Ind vs SA, 1st ODI Highlights : भारताची गोलंदाजीसह फलंदाजीत सुमार कामगिरी, सामना 31 धावांनी गमावला
IND vs SA Live : के. एल. राहुलच्या नेतृत्वात भारतीय संघ दक्षिण आफ्रिका विरोधात एकदिवसीय मालिकेची सुरुवात करत आहे. पाहा पहिल्या एकदिवसीय सामन्याचे लाईव्ह अपडेट्स ...
LIVE
Background
IND vs SA : के. एल. राहुलच्या नेतृत्वात भारतीय संघ दक्षिण आफ्रिका विरोधात एकदिवसीय मालिकेची सुरुवात करत आहे. पार्ल स्टेडिअमवर भारत आणि दक्षिण आफ्रिाक यांच्यात पहिला एकदिवसीय सामना होत आहे. कसोटी मालिकेत भारतीय संघाला पराभवाचा सामना करावा लागला होता. या पराभवाचा वचपा काढण्याच्या इराद्याने भारतीय संघ मैदानावर उतरेल. (IND vs SA, 1st ODI )
पार्लच्या मैदानावर भारताची कामगिरी -
भारत आणि दक्षिण आफ्रिका यांच्यातील पहिला एकदिवसीय सामना पार्ल क्रिकेट ग्राऊंडवर होत आहे. या मैदानावर भारताने पहिला सामना 1997 मध्ये खेळला होता. हा सामना बरोबरीत सुटला होता. 2001 मध्ये भारताने केनियाला हरवले होतं. तर 2003 मध्ये नेदरलँडचा पराभव केला होता. या मैदानावर भारताने आतापर्यंत तीन सामने खेळले आहेत. या तिन्ही सामन्यात भारतीय संघ अजेय आहे. आपला हा विक्रम भारतीय संघ कायम राखतो का? हे पाहणे औत्सुक्याचे ठरणार आहे.
दोन्ही संघ कसे आहेत?
भारतीय संघ -
केएल राहुल (कप्तान), शिखर धवन, विराट कोहली, श्रेयस अय्यर, ऋषभ पंत, वेंकटेश अय्यर, युजवेंद्र चहल, जसप्रीत बुमराह, भुवनेश्वर कुमार, आर. अश्विन, शार्दुल ठाकूर
दक्षिण आफ्रिका -
क्विंटन डिकॉक, जानेमन मलान, एडन मार्कराम, रुसी व्हॅन डर डुसेन , टेंबा बावुमा (कर्णधार), डेव्हिड मिलर, अँडिले फेहलुकवायो, मार्को जानसेन, केशव महाराज, तबरेझ शम्सी, लुंगी एनगिडी
भारत तब्बल तीन वर्षानंतर दक्षिण आफ्रिकेचा दौरा केलाय. यापूर्वी, भारतानं 2018 मध्ये दक्षिण आफ्रिकेचा दौरा केला होता. दरम्यान, भारत- दक्षिण आफ्रिकेतील एकदिवसीय मालिकेच्या वेळापत्रकावर एकदा नजर टाकुयात. तसेच हे सामने कधी, कुठे खेळले जाणार आहेत?
भारत- दक्षिण आफ्रिका एकदिवसीय मालिकेचं वेळापत्रक
पहिला एकदिवसीय सामना- 19 जानेवारी (बोलंड पार्क, पार्ल)
दुसरा एकदिवसीय सामना- 21 जानेवारी (बोलंड पार्क, पार्ल)
तिसरा एकदिवसीय सामना- 23 जानेवारी (न्यू लँड्स क्रिकेट ग्राऊंड, केपटाऊन)
पहिल्याच सामन्यात भारताचा पराभव, दक्षिण आफ्रिकेचा 31 धावांनी विजय
एकदिवसीय मालिकेतील पहिल्याच सामन्यात भारतीय संघाला पराभवाचा धक्का बसला आहे. विराट कोहली, शिखर धवन आणि शार्दुल ठाकूर यांचा अपवाद वगळता भारतीय फलंदाजांना आपली कामगिरी करण्यात अपयश आलेय. पहिल्या एकदिवसीय सामन्यात यजमान दक्षिण आफ्रिका संघाने भारताचा 31 धावांनी पराभव केला. दक्षिण आफ्रिका संघाने दिलेल्या 297 धावांच्या आव्हानाचा पाठलाग करताना भारतीय संघाला 50 षटकांत आठ बाद 265 धावा करता आल्या. विराट कोहली आणि शिखर धवन यांनी भारताचा डाव सावरण्याचा प्रयत्न केला. पण लागोपाठ विकेट पडल्यामुळे भारताचा डाव गडगडला.
भारताचा 31 धावांनी पराभव, गोलंदाजीनंतर फलंदाजीतही सुमार कामगिरी
भारताने आधी गोलंदाजीत सुमार कामगिरी केल्यानंतर फलंदाजीतही चांगल्या सुरुवातीनंतर खराब शेवट केल्यामुळे सामना गमवला आहे. भारताचा 31 धावांनी पराभव झाला आहे.
भारताला सहावा धक्का
व्यंकेटश अय्यर बाद, भारताला सहवा धक्का... सामना दक्षिण आफ्रिकेच्या बाजूने झुकला आहे.
भारताचा अर्धा संघ तंबूत, श्रेयस अय्यर पाठोपाठ पंतही बाद
भारताचा अर्धा संघ तंबूत परतला आहे. श्रेयस अय्यर पाठोपाठ पंतही बाद झाला. भारतीय संघाची सर्व मदार युवा वेंकटेश अय्यरच्या खांद्यावर. भारतीय संघाला विजयासाठी १०० पेक्षा जास्त धावांची गरज
भारताचा डाव गडगडला
मोक्याच्या क्षणी भारतीय फलंदाजांनी विकेट फेकल्यामुळे डाव गडगडला. धवन, विराटनंतर श्रेयस अय्यरही बाद झाला आहे. अय्यरला १७ धावांवर समाधान मानावे लागले.
महत्त्वाच्या बातम्या
ट्रेंडिंग न्यूज
