्रिकेटमध्ये एकूण 10 हजार 773 धावा केल्या आहेत. यामध्ये 10 शतक, 79 अर्धशतकांचा समावेश आहे. तर, टी-20 क्रिकेटमध्ये त्यानं एकूण 1 हजार 617 धावा केल्या आहेत. धोनीनं 190 आयपीएल सामने खेळले. यामध्ये त्याने एकूण 4 हजार 432 धावा केल्या आहेत.
हे देखील वाचा-
महत्त्वाच्या बातम्या
ट्रेंडिंग न्यूज
