Kane Williamson Central Contract: केन विल्यमसनने कर्णधारपद सोडले; न्यूझीलंड बोर्डाची ऑफरही नाकारली, नेमकं काय घडलं?, जाणून घ्या
Kane Williamson Central Contract: टी20 विश्वचषकातील न्यूझीलंड संघाच्या खराब कामगिरीनंतर कर्णधार केन विल्यमसनने मोठा निर्णय घेत आपल्या पदाचा राजीनामा दिला आहे.
Kane Williamson Central Contract: केन विल्यमसन (Kane Williamson) याच्या नेतृत्वाखालील न्यूझीलंड संघ 2024 टी 20 वर्ल्ड कपच्या ग्रुप स्टेजमधून बाहेर पडला. या स्पर्धेत न्यूझीलंडकडून अत्यंत खराब कामगिरी झाली. आता विल्यमसनने न्यूझीलंडच्या कर्णधारपदावरून पायउतार होण्याचा (Kane Williamson Stepped Down As New Zealand Captain) आणि 2024-25 हंगामासाठी केंद्रीय करार न घेण्याचा निर्णय घेतला आहे. मात्र, क्रिकेटच्या तिन्ही फॉरमॅटमध्ये न्यूझीलंडसाठी उपलब्ध असेल, असे केन विल्यमसनने स्पष्ट केले.
KANE WILLIAMSON STEPPED DOWN AS NEW ZEALAND CAPTAIN....!!!!!
— Johns. (@CricCrazyJohns) June 19, 2024
- End of an Era in New Zealand cricket. pic.twitter.com/y76PoZ5hsj
न्यूझीलंड क्रिकेट बोर्डाने दिलेल्या निवेदनात म्हटले आहे की, विल्यमसन उन्हाळ्यात परदेशी लीग खेळण्याची संधी शोधत आहे. या कालावधीत तो न्यूझीलंडकडून खेळू शकणार नाही, त्यामुळे त्याने केंद्रीय करार न घेण्याचा निर्णय घेतला. मात्र, न्यूझीलंडकडून खेळण्यासाठी नेहमीच तयार असल्याचे विल्यमसनने सांगितले. याशिवाय विल्यमसनने आपल्या कुटुंबासोबत वेळ घालवण्याची इच्छाही व्यक्त केली. मात्र, विल्यमसनने न्यूझीलंडला नेहमीच प्राधान्य देण्यावर भर दिला.
Kane Williamson has declined the central contract. He's keen to push youngsters who are working hard.
— Mufaddal Vohra (@mufaddal_vohra) June 19, 2024
- Williamson, a class act as always! 🫡 pic.twitter.com/9T1v4E7Jah
विल्यमसनची आंतरराष्ट्रीय कारकीर्द-
विल्यमसनने आपल्या आंतरराष्ट्रीय कारकिर्दीत आतापर्यंत 100 कसोटी, 165 एकदिवसीय आणि 93 टी-20 आंतरराष्ट्रीय सामने खेळले आहेत. त्याने कसोटीत 8743 धावा, एकदिवसीय सामन्यात 6810 धावा आणि आंतरराष्ट्रीय टी20 मध्ये 2575 धावा केल्या आहेत. विल्यमसनने कसोटीत 32 आणि एकदिवसीय सामन्यात 13 शतके झळकावली आहेत.
विल्यमसनच्या नेतृत्वाखाली हे पराक्रम
प्रत्येक फॉरमॅटमध्ये खेळणाऱ्या विल्यमसनची गणना आधुनिक क्रिकेटमधील महान खेळाडूंमध्ये केली जाते. तो 10 वर्षांहून अधिक काळ न्यूझीलंडच्या फलंदाजीचा प्राण आहे. विल्यमसनच्या नेतृत्वाखाली, न्यूझीलंडने 2015 आणि 2019 एकदिवसीय विश्वचषक, 2021 टी-20 विश्वचषक आणि जागतिक कसोटी चॅम्पियनशिपची अंतिम फेरी गाठली, जी न्यूझीलंडने जिंकली. या चारपैकी तीन स्पर्धांमध्ये विल्यमसन न्यूझीलंडचे नेतृत्व करत होता.
संबंधित बातम्या:
महत्त्वाच्या बातम्या
ट्रेंडिंग न्यूज
