Rahul Tripathi : आयर्लंडविरुद्ध राहुलला खेळायला मिळणं अवघड, माजी भारतीय खेळाडूने सांगितलं कारण

IND vs IRE : यंदाच्या आयपीएलमध्ये सनरायजर्स हैदराबाद संघाकडून खेळताना चांगली कामगिरी केल्यामुळे अखेर राहुल त्रिपाठीला आयर्लंड दौऱ्यासाठी निवडलं आहे.

राहुल त्रिपाठी

IND vs IRE : भारतीय क्रिकेट नियामक मंडळाने भारत विरुद्ध आयर्लंड (IND vs IRE) सामन्यांसाठी संघ जाहीर केला. यावेळी आयपीएल 2022 मध्ये चमकदार कामगिरी करणारा राहुल त्रिपाठी (Rahul Tripathi) याची पहिल्यांदाच भारतीय संघात निवड झाली. पण त्याला अंतिम 11 मध्ये मात्र स्थान मिळणं अवघड असल्याचं वक्तव्य माजी भारतीय क्रिकेटपटू आकाश चोप्राने (Aakash Chopra) म्हटलं आहे. आकाशने यामागील कारणही सांगितलं आहे.

राहुलला संघात निवडलं असलं तरी त्याला अंतिम 11 मध्ये खेळायला मिळणं अवघड असल्याचं सांगताना आकाश म्हणाला, 'सध्या भारत आणि दक्षिण आफ्रिका यांच्यात सुरु असलेल्या टी20 मालिकेत संघात स्थान मिळालं असलं तरी अंतिम 11 मध्ये खेळायला मिळालेल्या खेळाडूंची संख्या बरीच आहे. या सर्वांना आयर्लंडविरुद्ध अंतिम 11 मध्ये घेण्याचा आधी विचार केला जाईल. त्यामुळे राहुलला संधी मिळणं अवघड आहे.' 

आयर्लंडविरुद्ध भारतीय संघ

हार्दिक पांड्या (कर्णधार), भुवनेश्वर कुमार (उपकर्णधार), ईशान किशन, ऋतुराज गायकवाड, सूर्यकुमार यादव, संजू सॅमसन, वेंकटेश अय्यर, दीपक हुडा, राहुल त्रिपाठी, दिनेश कार्तिक (यष्टीरक्षक), युजवेंद्र चहल, अक्षर पटेल, रवी बिश्नोई, हर्षल पटेल, आवेश खान, अर्शदीप सिंह, उमरान मलिक

भारत विरुद्ध आयर्लंड सामन्यांचे वेळापत्रक

सामना	दिनांक	ठिकाण
पहिला टी20 सामना	26 जून	डबलिन क्रिकेट स्टेडियम, मलाहाइड, आयर्लंड
दुसरा टी20 सामना	28 जून	डबलिन क्रिकेट स्टेडियम, मलाहाइड, आयर्लंड

हे देखील वाचा-