(Source: ECI/ABP News/ABP Majha)
Video : पाकिस्तानच्या शाहीन आफ्रिदीने भारतीयांची मनं जिंकली, ज्युनिअर बुमराहला दिलं गिफ्ट
IND vs PAK Asia Cup 2023 LIVE: भारत आणि पाकिस्तान यांच्यामध्ये कोलंबोत महामुकाबला सुरु आहे.
Shaheen Afridi Jasprit Bumrah IND vs PAK : भारत आणि पाकिस्तान यांच्यामध्ये कोलंबोत महामुकाबला सुरु आहे. रविवारी पावसामुळे सामना थांबवावा लागला. राखीव दिवशी म्हणजेच सोमवारी उर्वरित खेळ (IND vs PAK) होणार आहे. शुभमन गिल याने शाहीन आफ्रिदी याची चांगलीच धुलाई केली होती. पण सोशल मीडियावर शाहीन आफ्रिदी वेगळ्याच कारणामुळे चर्चेत होता. शाहीन आफ्रिदीने ज्युनिअर बुमराहसाठी खास गिफ्ट आणले होते. सामना पावसामुळे थांबवला, त्यावेळी शाहीन आफ्रिदीने याने जसप्रीत बुमराह याला गिफ्ट दिले. पाकिस्तान क्रिकेट बोर्डाने याबाबतचा व्हिडीओ पोस्ट केला आहे. शाहीन आफ्रिदीच्या या कृतीचे सर्वच स्तरातून कौतुक होत आहे. भारतीय चाहत्यांनीही त्याच्यावर कौतुकाचा वर्षाव केला आहे.
रविवारी पावसामुळे सामना थांबवण्यात आला, त्यावेळी शाहीन आफ्रिदी याने हातात भेटवस्तू घेत टीम इंडियाची ड्रेसिंग रुम गाठली. शाहीन आफ्रिदी याने बुमराहची (Jasprit Bumrah) भेट घेतली अन् त्याला बाप झाल्याबद्दल शुभेच्छा दिल्या. त्यासोबतच ज्युनिअर बुमराहसाठी गिफ्टही दिलेय. या प्रसंगाचा व्हिडीओ पाकिस्तान क्रिकेट बोर्डाने सोशल मीडियावर पोस्ट केला आहे. हा व्हिडीओ सध्या सोशल मीडियावर व्हायरल (Viral Video) होतोय. 'बुमराह भाई आणि भाभी तुमचं खूप खूप अभिनंदन! देव तुमच्या मुलाला नेहमी आनंदी ठेवो', असं शाहीन आफ्रिदी बुमराहला म्हणाल्याचे व्हिडीओतून दिसतेय. जसप्रीत बुमराह यानेही शाहीन आफ्रिदीचं गिफ्ट स्विकारलं अन् त्याचे मनापासून आभार व्यक्त केले. दोघांच्या चेहऱ्यावर वेगळेच समाधान दिसत होते.
Spreading joy 🙌
— Pakistan Cricket (@TheRealPCB) September 10, 2023
Shaheen Afridi delivers smiles to new dad Jasprit Bumrah 👶🏼🎁#PAKvIND | #AsiaCup2023 pic.twitter.com/Nx04tdegjX
भारत आणि पाकिस्तान यांच्यात दोन सप्टेंबर रोजी साखळी सामना पावसामुळे रद्द झाला होता. या सामन्यानंतर जसप्रीत बुमराह मायदेशात परतला होता. नेपाळविरोधातील सामन्यासाठी बुमराह उपल्बध नव्हता. संजनाने हिने गोंडस बाळाला जन्म दिला. जसप्रीत बुमराहने स्वत: ट्वीट करून बाळासंदर्भात माहिती दिली होती. बाळाचा आणि पत्नीचा हात हातात घेऊन बुमराहने फोटो पोस्ट केला आहे. "आयुष्यातील या नव्या जबाबदारीबद्दल खूष आहे", असं त्याने पोस्टमध्ये लिहीलं होते. संजना गणेशन हिने 4 सप्टेंबर रोजी मुलाला जन्म दिला. बुमराह आणि संजना यांनी आपल्या बाळाचे नाव अंगद ठेवलेय. जसप्रीत बुमराह बाप झाल्यानंतर पुन्हा एकदा मैदानात परतलाय. पाकिस्तानविरोधातील सामन्यात त्याने कमबॅक केले. आज राखीव दिवशी सामना होणार आहे.
महत्त्वाच्या बातम्या
ट्रेंडिंग न्यूज
