Mohammed Shami : BCCIने लंगड्या घोड्यावर खेळला मोठा डाव; स्टार खेळाडू लंगडत ड्रेसिंग रूममध्ये, पहिल्या सामन्यातून बाहेर?
दुखापतीनंतर मोहम्मद शमी टीम इंडियात परतला आहे. इंग्लंडविरुद्धच्या टी-20 मालिकेपासून ते चॅम्पियन्स ट्रॉफीपर्यंत त्याचे नाव संघात आहे.
Mohammed Shami Ind vs Eng T20 : दुखापतीनंतर मोहम्मद शमी टीम इंडियात परतला आहे. इंग्लंडविरुद्धच्या (India vs England) टी-20 मालिकेपासून ते चॅम्पियन्स ट्रॉफीपर्यंत त्याचे नाव संघात आहे. जसप्रीत बुमराहच्या दुखापतीमुळे आता त्याच्या खांद्यावर मोठी जबाबदारी असणार आहे. पण शमीच्या फिटनेसबद्दल पुन्हा प्रश्न उपस्थित होत आहेत. खरंतर, इंग्लंडविरुद्धच्या टी-20 संघात स्थान मिळवणारा शमी कोलकातामध्ये सराव करताना अस्वस्थ दिसत होता. त्याच्या पायावर पट्टी बांधलेली होती आणि तो ड्रेसिंग रूमकडे लंगडत चालला होता.
34 वर्षीय मोहम्मद शमी (Mohammed Shami) 2023 च्या एकदिवसीय वर्ल्ड कपमध्ये सर्वाधिक विकेट घेणारा गोलंदाज होता. 19 नोव्हेंबर 2023 रोजी शेवटचा भारताकडून खेळलेल्या या दिग्गज खेळाडूला इंग्लंडविरुद्धच्या टी-20 मालिकेतून पुनरागमन करण्याची संधी मिळत आहे. घोट्याच्या दुखापतीमुळे तो संपूर्ण 2024 हंगामाला मुकला होता. गेल्या वर्षी नोव्हेंबरमध्ये बंगालच्या स्थानिक क्रिकेटमध्ये यशस्वी पुनरागमनानंतर, निवडकर्त्यांनी आता इंग्लंडविरुद्धच्या चॅम्पियन्स ट्रॉफीपूर्वी शमीला मैदानात उतरवण्याचा निर्णय घेतला आहे.
19 जानेवारी रविवारी ईडन गार्डन्सवर झालेल्या भारताच्या पहिल्या सराव सत्रात मोहम्मद शमीने भाग घेतला. पीटीआयच्या वृत्तानुसार, त्याने एक तासाहून अधिक काळ पूर्ण ताकदीने गोलंदाजी केली. पण यानंतर जे घडले ते चिंताजनक होते. असे म्हटले जात आहे की गोलंदाजी केल्यानंतर शमी थोडा अस्वस्थ वाटत होता आणि तो लंगडत ड्रेसिंग रूममध्ये परतला. पण, तो लवकरच मैदानात परतला आणि बंगालच्या त्याच्या जुन्या सहकाऱ्यांशी संवाद साधला. शमीच्या डाव्या गुडघ्यावर एक जड पट्टी बांधलेली होती. भारत विरुद्ध इंग्लंड पाच सामन्यांची टी-20 मालिका 22 जानेवारीपासून सुरू होणार आहे. त्यामुळे तो खेळणार की नाही हे त्या दिवशी कळले.
He's BACK 💪🏻
— BCCI (@BCCI) January 20, 2025
Team India 🇮🇳
Mohd. Shami 😎
Eden Gardens 🏟️
Just perfect 👌🏻#TeamIndia | #INDvENG | @MdShami11 | @IDFCFIRSTBank pic.twitter.com/PwCuEOcaDA
इंग्लंडविरुद्धच्या टी-20 मालिकेसाठी भारतीय संघात - सूर्यकुमार यादव (कर्णधार), संजू सॅमसन (यष्टीरक्षक), अभिषेक शर्मा, तिलक वर्मा, हार्दिक पंड्या, रिंकू सिंग, नितीश कुमार रेड्डी, अक्षर पटेल (उपकर्णधार), हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई, वॉशिंग्टन सुंदर, ध्रुव जुरेल (यष्टीरक्षक).
हे ही वाचा -
महत्त्वाच्या बातम्या
ट्रेंडिंग न्यूज
