MPL 2024 : छत्रपती संभाजी किंग्सचा तिसरा विजय , दिग्विजय पाटील चमकला
MPL 2024 : छत्रपती संभाजी किंग्स संघाने 4 एस पुणेरी बाप्पा संघाचा 7 गडी राखून पराभव करत तिसरा विजय मिळवला.
पुणे : महाराष्ट्र क्रिकेट संघटनेच्या(एमसीए) वतीने आयोजित महाराष्ट्र प्रीमियर लीग(एमपीएल) 2024 स्पर्धेत आठव्या दिवशी पहिल्या लढतीत दिग्विजय पाटील(नाबाद 48) व दिग्विजय जाधव(नाबाद 20)यांनी केलेल्या सयंमपूर्ण अर्धशतकी भागीदारीच्या जोरावर छत्रपती संभाजी किंग्स संघाने 4 एस पुणेरी बाप्पा संघाचा 7 गडी राखून पराभव करत तिसरा विजय मिळवला.
गहुंजे येथील महाराष्ट्र क्रिकेट असोसिएशनच्या आंतरराष्ट्रीय मैदानावर सुरु झालेल्या या स्पर्धेत विजयासाठी छत्रपती संभाजी किंग्स संघाला 145 धावांचे आव्हान होते. सलामवीर सौरभ नवले 6 धावांवर तंबूत परतला. ओमकार खाटपे(30धावा) व ओम भोसले(27 धावा)यांनी दुसऱ्या विकेटसाठी 34 चेंडूत 50 धावांची भागीदारी करून संघाच्या डावाला आकार दिला. आठव्या षटकातील दुसऱ्याच चेंडूवर ओम भोसले 27 धावांवर झेल बाद झाला. रोशन वाघसरेने त्याचा बळी घेत अडसर दुर केला. त्यानंतर दिग्विजय पाटीलने 32 चेंडूत नाबाद 48 धावांची संयमी खेळी केली. त्याने ९चौकार मारले. दिग्विजय पाटील व ओमकार खाटपे(30धावा)यांनी चौथ्या विकेटसाठी 38 चेंडूत 52 धावांची भागीदारी करून संघाच्या विजयावर शिक्कामोर्तब केले.
𝘙𝘦𝘭𝘪𝘷𝘪𝘯𝘨 𝘵𝘩𝘦 𝘣𝘦𝘴𝘵 𝘮𝘰𝘮𝘦𝘯𝘵𝘴 𝘰𝘧 @4sBappa51793 𝘝𝘚 @ChSambhajiKings! 📸
— MPLT20Tournament (@mpltournament) June 9, 2024
#MaharashtraPremierLeague2024 #ThisIsMahaCricket #MaharashtraCricket #T20Cricket #MPL2024 #PuneriBappa #ChhatrapatiSambhajiKings pic.twitter.com/O95Lqn0b2G
तत्पूर्वी, 4 एस पुणेरी बाप्पा संघाने नाणेफेक जिंकून प्रथम फलंदाजी स्वीकारली. छत्रपती संभाजी किंग्सच्या यतीन मंगवाणी(2-28), आनंद ठेंगे(1-23), हितेश वाळुंज(1-30)यांनी केलेल्या अचूक गोलंदाजीपुढे 4 एस पुणेरी बाप्पा संघाला 20 षटकात 5 बाद 145 धावापर्यंत मजल मारली. पवन शहाने 43 चेंडूत 46 धावांची खेळी करून संघाला सुरेख सुरुवात करून दिली. त्याने 3 चौकार व 2 षटकार मारले. पण एकाबाजूने शुभम तैस्वाल(8), अभिमन्यू जाधव(7)हे झटपट बाद झाले. त्यानंतर यश क्षीरसागर 15, सुरज शिंदे नाबाद 15 यांनी धावा केल्या.
𝗪𝗵𝗮𝘁 𝗮 𝗯𝗲𝗮𝘂𝘁𝗶𝗳𝘂𝗹 𝗸𝗻𝗼𝗰𝗸 𝗯𝘆 𝗣𝗮𝘁𝗶𝗹 💛
— MPLT20Tournament (@mpltournament) June 9, 2024
His batting innings brings home 48* runs of 32 balls and a massive win@MahaCricket@ChSambhajiKings#MaharashtraPremierLeague2024 #ThisIsMahaCricket #MaharashtraCricket #T20Cricket #MPL2024 #ChhatrapatiSambhajiKings… pic.twitter.com/tmQ4DiSEqO
निकाल: साखळी फेरी:
4 एस पुणेरी बाप्पा: 20 षटकात 5 बाद 145 धावा(पवन शहा 46 (43,3x4,2x6), साहिल औताडे 39(21,2x4,3x6), यश क्षीरसागर 15, सुरज शिंदे नाबाद 15, यतीन मंगवाणी 2-28, आनंद ठेंगे 1-23, हितेश वाळुंज 1-30) पराभुत वि.छत्रपती संभाजी किंग्स: 18.1 षटकात 3 बाद 148 धावा(दिग्विजय पाटील नाबाद 48(32,9x4), ओमकार खाटपे 30(28,2x4,1x6), दिग्विजय जाधव नाबाद 20, ओम भोसले 27, सोहम जमाले 1-27, रोशन वाघसरे 1-29);सामनावीर - दिग्विजय पाटील;
𝗧𝗵𝗲 𝗗𝗶𝗴𝘃𝗶𝗷𝗮𝘆 𝗗𝘂𝗼 𝗶𝘀 𝗴𝗼𝗶𝗻𝗴 𝗕𝗜𝗚 🏏
— MPLT20Tournament (@mpltournament) June 9, 2024
A superb partnership of 6️⃣9️⃣ runs from 50 balls for this CSK pair.@MahaCricket@ChSambhajiKings#MaharashtraPremierLeague2024 #ThisIsMahaCricket #MaharashtraCricket #T20Cricket #MPL2024 #ChhatrapatiSambhajiKings… pic.twitter.com/vPyncJgXFL
महत्त्वाच्या बातम्या
